Keshe Ortalyq kommýnıkasııalar qyzmetiniń baspasóz zalynda «Ejelgi zaman zattary men eskertkishterin qaıta qalpyna keltirý jáne konservasııalaý» taqyrybynda baspasóz máslıhaty bolyp ótti. Jıynǵa Mádenıet jáne sport mınıstrliginiń Mádenıet jáne óner isteri departamenti dırektory A. Raıymqulova, «Qazqaıtajańǵyrtý» respýblıkalyq memlekettik kásipornynyń dırektory A. Qarymsaqov, «Qazqaıtajańǵyrtý» dırektorynyń keńesshisi Q. Tuıaqbaev, «Ostrov Krym» JShS dırektory Q. Altynbekov, Ulttyq murajaı dırektorynyń ǵylymı jumystar jónindegi orynbasary J. Taımaǵanbetov qatysyp, oramdy oılaryn ortaǵa saldy.
Mádenıet jáne sport mınıstrligi Ulttyq mýzeıde «Qazqaıtajańǵyrtý» respýblıkalyq memlekettik kásiporny men «Ostrov Krym» jaýapkershiligi shekteýli seriktestigi ǵylymı qaıta qalpyna keltirý zerthanasynyń kóne zaman jádigerleri men eskertkishterin jańǵyrtý boıynsha atqarǵan jumys nátıjelerine arnalǵan «О́tken kúngi beınelerdiń búgingi kórinisi» atty kórme uıymdastyrdy. Táýelsizdiktiń 25 jyldyǵyna arnalǵan osy shara aıasynda qaıta qalpyna keltirilgen arheologııalyq jádigerler Ulttyq mýzeı qoryna tapsyrylady. Mýzeıge kelýshiler ejelgi zaman zattaryn mýzeıdiń atrıýmynda ashylǵan kórmeden tamashalaı alady. Sondaı-aq, kórmede «Ostrov Krym» ǵylymı qaıta qalpyna keltirý zerthanasynyń restavratorlary organıkalyq artefaktilerdi alǵashqy qaıta qalpyna keltirý boıynsha praktıkalyq sabaq júrgizedi. Kórmeni tamashalaýshylar úshin elimizdiń restavratorlarynyń mańdaı terin tókken shyn mánindegi zor eńbegimen tikeleı tanysý múmkindigi týmaq, dedi alǵash bolyp sóz alǵan Aqtoty Raıymqulova.
Osy shara aıasynda ejelgi artefaktilerdi saqtap qalý boıynsha atqarylǵan kópjyldyq eńbektiń nátıjesi tanystyrylatynyn da esterińizge sala ketsek deımiz. Solardyń ishinde, Shyǵys Qazaqstan oblysy aýmaǵynda ornalasqan obalardan tabylǵan 968 arheologııalyq jádiger mýzeıge ótkizilýge daıyndaldy. Mýzeıge ótkiziletin barlyq zattyń saqtaý sharty boıynsha usynystar berilgen restavrasııalyq pasporty bar, dedi «Qazqaıtajańǵyrtý» respýblıkalyq memlekettik kásipornynyń mamandary.
Raýan QAIDAR,
«Egemen Qazaqstan».