Úndi bıiniń úılesimi

Keshe L.N.Gýmılev atyndaǵy Eýrazııa ulttyq ýnıver­sıtetinde «Almaty – Qazaqstan», úndi klassıkalyq bı ortalyǵynyń» 10 jyldyq mereıtoıyna jáne Aqma­ral Qaınazarovanyń óner keshine oraılastyryp, merekelik baǵ­dar­lama ótti. Bul kon­sertti Qazaqstandaǵy Úndis­tan Res­pýb­lıkasynyń el­shi­ligi tartý etti. Kesh barysynda tek úndi bıi ǵana emes, oǵan qazaqtyń halyq bıi qosyla úndesip, myń buralǵan bıshilerdiń sheberligin kórermen qaýym erekshe yqylaspen qabyldady. Úsh tilde júrgizilgen bul joba bı ónerin áserlete dáriptedi. Búginde «Almaty – Qazaqstan, úndi klassıkalyq bı ortalyǵy» – Qazaqstandaǵy Úndis­tan elshiligimen, halyqaralyq jáne qoǵamdyq uıymdarmen, teatr­larmen, konserttik zaldarmen, oqý oryndarymen birlese jumys jasap, sheberlik synyptaryn ótkizýde, úndiniń klassıkalyq bıi – erteden kele jatqan fılo­sofııalyq óner, onda úndi halqynyń ómir tynysy men qupııa syrlary baıandalady. Aıta keteıik, atalmysh jo­banyń jetekshisi – Qa­­­zaq­stan­nyń eńbek sińirgen qaı­ratkeri, Úndi klas­sıkalyq bı ortalyǵynyń dırektory Aqmaral Qaınazarova. Ol sonymen birge Bharatanatıam Úndi klassıkalyq bı óneriniń jáne horeografııa magıstri. Aqmaral Delıdegi (Úndistan, Nıý-Delı) Mádenı qatynastar jónindegi ICCR úndi keńesiniń Bharatanatıam bıin kásibı oryndaýshylarynyń quramyna kiredi. «Almaty – Qazaqstan, úndi klassıkalyq bı ortalyǵy»-2015 jyly Polshada ótken Ha­lyqaralyq konkýrstyń Gran-prı ıegeri. Qazaqstan men Ortalyq Azııadaǵy halyqaralyq deńgeıdegi tuńǵysh dara mekeme 2006 jyldyń naý­ryzynda quryldy. Ortalyq jumysynyń negizgi maqsaty – adamnyń tánı jáne rýhanı álemin damytý, úndi halqynyń klassıkalyq bıi arqyly jeke tulǵanyń shyǵarmashylyq deńgeıin anyqtaý jáne aǵzany saýyqtyrý, túrli ult ókilderin túsinistik pen yntymaqqa shaqyrý, Qazaqstan men Úndistannyń mádenı baılanysyn nyǵaıtý bolyp tabylady. Raýshan TÁÝIRHANQYZY, «Egemen Qazaqstan».