ASTANA. 31 naýryz. Ispanııanyń Kadıs provınsııasynda ulttyq polısııa qyzmetkerleri zańsyz jolmen 3,4 tonna gashısh esirtkisin tasymaldaǵandardy qolǵa túsirdi. Bul týraly TASS aqparat agenttigine silteme jasaǵan egemen.kz tilshisi habarlady.
Andalýsııa qalasynyń bıligi bul istiń 25 naýryz kúni bolǵanyn málimdedi. Polısııa basqarmasyna La-Lınea-de-la-Konsepson mýnısıpalıtetindegi jaǵajaıda gashısh esirtkisin tıep jatqany jóninde habarlama kelip túsken. Oqıǵa ornyna tártip saqshylary kelip jetkende eshkim bolmady. Alaıda, kóp uzamaı, izderine túsý arqyly esirtkiniń qaıda jiberilgenin anyqtady. Arnaıy operasııa kezinde eki adam qolǵa túsip, birneshe qarý-jaraq pen eki kólik tárkilendi.
Aıta keteıik, osy jyldyń basynan beri quqyq qorǵaý organynyń qyzmetkerleri atalǵan aımaqta jalpy salmaǵy 10,2 tonna gashısh esirtkisin tárkilegen. Bul kórsetkish ótken jylmen salystyrǵanda eki esedeı kóp.
Aıan Ábdýálı.
Derek: TASS.
Sýret: nsktv.ru.