«Eńlikgúl-2016»

syılyqtarynyń esimi belgisiz Atymtaı jomarty kim? О́ner ólkesiniń ókilderi ótken jyly alqymnan alǵan qarjy­lyq daǵdarys sahna salasyna da sal­­­­qynyn tıgizgendikten, teatr óneriniń kásibı syılyǵy – «Eń­likgúl» júldesi eshkimge berilmeı qalǵanyn biledi. Bıyl da osy jaǵdaı jalǵasyp, «Qazmunaıgaz» kompanııasy turaq­ty demeýshilikten bas tart­qan soń, Qazaqstan Teatr qaıratkerleri odaǵynyń tóraǵasy Tuńǵyshbaı ál-Tarazı óziniń aıtýynsha, tany­maldylyǵyn alǵa tartyp, demeýshi taýyp, sahna ónerine eńbegi sińgen talanttardyń mereıi tasýyna sep­tigin tıgizdi. Alaıda, kásibı syı­lyqtyń taǵaıyndalýyna qomaq­ty qarajat bólgen mesenat óz aty-jóniniń qupııa bolýyn qalaǵan. Halyq­aralyq teatr kúnine oraı dástúrli «Eńlikgúl-2016» júldesi altynshy ret ıelerin tapty. Eli­miz­diń ár shalǵaıyndaǵy teatr óneri maıtalmandarynyń basyn toǵystyrǵan saltanatty marapattaý rásimi Almatydaǵy M.Lermontov atyndaǵy memlekettik akade­mııa­lyq orys drama teatrynda ótti. Birden aıta ketelik, bıylǵy baıqaýǵa 41 teatrdan 137 usynys kelip túsken. Qazaqstan Teatr qaı­rat­kerleri odaǵynyń qazylar alqa­sy sarapqa sala kele, aldymen ynta­landyrý syılyqtaryn tabystady. «Jyldyń eń úzdik jaryq berý­shisi» atalymy boıynsha Shy­ǵys Qazaqstan oblystyq orys drama teatrynyń qyzmetkeri Anatolıı Koblov marapattaldy. «Jyldyń mýzykalyq kórkem­deýshisi» syıly­ǵyna Astanadaǵy M.Gorkıı atyn­daǵy akademııalyq orys drama teatrynan Neılıa Terehına laıyq dep tanylsa, «Jyldyń teatr mened­jeri» atalymyn S.Seıfýllın atyn­­daǵy Qaraǵandy oblystyq drama teatrynyń beldi qyzmetkeri San­­syzbaı Bekbolatov ıelendi. «Jyl­dyń teatrtanýshylyq maqa­lasy» júldesi astanalyq teatr­tanýshy Aızat Qadyralıevaǵa buıyrdy. Sol sııaqty, «Jyl dramatýrgi» syı­lyǵy T.Júr­genov atyndaǵy Ult­tyq óner aka­demııasynyń oqytý­shysy Ánnás Baǵdatqa berildi. Kináz ónerdiń kiltin tapqan Ánnás osymen ekinshi ret «Eńlikgúldiń» eń myqty dramatýrgi atanyp otyr. «Teatr orkestriniń jyl artısi» ataǵyn Qaraǵandy akademııalyq mýzykalyq komedııa teatrynyń ónerpazy Natalıa Han alsa, jyl­dyń «Sýretshi-grımeri» júl­desine Ońtústik Qazaqstan oblys­tyq orys drama teatrynyń grı­meri Tájen Balabaeva laıyq dep tabyldy. Almatydaǵy M.Áýezov atyn­daǵy Qazaq mem­lekettik akade­mııa­lyq drama teatrdyń tabaldyryǵyn 15 jasynda attap, birinshi bolyp Eńlik rólin oınaǵan aktrısa Aısha Abdýlına da bıyl 100 jasqa keldi. Iаǵnı, bıyl kásibı qazylar alqasy biraýyzdan ol kisini «Teatr ónerin damytýǵa qosqan úlesi úshin» syılyǵyna laıyq dep tapqan. Osydan keıin Almaty qala­lyq qýyrshaq teatrynan Aıdyn Jaqypbaev «Balalarǵa ar­nalǵan spektakldegi jyldyń shyǵar­mashylyq jumysy» júl­desimen marapattaldy. Jam­byl oblystyq drama teatry­nyń qylqalam sheberi Rahat Saparalıeva «Jyl teatr sýret­shisi» atansa, Astana jastar taetrynyń rejısseri Nurqanat Jaqypbaı bıyl «Jyl rejısseri» atalymyn jeńip aldy. «Jyl aktrısasy» júldesi boıynsha Astanadaǵy Qalıbek Qýa­nysh­baev atyndaǵy qazaq mýzykalyq drama teatrynyń aktrısasy Aınur Ber­muha­medova­nyń baǵy jandy. «Jyl akteri» syılyǵyn Aqtaý qalasyndaǵy N.Jantórın atyndaǵy Mańǵystaý oblystyq mýzykalyq drama teatrynyń maıtalmany Medǵat О́mirálıev alyp ketti. Bul júldegerlerdiń bar­ly­ǵy 1 mıl­lıon teńgeniń qarjylaı syı­lyǵyna ıe boldy. Bir qy­zyǵy, bıyl Qazaqstan Teatr qaırat­kerleri odaǵy «Jyldyń operalyq (operetta) balettik partııasy» syılyǵyna usynylǵan eki ujymdy júldege laıyq kórmegendikten, onyń qarajatyn odaq­pen qoıan-qoltyq jumys istegen Qaraǵandy akademııalyq mýzykalyq komedııa teatry, Ońtústik Qazaqstan ob­lys­tyq Saıram ózbek teatry, Ońtústik Qazaqstan oblystyq orys drama teatry, N.Bekejanov atyndaǵy Qyzylorda oblystyq mýzykalyq drama teatry men Shyǵys Qazaqstan oblystyq drama teatrlaryna bólip berdi. Aınash ESALI, «Egemen Qazaqstan». ALMATY.