О́SKEMEN. 1 sáýir. Qazaqstan Respýblıkasy Joǵarǵy soty janyndaǵy sottardyń qyzmetin qamtamasyz etý departamentiniń basshysy Ilııas Ispanovtyń ókimine sáıkes, Shyǵys Qazaqstan oblysy ákimshilik sotynyń tóraǵasy bolyp Erǵalı Orynbekuly Aıtpaı taǵaıyndaldy. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady.
Erǵalı Aıtpaı 1981 jyly 5 qarashada týǵan. 2002 jyly D.Qonaev atyndaǵy ýnıversıtettiń zańger mamandyǵyn bitirdi. Eńbek jolyn 2002 jyly Jambyl oblysynyń ádilet organynda bastaǵan. Osydan soń Ádilet mınıstrliginde 2007 jylǵa deıin qyzmet etti. 2007-2011 jyldar aralyǵynda Májilis depýtatynyń kómekshisi jáne Májilis apparaty zańnama bóliminiń konsýltanty boldy. 2011 jyly Qostanaı oblysy sot keńsesi jetekshisiniń orynbasary laýazymyn atqarǵan. 2013 jyldyń mamyr aıynan qarasha aıyna deıin Astana qalasy notarıaldy palatasynyń tóraǵasy, 2013 jyldyń qarasha aıynan búginge deıin Batys Qazaqstan oblysy boıynsha ákimshilik sotynyń jetekshisi qyzmetin atqardy.
Dýman Anash.
Derek, foto: Shyǵys Qazaqstan oblystyq sotynyń baspasóz qyzmeti.