QARAǴANDY. 2 sáýir. Qaraǵandydaǵy «Álem» saýda úıindegi býtık ıeleri urylar tonap áketken altyn buıymdarynyń jalpy quny 226 mıllıon teńgeniń shamasynda bolǵanyn aıtty. Bul týraly nv.kz saıtyna silteme jasaǵan egemen.kz tilshisi habarlady.
Bul soma ázirge shartty túrde alynǵan. Qazirgi kezde býtık ıeleri resmı túrde esep-qısap júrgizetin aýdıtor izdestirýde. Tekseristen keıin zardap shekken kásipkerler saýda úıiniń ákimshiligi shyǵynnyń bárin óteýi kerek degen talap qoıdy.
Ázirge polısııa qyzmetkerleriniń qolynda kúdiktiler týraly eshqandaı derek joq. Bir belgilisi – saýda úıin eki kúdikti tonaǵan. Olar aıaqtaryna bahıla, qoldaryna qolǵap kıip, aram isterin júzege asyrarda asa saq qımyldapty. Al sol kúni saýda úıinde kezekshilikte bolǵan kúzetshi ushty-kúıli joǵalǵan.
Qaırat Ábildınov.
Derek, foto: nv.kz.