Astanalyq Ázilhan!

Halyq jazýshysy Ázilhan Nurshaıyqov aǵamyz úshin ótken jyldyń 15 jeltoqsany tórt bir­deı qýanyshqa kenelgen keremet kún bolǵany belgili. Birinshisi – óziniń dúnıe esigin ash­qanyna 88 jyl tolsa, ekinshisi – Elbasy qolynan «Otan» ordenin aldy. Dál osy kúni «Habar» telear­nasy «Sonymen, solaı deıik...» baǵdarlamasy boıyn­sha Ázaǵa­nyń «Mahabbat, qyzyq mol jyl­dar» romanynyń ja­ryq kórge­nine 40 jyl tolýyna oraı 45 mınýttik taǵylymdy habar kórset­ti. Osynsha qýa­nysh­tyń izin ala taǵy bir súı­inshi habar jetti. Astanalyq Já­lelhan Raıhanov pen Álfııa Myrzabaeva nemereli bolyp, sá­bıge Ázilhan atasynyń esimin qoı­ypty. Kezinde «mahabbat ura­nyn» jattap alǵandaı etip tu­shy­nyp oqyǵan qyzylshaqa Ázil­han­nyń áke-sheshesi Bekzat pen Dı­nanyń shattyǵynda shek joq. Tap bir úılerine Ázilhan atasy enip kelgendeı, máre-sáre. Ekpini tó­be­degini jerge túsirerdeı osy tórt birdeı qýanyshty qazaqsha yrym­ǵa balap aıtsaq, «aq túıeniń qa­ryny jarylǵan kún» eken-aý! Almatydaǵy Ázaǵań «О́ziniń» besikke «bólenbek» kúnin estigende, kóshe sharlap, sábı buıymyn satyp alypty. Balaǵa jaıalyq bol­syn dep, ústinen sheshken bir kóılegin yrymdap qosa jibermekke daıyn­daıdy. Al sábıdiń ar­daqty atasy Jálelhan zamanda­syna etegine orap, ertegi aıtyp bersin degen tilekpen shapandy jáne bólek qoıa­dy. Osy syı-sııapatynyń ba­syn qosyp, poshtamen Astanaǵa ile jóneltip jiberedi. Sálemde­me­men ilesip «О́s! О́s! О́s! Aı­na­laı­yn, sábı Ázilhan. О́sip, erjetip, XXI ǵa­syrdyń ataqty, ar­daqty, aby­roıly azamaty bol, at­ta­sym!» degen ystyq lebizi, jú­rek­jar­dy batasy jáne birge ketedi. Búginderi attastarǵa tańyr­qaýdyń ózi qıyn. Mundaı óne­geniń qanshama mysaldary jetip artylady. Al solardyń ish­inde mynadaı tórt birdeı oqı­ǵanyń úndese ketip, rýhanı qabysýy sırek-aý, sırek! «Egemen-aqparat». Astana.