Uıym komıtetiniń otyrysy

Pákstan Islam Respýblı­kasynyń (PIR) astanasy Islamabad qalasynda Islam Kon­feren­sııasy Uıymy (IKU) ja­nyndaǵy Ǵylymı-tehnıkalyq yntymaqtas­tyq jónindegi tu­raqty komıtet (KOMSTEK) bas assambleıasynyń 14-shi oty­rysy bolyp ótti. Úsh jylda bir ret bolatyn komıssııa oty­rysynda ıslam álemindegi ǵy­lymı-teh­nıka salasynyń damý máselesi talqylandy. Bas as­sambleıanyń jumysyna QR Bilim jáne ǵylym mınıstri Ba­qyt­jan Juma­ǵulov­tyń jetekshilik etýimen qazaq­standyq delegasııa qa­tysty. Otyrystyń ashylý salta­na­tyn­da Pákstan Premer-mınıstri Iý.Gılanı, Islam Kon­fe­ren­sııa­sy Uıymynyń Bas hat­shysy E.Ishanoǵlý, Islam Damý banki­niń prezıdenti A.Alı, Ǵy­lymı-tehnıkalyq yntymaqtas­tyq jó­nin­degi komıtettiń bas úılestirý­shisi Atta-ýr-Rahman, QR Bilim jáne ǵylym mınıstri Baqytjan Ju­maǵulov jáne basqa da ıslam el­deri­niń mınıstr­leri sóz sóı­le­di. Pákstan Premer-mınıstri Iý.Gılanı óz sózinde Islam Kon­feren­sııasy uıy­my­nyń qazir­gi basymdyqtary jó­nindegi oıy­men bólisti. Al qa­zaq­standyq delegasııa basshysy Qa­zaq­standa Syrt­qy ister mınıstr­leriniń ke­ńesin Islam Konferen­sııasy Uıy­my aıa­synda ǵylymı-tehnı­kalyq konferensııa jáne kórme uıymdas­tyrý­dy usyndy. Otyrys barysynda B.Juma­ǵulovtyń Ǵylymı-tehnıkalyq yn­ty­maqtastyq jónindegi komı­tettiń bas úılestirýshisi Atta-ýr-Rahmanmen, Pákstannyń Ǵy­­­lym jáne tehnologııa mınıstri P.Djılanımen, Pákstan­nyń Mem­lekettik bilim mınıstri G.Katııamen, Reseı Bilim jáne ǵylym mınıstri A.Fýrsenkomen jáne Ázir­baıjannyń Kommýnıkasııa jáne aqparattyq tehnologııa mınıstri A.Abbaspen ekijaqty kezdesýleri bol­dy. «Egemen-aqparat».