Maqsat – kóliktik-logıstıkalyq júıeni damytý

Qazaqstan, Reseı jáne Belarýs temirjoldarynyń basshylary Birlesken kóliktik-logıstıkalyq kompanııa (BKLK) modelin damytý jaıyn ýaǵdalasty. Máskeýde «Qazaqstan temir joly» UK» AQ prezıdenti Asqar Mamın, «Reseı temirjoldary» AAQ prezıdenti Oleg Belozerov jáne «Belarýs temirjolynyń» bastyǵy Vladımır Morozov kezdesý barysynda BKLK-ny damytý jaıyn talqylady. Taraptar kompanııanyń 2015 jyly atqarǵan jumysyn qory­tyndylap, bıylǵy jyl basynan bergi jumysy men «BKLK» AQ-tyń damý bolashaǵyn qarastyrdy. Kompanııa basshylary «BKLK» AQ operasııalyq modýliniń negizgi tártipterin retteýdi, onyń ishinde Reseı Federa­sııasy, Qazaqstan Res­pýb­lıkasy, Bela­rýs Respýblıkasy arasyn­daǵy temir­jol shekarasyndaǵy serik­tes­tik aıasyn keńeıtý jaıyn kelisti. «BKLK» AQ konteınerlik ba­ǵytynyń negizi bolyp tabylatyn Dostyq/Altynkól –Brest jáne keri qaraıǵy baǵyty men basqa da qosymsha marshrýttar taraptar jobalarynyń damýyna sáıkes bekitiledi. Taraptar ózderiniń enshiles kompanııalary men qaramaǵyndaǵy kásiporyndardyń barlyǵyn biryńǵaı tarıf saıasatymen qamtý, sondaı-aq, Eýrazııa aýmaǵyndaǵy naryqtaǵy júk tasymaldaýshylardyń da biregeı saıasat ustanýyn qoldady. «BKLK» AQ jańǵyrtylǵan operasııalyq modeli naryqtyq jaǵdaıdyń talabyna oraı qyzmet qunyn tómendetý men sapalyq deńgeıin kóterý maqsatynda jyljymaly quramdar men lo­gıs­tıkalyq kompanııalardy syrttan tartýǵa ruqsat beredi. «BKLK» AQ – biz úshin yqpaldastyq alańy. Tap osyndaı model bar­lyǵymyzǵa da bastapqydaǵy jos­parlarymyzdy teń quqyqtyq negizde júzege asyrýǵa múmkindik beredi. 2015 jyly «BKLK» AQ-tyń júk tasymaly kólemi artty. Bıylǵy jyly odan da ósire tú­sýdi kózdep otyrmyz», – dep atap ótti «RTJ» AAQ prezıdenti. Ol kezdesý barysynda qa­ty­sýshylarǵa Reseı úkimetiniń «BKLK» AQ aıasynda atqarylyp jat­qan jumystardan habardar eken­digin, soǵan oraı «RTJ» AQ-tyń strategııalyq maqsattaǵy aýqymdy jobamen ju­mysyn jalǵastyrýyn qoldap otyrǵandyǵyn jetkizdi. «Jańa model konteınerlik ta­symaldyń damýyna yqpal etedi. Ol qazirgideı aımaqtaǵy taýar aınalymy tómendep, eks­port­tyq-ımporttyq tasymal azaı­ǵan tusta tranzıttik tasymal­daý­dan qosymsha tabys tabýǵa múm­kindik beredi», – dep atap ótti «Qazaqstan temir joly» UK» AQ prezıdenti Asqar Mamın. О́z kezeginde Belarýs te­mirjolynyń basshysy Vla­dı­mır Morozov: «Búgingi tańda kon­teınerlik tasymaldaý segmenti birden-bir ósim berip kele jatqan tus. BKLK jobasy biz úshin óte mańyzdy. Ol bizdiń temirjol ákimshilikterimizge tranzıttik tasymaldaý kólemin arttyryp, qosymsha júkterdi tartýǵa da yntalandyrady», – dep atap ótti. Sóıtip, úsh eldiń temirjol kom­panııalarynyń basshylary «BKLK» AQ-tyń 2025 jylǵa deıingi bıznes-josparyn jasaý men aksıonerlik kelisimderdi túzýge ýaǵdalasty. Sondaı-aq, «BKLK» AQ ak­sıo­nerleriniń jalpy jınalysy ótkizildi. Onda AQ-tyń buǵan deıin birinshi vıse-prezıdenti qyz­metin atqarǵan Alekseı Grom biraý­yzdan jańa prezıdent bolyp saılandy. Sonymen qatar, jańa­dan dırektorlar keńesi men kompanııanyń basqarma quramy jasaqtaldy. * * * «Birlesken kóliktik-logıs­tı­kalyq kompanııa» AQ 2012 jylǵy mamyrdyń 31-inde Birtutas eko­nomıkalyq keńistiktiń kóliktik-logıstıkalyq júıesin damytý jónindegi memorandýmǵa jáne 2013 jylǵy 29 mamyrdaǵy Jo­ǵary Eýrazııalyq ekono­mıkalyq keńestiń sheshimine sáıkes, 2014 jylǵy qarashanyń 13-inde Eýrazııalyq ekonomıkalyq odaqtyń – Qazaqstan, Reseı, Bela­rýs temirjoldary ákim­shi­lik­teriniń ózara kelisim­sharttaryna oraı qurylǵan bolatyn. «BKLK» AQ-tyń jarǵylyq qory 39,7 mlrd. rýbldi quraıdy. Kompanııanyń quryltaıshylary «Reseı temirjoldary» AAQ (99,84%), «Belarýs temirjoly» MK (0,08%) jáne «Qazaqstan te­mir joly» Ulttyq kompanııasy» AQ (0,08%) bolyp tabylady. «BKLK» AQ-tyń 2015 jylǵy tasy­mal kólemi 48,3 myń TEU-ge jet­kizildi. 2016 jyly bul kórset­kishti 70 paıyzǵa arttyryp, 80 myń TEU-ge jetkizý kózde­lip otyr. Sáýlebek BIRJAN.