ASTANA. 2 sáýir. Túrkııanyń Mardın provınsııasyna qarasty Kyzyltepe qalasynda jarylys boldy. Bul týraly 24.kz-ke silteme jasaǵan egemen.kz tilshisi habarlady.
Eldiń ońtústik-shyǵysynda jarylǵysh zat ornatylǵan avtomobıl jaryldy. Saldarynan 1 adam qaza taýyp, 18 adam túrli dene jaraqatyn aldy. Qazirgi kezde polısııa qyzmetkerleri oqıǵa ornynda tergeý amaldaryn júrgizip jatyr.
Aıta keteıik, sońǵy bir aıdyń ishinde Túrkııada lańkestik áreketterden 50-ge jýyq adam mert bolyp, júzden astamy túrli jaraqat aldy. Naýryz aıynyń 13 kúni Ankarada jolaýshylar avtobýsy jarylyp, ondaǵan adam opat bolsa, osydan birneshe kún buryn Dııarbakyr qalasyndaǵy terrorlyq shabýyldan 7 polısııa qyzmetkeri qaza tapty.
Aıan Ábdýálı.
Derek, foto: 24.kz.