Kartoptyń baǵasy 170 teńgege jetti!

Mássaǵan! Aınalasy bir aptanyń ishinde Qos­ta­naıdyń ortalyǵyndaǵy kókbazar men  kókónis dúkenderinde  kartoptyń  bir kılosynyń ba­ǵasy 170 teńgege kóterildi. Odan  sábiz, qyzylsha, kapýsta da qalǵan joq, olardyń baǵasy da 150 teńgege jetip jyǵyldy. О́tken jyldyń osy merzimimen salystyrǵanda baǵa úsh esege qymbattaǵan. Tek oblys orta­lyǵynda ǵana emes, Lısakov, Arqalyq jáne birqatar aýdandardyń turǵyndary da qym­batshylyqty sezinip otyr. Oblystaǵy kókónis ósiretin jáne saqtaıtyn kásiporyndar bas­shylarynyń aıtýynsha, kartopqa baǵanyń sha­ryqtaýy oǵan degen suranystyń kúsheıýinen bolyp otyr. Oblysta kókónis ósiretin  iri seriktestiń biri «Ivolga-Holdıng»  kartop pen kókónistiń basqa túrlerin suranys bildirgenderge kóterme  artýdan bas tartty. Qoı­mada azyq-túliktiń bul túri taýar jetkilikti bolǵanmen ony suraǵandarǵa kóterme bere berse,  kóktemge jetpeı taýsylady. Tek «Ivolga-Holdıng» qana emes, kartop men kókónis ósiretin basqa  kásiporyndar da osyndaı  ustanymda otyr. Burnaǵy jyldary Qostanaı bazary Reseıden  ákelingen kartoppen de molyǵatyn. Al byltyr qýańshylyqqa baılanysty oblysta kartoptyń shyǵymy  asa máz bolǵan joq. Bıyl tutynýshylarǵa tek  oblys aýyl­sharýashylyq taýaryn óndirýshiler ósirgen  kókónis qana usynylǵandyqtan onyń  tap­shylyǵy bilinbeı qalǵan joq, soǵan oraı baǵanyń álde de ósýi ábden múmkin. Názıra JÁRIMBETOVA, Qostanaı.