О́SKEMEN. 1 sáýir. О́skemen qalasynda tuńǵysh ret oblystyq ishki ister departamentiniń aqparattyq saraptaý ortalyǵynyń arnaýly muraǵatynda «Alash Orda» partııasy músheleriniń qyzmeti týraly qujattar jurtshylyq nazaryna usynyldy. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Álıhan Bókeıhan men ózge de alashordalyqtardyń qyzmeti týraly fotoqujattyq kórmede «Alash» partııasy músheleriniń qylmystyq isterinen materıaldar alǵash ret kórsetilip otyr.
«Biz oblystyq memlekettik muraǵattyń suraýy boıynsha Shyǵys óńiriniń aýmaǵynda repressııaǵa ushyraǵan «Alash» partııasynyń 21 múshesiniń muraǵattyq qylmystyq isterinen málimetterdi usynyp otyrmyz», – deıdi ishki ister departamentiniń aqparattyq-saraptaý ortalyǵy memlekettik muraǵatynyń aǵa ınspektory, polısııa maıory Mádına Moldaqanova.
Aıta keteıik, 2014 jyly ishki ister organdary ulttyq qaýipsizdik organdarynan repressııaǵa ushyraǵan azamattarǵa qatysty qylmystyq ister qabyldap alǵan. Qazir oblystyq departamentte atalǵan taqyrypta 18 myńnan astam is saqtalýda.
Dýman Anash.
Derek, foto: Shyǵys Qazaqstan oblystyq ishki ister departamentiniń baspasóz qyzmeti.