álemge áıgili mýzykantpen kelisimshart jasasty
Cee-Lo Green degen laqap atpen tanymal bolǵan Tomas DeKarlo Kolleveı esimdi amerıkalyq ánshi, kompozıtor elimizdegi talantty ánshilerdiń biri Álı О́tegenovpen bir jylǵa kelisimshart jasasty.
Álı tyńdarmandaryna Prince Ali NeAura degen esimmen belgili. О́ner jolyn eń alǵash Almaty qalasynda júrip án aıtýdan bastaǵan. Sondaı-aq, Álı telearnalardaǵy túrli shoýlarǵa qatysyp, jarystarda baǵyn synaǵan. Búginde 28 jastaǵy ánshini jastar jaǵy jaqsy tanıdy. Ol tanymal prodıýser Baıan Esentaevamen de birlesip jumys istegen. Alaıda, bul seriktestik uzaqqa sozylmady. Aldyna maqsat qoıǵysh Álı kóligin satyp, muhıttyń arǵy betinen bir-aq shyǵady. Onda ol restorandarda, túngi klýbtarda án aıtyp júrip, Cee-Lo Green-men tanysqan. Boıyndaǵy talantyn baıqaǵan ataqty ánshi qazaq jigitin Mothership Music prodıýserlik ortalyǵyna shaqyrady. Bir jylǵa jasalǵan kelisimshart boıynsha Álı О́tegenov aldaǵy ýaqytta klıp túsirý, albom jazý jumystaryna kiristi.
Reper, prodıýser Tomas DeKarlo Kolleveı kópshilikke Goodie-Mob hıp-hop tobynyń múshesi retinde tanylǵan. Búginde birneshe ánniń avtory. Shyǵarmashylyq jolynda biraz jetistikterge jetken.
Aıan ÁBDÝÁLI,
«Egemen Qazaqstan».