Qazaqstan Respýblıkasy Úkimetiniń qaýlysy №1395

2010 jylǵy 22 jeltoqsan, Astana, Úkimet Úıi Paıdaly qazbalar qorlarynyń memlekettik balansy boıynsha memlekettik organdarǵa aqparat berý qaǵıdasyn bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-baby 43) tarmakshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Paıdaly qazbalar qorlarynyń memlekettik balansy boıynsha memlekettik organdarǵa aqparat berý qaǵıdasy bekitilsin. 2. Mynalardyń kúshi joıyldy dep tanylsyn: 1) «Paıdaly qazbalar qorlarynyń memlekettik teńgerimi jóninde aqparat berý, týraly» Qazaqstan Respýblıkasy Úkimetiniń 2006 jylǵy 13 sáýirdegi № 275 qaýlysy (Qazaqstan Respýblıkasynyń PÚAJ-y, 2006 j, №13, 122- qujat); 2) «Qazaqstan Respýblıkasy Úkimetiniń 2006 jyǵy 13 sáýirdegi № 275 qaýlysyna tolyqtyrýlar engizý týraly» Qazaqstan Respýblıkasy Úkimetiniń 2007 jylǵy 17 shildedegi № 604 qaýlysy. 3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan  Respýblıkasynyń Premer-Mınıstri  K.MÁSIMOV. Qazaqstan Respýblıkasy Úkimetiniń 2010 jylǵy 22 jeltoqsandaǵy № 1395 qaýlysymen bekitilgen Paıdaly qazbalar qorlarynyń memlekettik balansy boıynsha memlekettik organdarǵa aqparat berý qaǵıdasy 1. Jalpy erejeler 1. Osy Paıdaly qazbalar qorlarynyń memlekettik ba­lansy boıynsha memlekettik organdarga aqparat berý qaǵı­dasy (búdan eri - Qaǵıda) «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń (budan ári – Zań) 16-baby 43) tarmaqshasyna sáıkes ázirlendi, paıdaly qazbalar qor­la­rynyń memlekettik balansy boıynsha aqparatty daıyndaý jáne memlekettik organdarǵa berý tártibin reglamentteıdi. 2. Paıdaly qazbalar qorlarynyń memlekettik balansy jóninde aqparat berý tártibi 2. Ýákiletti organ jasaǵan paıdaly qazbalar qorlarynyń memlekettik balansy boıynsha aqparat memlekettik organ­darǵa resmı suraý salý boıynsha osyndaı suraý salý túsken sátten bastap 10 jumys kúninen keshiktirmeı beriledi: Qazaqstan Respýblıkasynyń Premer-Mınıstriniń Keńse­sine jáne ekonomıkalyq damý jáne saýda salasyndaǵy ýáki­letti organǵa paıdaly qazbalardyń barlyq túrleri boıynsha; mu­­naı jáne gaz salasyndaǵy ýákiletti organǵa - kómir­sýtek shıkizaty boıynsha; sý qoryn paıdalaný jáne qorǵaý, sýmen jabdyqtaý, sý búrý salasyndaǵy ýákiletti organǵa – jerasty sýlary boıyn­sha. 3. Osy Qaǵıdanyń 2-tarmaǵynda kórsetilgen paıdaly qazbalar qorlarynyń memlekettik balansy boıynsha aqparat memlekettik organdarǵa biryńǵaı elektrondyq qujat aı­nalymy júıesi boıynsha (BEQAJ) elektrondyq tasy­maldaǵyshtarda jáne poshtamen qaǵaz tasymal­daǵyshtarda joldanady. 4. Osy Qaǵıdanyń 2-tarmaǵynda kórsetilgen paıdaly qazbalar qorlarynyń memlekettik balansy boıynsha aqparat memlekettik organdarǵa bir danadan (elektrondyq jáne qaǵaz tasymaldaǵyshtarda) beriledi jáne kóbeıtýge jatpaıdy. 5. Osy Qaǵıdanyń 2-tarmaǵynda kórsetilgen paıdaly qazbalar qorlarynyń memlekettik balansy boıynsha aqparat memlekettik organdarǵa osy Qaǵıdaǵa qosymshaǵa sáıkes nysan boıynsha beriledi. Paıdaly qazbalar qorlarynyń memlekettik balansy boıynsha memlekettik organdarǵa aqparat berý qaǵıdasyna qosymsha Paıdaly qazbalar qorlarynyń memlekettik balansy boıynsha aqparat berýdiń nysany r/s № Paıdaly qazbalar Quramdy ólsheý birligi Ortasha mazmuny Balanstyq qorlar Balanstan tys qorlar О́sý/kemý 1 2 3 4 5 6 7