ASTANA. 31 naýryz. Venger jazýshysy, Nobel syılyǵynyń 2002 jylǵy laýreaty Imre Kertes uzaqqa sozylǵan naýqastan keıin, 86 jasynda qaıtys boldy. Bul týraly ras.kz-ke silteme jasaǵan egemen.kz tilshisi habarlady.
Imre Kertes 1930 jyly kedeı evreı otbasynda týǵan. Ol jasóspirim shaǵynda, ekinshi dúnıejúzilik soǵys kezinde Osvensım jáne Býhenvald konslagerlerinde otyrǵan. Osynda kórgenderi keıin qalamgerdiń búkil ómirine áser etip, shyǵarmashylyǵynyń negizgi ózegi boldy.
Jazýshynyń meılinshe keńinen taraǵan eki romany – «Taǵdyrsyz» (1975) jáne «Týmaǵan balaǵa arnalǵan duǵa» (1990) álemniń kóptegen tilderine aýdarylǵan. Budan bólek, «Holokost – mádenıet» (1993), «Atý kezindegi qarýdy qaıta oqtaýdy kútýdiń tynyshtyq sáti» (1998) jáne «Qýǵyn tili» (2001) dep atalatyn jınaqtarǵa onyń leksııalary men esseleri engizilgen.
Jazýshy Nobel syılyǵyn «jeke tulǵa men tarıhtyń jabaıy arsyzdyǵy teketiresin kórsetetin ádebıet» jasaǵan úshin degen anyqtama boıynsha alǵan.
Talǵat Raıymbek.
Derek: ras.kz.
Foto: liventernet.ru.