Import kólemi kemip keledi

«Atameken» ulttyq kásipkerler palatasy otandyq ónimdi arttyrý men eldegi taýar óndirýshilerge qoldaý kórsetý maqsatynda ımportty almastyrý tásilin usynǵan bolatyn. Osy oraıda el ekonomıkasyna aıtarlyqtaı úles qosýǵa baǵyt alǵan bul bastamanyń bolashaǵy baıandy bolaryna senim mol. Bul rette atalǵan tyń tásil týraly   Prezıdent janyndaǵy Orta­lyq kommýnıkasııalar qyz­metinde baspasóz máslıhatyn ótkizgen «Atameken» UKP bas­qarýshy dırektory Evgenıı Bol­gert tilshiler qaýymyna bir­qatar málimetterdi jetkizdi. Bar­shańyzǵa belgili, Elbasy óńdeý ónerkásibin damytýǵa  erekshe mán berip keledi. Árıne, bul salada qazirgi tańda básekelestik joǵary, degen ol ári qaraı pala­ta tarapynan  otandyq ónim­­derge  qoldaý kórsetý úshin ım­­port­ty almastyrý boıynsha ju­mystardyń júrgizilip jat­qandyǵyn habarlady. Sonymen qatar, ulttyq pa­la­tanyń sarapshylyq qyz­meti­niń arqasynda qazaqstandyq kompanııalar belgili bir taýar toptaryn ımporttamaı, ony Qazaqstandaǵy otandyq ón­dirýshilerden alý múmkindigine ıe bolmaq. Bul rette jasalǵan taldaý barysynda elimizde ımport ornyn almastyratyn 150 taýar belgilendi. Onyń ishinde metallýrgııa, mashına jasaý, hımııa, qurylys mate­rıaldaryn óndirý, jeńil óner­­­­kásip pen  taǵam, qaptaý, jıhaz, aǵash óńdeý sekildi óńdeý ónerkásibiniń birneshe sala­­syna taldaý jasal­dy. Jáne de Evgenıı Bol­gert­tiń aıtýy boıynsha, eli­miz­de qurylys salasynda ım­port kóleminiń ýaqyt sanap azaıyp kele jatqandyǵy kóńil qýantady. Osy oraıda qurylys jumystaryna otandyq qurylys materıaldarynyń 74%-y qol­­danylatyny belgili boldy. Al osy salanyń alǵa jyljýyna zor septigin tıgizip otyrǵan iri qurylys salýshylar men otandyq óndirýshilerdiń júıeli jumystaryn aıta ketý kerek. Sondaı-aq, elimizde tamaq óner­kásibi boıynsha 2000-ǵa jýyq kásiporyn jumys isteýde. Taǵam ónimderimen elimiz  80% qamtamasyz etilip otyr. Al qalǵan 20%-y bizdiń elde óndi­rilmeıtin, ıaǵnı ekzotıkalyq ónimder bolyp tabylady. Sony­­men qatar, búgingi tańda tabıǵı, taza ónimderge suranys artýda. Qytaı naryǵy bizdiń et ónimderine, ósimdik maılaryna suranys jasap otyr. Aldaǵy ýaqytta palata tarapynan  óz naryǵymyzdy tolyq qamtamasyz etý boıynsha jáne otandyq ónimderdi eksportqa shyǵarý baǵytynda júıeli jumystar júrgizilmek. Elmıra MÁTIBAEVA, «Egemen Qazaqstan».