Tynyshtyq. Júrekke tym ystyq!

Álemniń bedeldi memleket basshylaryn Astana qalasynda bir shańyraq astyna jınap EQYU Sammıtin úlken tabyspen ótkizý barlyq qazaqstandyqtardyń maqtanyshyna aınaldy. Keń aý­qym­dy alqaly jıynnyń sátti ótýine elordamyzdyń saqshylary da bar kúsh-qýatyn jumsady. Nátıjesinde olardyń birqatary memlekettik nagradaǵa ıe boldy. Solardyń ishinde II-shi dárejeli Dańq ordenimen Astana qalalyq ishki ister departamentiniń bastyǵy, polısııa general-maıory Marat Demeýov te marapat­tal­dy. Osy oraıda elordamyzdyń bas saq­shysyna jolyǵyp, qa­la­daǵy krımınogendik jaǵdaı týraly suraýdyń sáti de túsken edi. – Marat Ǵanuly, ótken jy­ly álem kóz tikken EQYU Sammıtin oıdaǵydaı ótkizýde Astana qalalyq IID qyzmetkerleri qajyrly qaırat tanyta bildi. Endi alda turǵan kóptegen iri sharalarǵa daıyndyq taǵy bas­talyp ketti. Jalpy búgingi tań­da qaladaǵy qylmystyq ahýal qandaı? – Elbasynyń nusqaýyna sáıkes quqyq qorǵaý salasyn jetildirý, qylmyspen kúres jáne ony bol­dyrmaý men qoǵamdyq qaýipsizdikti qamtamasyz etý maqsatynda jú­rip jatqan reforma óz jemisin bere bastady. Elorda aýmaǵynda qyl­­mystyq ahýal turaqty. Asa aýyr, onyń ishinde adam óltirý, denege aýyr zaqym keltirý jáne bopsalaý qylmystarynyń sany ót­ken jylmen salystyrǵanda, az­aı­dy. Qylmystardyń barlyq tú­rin ashý deńgeıi joǵarylady. 2 uıym­das­qan qylmystyq toptyń kózi joıyldy. – Qoǵamdyq qaýipsizdikti qam­tamasyz etýge qanshalyqty kúsh tartylýda? – Astanada qoǵamdyq qaýipsiz­dik­ti qamtamasyz etý úshin polısııa narıady men qoǵamdyq kómek­shilerdiń jumysyna basa nazar aýdarylady. Kún saıyn kóshege myńnan astam qyzmetker men 200 áskerıler shyǵyp, turǵyndardyń tynyshtyǵyn qamtamasyz etedi. Osynyń arqasynda kóshe men qoǵamdyq oryndardaǵy zań buzý­shylyq edáýir tómendedi. – Qylmystyń aldyn alýda oǵan halyqtyń atsalysýy qalaı? – Qylmystyń aldyn alýǵa jáne ashýǵa halyqtyń tikeleı at­sa­lysýy, qoǵamdyq kómekshilerdiń polıseılerge qolǵabys berýi– qo­ǵamdyq tártipti qamtamasyz etýde óte tıimdi jol. Buny basym baǵyt retinde Memleket basshysy da Joldaýda qadap kórsetti. Elordada 500-den astam konserj jumys isteıdi. О́tken jyly olardyń kómegimen 158 qylmystyń beti ashyldy. Buǵan qosa qalamyzdaǵy 10-nan astam joǵary oqý oryn­darynda qoǵamdyq kómekshiler bar. Olar kez-kelgen urlyq, tonaý nemese álimjettik oqıǵalary kezdese qalsa, polısııaǵa habar berip, qylmystyq árekettiń aldyn-alýǵa nemese tez arada ashylýyna septigin tıgizedi. – Qoǵam tarapynan polısııa jumysyn baqylap, olarǵa ke­ńes berip otyratyndar bar ma? – Árıne, bar. Búginde Astana qalalyq IID janynan qurylǵan qoǵamdyq keńes jumys istep ja­tyr. Bul ınstıtýt polıseılerge degen qoǵam kózqarasyn túpki­likti ózgertý ústinde. Qoǵamdyq keńeste árbir shaǵym, árbir aryz tyń­ǵylyqty tekseriledi, oryndy pikirler, qylmyspen kúresýdiń tıimdi tásilderi aıtylady. Keńes­ke belgili qoǵam qaıratkerleri, zań­gerler múshe bolǵandyqtan olar qoǵamdaǵy ózekti taqy­ryp­tardy qozǵap, ishki ister organ­dary ju­mysyn ońtaılandyrýǵa áser etýde. Biz bul bastamalarmen shektelip qalmaımyz. Aldaǵy kún­­deri ýchaskelik ınspektorlar­dyń jumy­syn jandandyrý úshin respýb­lıkalyq «Men sizdiń ýchaskelik ınspektoryńyzbyn» atty shara­nyń kezekti kezeńi basta­la­dy. Osy sha­raǵa qoǵamdyq kómek­shi­lerdi kóp­tep tartýdy josparlap otyrmyz. Áńgimelesken Aleksandr TASBOLATOV.