ASTANA. 1 sáýir. Qazaqstan Respýblıkasynyń Prezıdenti Nursultan Nazarbaev Karnegı qorynyń basshysy Ýılıam Bernspen kezdesti. Bul týraly akorda.kz-ke silteme jasaǵan egemen.kz tilshisi habarlady.
Kezdesýge AQSh-tyń burynǵy qorǵanys mınıstri Ý.Perrı, AQSh-tyń burynǵy senatory S.Nann, Kalıfornııa shtatynyń gýbernatory Dj.Braýn, CNN arnasynyń negizin qalaýshy T.Terner, «Gap» kompanııasynyń burynǵy basshysy E.Gast qatysty.
Kezdesý barysynda halyqaralyq kún tártibindegi ózekti máseleler, sondaı-aq Qazaqstan men AQSh-tyń jahandyq antııadrolyq qozǵalys aıasyndaǵy yntymaqtastyǵy talqylandy.
Nursultan Nazarbaev burynǵy seriktestermen kezdesip, olarmen Qazaqstan-Amerıka yqpaldastyǵyn odan ári nyǵaıtý joldaryn talqylaý múmkindigi týǵanyna rızashylyq bildirdi.
Karnegı qory – álem elderi arasyndaǵy yntymaqtastyqty nyǵaıtý basty mindeti bolyp jarııalanǵan kommersııalyq emes jekemenshik uıym. 1910 jyly qurylǵan Qor halyqaralyq saıasat salasyndaǵy iri saraptaý-taldaý ortalyǵynyń biri bolyp sanalady.
Aıan Ábdýálı.
Derek, foto: akorda.kz.