TARAZ. 30 naýryz. Jalpy memlekettik baǵdarlamany júzege asyrý bastalǵaly Jambyl oblysynda 12 kóppáterli úı paıdalanýǵa berildi. Bul týraly egemen.kz tilshisi habarlady.
«Qazaqstannyń turǵyn úı qurylys jınaq banki» AQ Jambyl oblystyq fılıalynyń dırektory Evgenıı Sharygınniń aıtýynsha, bank О́ńirlerdi damytýdyń 2020 jylǵa deıingi memlekettik baǵdarlamasynyń «Halyqtyń barlyq sanatyna arnalǵan turǵyn úı» jáne «Jas otbasyǵa arnalǵan turǵyn úı» operatory bolyp tabylady. QTQJB turǵyn úıdi satyp alýshy men jalǵa alýshylardyń pýldaryn qalyptastyrý jáne klıenttiń tólemqabilettiligin tekserý joldarymen turǵyn úılerdi konkýrs negizinde bólýdi qarastyrady.
Memlekettik baǵdarlamany júzege asyrý bastalǵannan beri Jambyl oblysynda 12 kóppáterli úı paıdalanýǵa berildi. Solardyń qatarynda: «Jas otbasyǵa arnalǵan turǵyn úı» baǵyty boıynsha jalpy aýdany 23,7 myń sharshy metr bolatyn 390 páterli 5úı men «Halyqtyń barlyq sanatyna arnalǵan turǵyn úı» baǵyty boıynsha jalpy aýdany 31,6 myń sharshy metr quraıtyn 399 páterli 7 turǵyn úı paıdalanýǵa berildi.
«2016 jyly О́ńirlerdi damytýdyń 2020 jylǵa deıingi baǵdarlamasy aıasynda «Araı» turǵyn úı kesheninde ornalasqan jalpy aýdany 6,179 myń sharshy metr quraıtyn 80 páterli úı qurylysyn aıaqtaý josparlanyp otyr. Pýlǵa qatysý úshin ótinish berý bıylǵy jyldyń 3 tamyzynda bastalyp, 3 qazanǵa deıin jalǵasady. Sonymen qatar, turǵyn úıdiń baǵasy ózgerissiz qalady jáne 1 sharshy metr úshin 116 myń teńge bolady», dedi spıker.
Oralhan Dáýit.
Derek, sýret:egemen.kz