ASTANA. 30 naýryz. Áıgili Boeing avıakompanııasy 8 myńǵa jýyq qyzmetkerin qysqartady. Bul týraly TASS aqparat agenttigine silteme jasaǵan egemen.kz tilshisi habarlady.
The Seattle Times basylymynyń habarlaýynsha, Boeing osyǵan deıin 4 myń qyzmetkerin jumystan bosatý týraly sheshim qabyldaǵan, alaıda taǵy da 4 myń adamdy qysqartý jóninde sheshim qabyldady. Olardyń arasynda júzdegen menedjer mamandary bar. Kompanııanyń mundaı qadamǵa barýynyń basty sebebi, shyǵyn kólemin azaıtý.
Boeing 1916 jyly qurylǵan. Shtab-páteri Illınoıs shtatynyń Chıkago qalasynda ornalasqan. Álemdegi áýe, ǵarysh jáne áskerı tehnıkalar shyǵaratyn eń iri kompanııalardyń biri. Al ótken jylǵy tabys mólsheri 96 mıllıard dollardy qurady.
Aıan Ábdýálı.
Derek, sýret: TASS.