PETROPAVL. 29 naýryz. Qalalyq sot polısııasynyń burynǵy qyzmetkerine qatysty úkim shyǵaryp, aıypty dep tapty. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady.
Polısııanyń aǵa leıtenanty Samal Qudabaeva qalalyq ishki ister basqarmasynda qylmystyq isterdi tergeý tobynyń tergeýshisi qyzmetin atqaryp júrgende S. degen azamatshadan 80 myń teńge mólsherinde alym talap etip, alaıaqtyqqa qatysty tergeý amaldaryn toqtatý úshin suraǵan.
Sotta kúdiktinin para talap etkeni dáleldenip, Qylmystyq kodekstiń 366-babynyń 1-bólimi boıynsha jazaǵa tartyldy. Onyń múlki tárkilenip, 1 jylǵa bas bostandyǵynan aıryldy. Sonymen qatar ómir boıy memlekettik qyzmetten shettetildi.
О́mir Esqalı.
Derek: oblystyq sottyń baspasóz qyzmeti.
Sýret: astana.sud.kz.