Ulttyq zertteý ýnıversıteti degenimiz ne jáne bul ataqqa laıyq bolý úshin ne isteý kerek? О́zekti saýaldarǵa jaýap izdegen sheteldik jáne otandyq ǵalymdar jaqynda Ál-Farabı atyndaǵy Qazaq ulttyq ýnıversıtetinde ótken «Zertteý ýnıversıtetiniń bilim berý qyzmeti» atty ǵylymı konferensııada bas qosty. Álemdik top-ýnıversıtetter qataryna enýge birden bir aıqyn jol – joǵary oqý ornyn ulttyq zertteý ýnıversıtetine aınaldyrý. Osy baǵytty ustanǵan otandyq ǵalymdar qazaqstandyq bilim jáne ǵylym keńistiginiń álemdik ýnıversıtetter reıtınginen laıyqty oryn alýy úshin naqty josparlardy júzege asyrýdy qolǵa aldy.
QazUÝ-diń birinshi prorektory Muhambetqaly Búrkitbaev: «Álemdegi eń joǵary top reıtıngine engen oqý ordalarynyń bári de zertteý ýnıversıtetteri bolyp tabylady. Ulttyq zertteý ýnıversıtetine aınalý ol tek bizdiń ǵana maqsat emes, ol úkimettiń de maqsaty dep aıtýǵa bolady», dese, áriptesterimen tájirıbe bólise kelgen Tomsk memlekettik ýnıversıtetiniń oqý jumysy jónindegi prorektory Aleksandr Revýshkın: «Ulttyq zertteý ýnıversıteti únemi talantty stýdenttermen tolyǵyp otyrýymen mańyzdy» degen oıdy alǵa tartty. Sonymen qatar, ol ózderi zertteý ýnıversıteti ataǵyn alǵan bir jyl ýaqyt ishindegi jańalyqtar men ózgeristerdi atap ótti. Konferensııada sonymen qatar, aldyńǵy qatarly sheteldik zertteý ýnıversıtetiniń tájirıbesi, zertteý ýnıversıtetinde magıstranttardy daıyndaý, ǵylymı jumystar, bilim sapasy, oqytýdyń ádis-tásili sııaqty basqa da taqyryp tóńireginde suraqtar qaraldy. Nátıjesinde ǵylymı jıynǵa qatysýshylar QazUÝ-diń Ulttyq zertteý ýnıversıtetine aınalýy óte nátıjeli bolmaq degen paıymǵa keldi. Sondaı-aq, konferensııa jumysy qara shańyraqtyń materıaldyq-tehnıkalyq jaǵdaıyn arttyryp, halyqaralyq baılanysty nyǵaıtýǵa taǵy bir jańa serpin berdi.
Qorǵanbek AMANJOL, Almaty.