Ustaz – mekteptiń júregi deıdi. Oryndy, ári taýyp aıtylǵan tujyrym. Osy saladaǵy óz isiniń úzdikterin oblystyq bilim basqarmasy baıqaýlar arqyly tańdap keledi. Qazaq tili men ádebıetin oqytýda joǵary nátıjelerge jetken muǵalimderge arnaıy grant taǵaıyndaý jónindegi baıqaýǵa atalǵan pánniń 28 ustazy qatysyp, baq synady.
Aýdan, qalalarda sheberligimen tanylǵandar ádistemelik qory men sabaqqa paıdalanatyn quraldaryn kórsetý, shákirtterin qazaqstandyq patrıotızmge tárbıeleýdegi biliktilikteri ortaǵa salyndy. Ádilqazylar qazaq synyptaryna qazaq tili men ádebıetinen sabaq beretin ustazdar arasynan Alakól aýdany, Úsharal orta mektebiniń muǵalimi Sandýǵash Basqanbaeva men orys synyptaryna sabaq beretinder arasynan Taldyqorǵan qalasyndaǵy Abaı atyndaǵy № 1 orta mektep muǵalimi Elmıra Rahımbaeva birinshi oryndardy ıelenip, grant ıegeri atandy.
Qos ustaz bir jyl boıy arnaıy taǵaıyndalǵan grantty ıelenip, eńbekterin eselemek. Bul olardyń óz mamandyǵyna degen erekshe yntasyn ańǵartsa kerek.
Kúmisjan BAIJAN, Almaty oblysy.