Qazaqstan Respýblıkasy Úkimetiniń qaýlysy №1418

2010 jylǵy 27 jeltoqsan, Astana, Úkimet Úıi Kedendik deklarasııalaý jónindegi mamannyń biliktilik attestatyn berý qaǵıdasyn bekitý týraly «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 32-babynyń 1-tarmaǵyna sáıkes Qazaqstan Respýblıkasynyń Úkimeti: qaýly etedi: 1. Qosa berilip otyrǵan Kedendik deklarasııalaý jónindegi mamannyń biliktilik attestatyn berý qaǵıdasy bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2010 jylǵy 27 jeltoqsandaǵy №1418 qaýlysymen bekitilgen Kedendik deklarasııalaý jónindegi mamannyń biliktilik attestatyn berý qaǵıdasy 1. Osy Qaǵıda «Qazaqstan Respýb­lıka­syn­daǵy keden isi týraly» Qazaqstan Respýblı­kasynyń 2010 jylǵy 30 maý­symdaǵy Kodeksiniń (budan ári – Kodeks) 32-babynyń 1-tarmaǵyna sáıkes ázirlen­gen jáne kedendik deklarasııalaý jónin­degi mamannyń biliktilik attestatyn berý tártibin aıqyndaıdy. 2. Kedendik deklarasııalaý jónindegi maman­nyń biliktilik attestatyn alý úshin aqparattyq júıelerdi paıdalana otyryp, keden organdary júrgizetin (budan ári – keden organdary) keden isi salasyndaǵy ýákiletti organ aıqyndaǵan biliktilik em­tıhanyn tapsyrý qajet. 3. Biliktilik emtıhany ótken kúni ná­tıjeler belgilengennen keıin, osy emtı­handardy ótkiz­gen keden organdary keden isi salasyndaǵy ýákiletti organǵa emtıhannan ótken tulǵalar týraly aqparatty elektrondyq, sondaı-aq jazbasha túrde usynady. 4. Osy Qaǵıdanyń 3-tarmaǵynda kórse­tilgen tulǵalarǵa usynylǵan aqparattyń negizinde biliktilik emtıhandarynyń nátı­jeleri alynǵan kúnnen bastap eki jumys kúni ishinde keden isi salasyndaǵy ýáki­letti organ bekitken nysan boı­ynsha kedendik deklarasııalaý jónindegi ma­man­dar­dyń biliktilik attestattary toltyry­lady. 5. Osy Qaǵıdanyń 4-tarmaǵyna sáıkes biliktilik attestattary toltyrylǵannan keıin keden isi salasyndaǵy ýákiletti organ bir jumys kúni ishinde biliktilik attestattaryn emtıhan ótkiz­gen keden organdaryna poshtamen joldaıdy. 6. Kedendik deklarasııalaý jónindegi maman­nyń biliktilik attestattaryn alǵan­nan keıin keden organdary keden isi sala­syndaǵy ýákiletti organ bekitetin nysan boıynsha kedendik deklarasııalaý jónin­degi mamannyń beıdjin resimdeıdi jáne biliktilik emtıhandaryn tapsyrǵan sátten bastap bes jumys kúninen keshiktirmeı kedendik deklarasııalaý jónindegi maman­nyń biliktilik attestatyn jáne beıdjin berýdi júrgizedi. 7. Keden organdary keden isi sala­syndaǵy ýákiletti organ bekitetin nysan boıynsha kedendik deklarasııalaý jónin­degi mamannyń biliktilik attestatyn, beıdjderin berý jýrnalyn júrgizedi. 8. Kedendik deklarasııalaý jónindegi maman­nyń biliktilik attestaty nemese beıdj­deri joǵalǵan (búlingen), sondaı-aq tegi, aty, ákesiniń aty ózgergen jaǵdaıda budan buryn kedendik deklarasııalaý jó­nindegi attestatty bergen keden organyna erkin nysandaǵy ótinishti: 1) jeke basyn kýálandyratyn qujat­tyń kóshirmesin; 2) mólsheri 3,5 h 4,5 santımetr túrli-tústi eki fotografııany qosa bere otyryp usyný qajet. 9. Kedendik deklarasııalaý jónindegi mamannyń biliktilik attestatynyń qolda­nylý merzimi eki jyldy quraıdy. 10. Eger: 1) biliktilik attestaty ótinish berýshi usynatyn tolyq emes nemese durys emes málimetterdiń negizinde berilgen bolsa; 2) kedendik deklarasııalaý jónindegi maman­nyń biliktilik attestatynyń qol­danylý merzimi ótken bolsa, kedendik deklarasııalaý jónindegi mamannyń biliktilik attestaty kúshin joıady. 11. Biliktilik attestatynyń kúshin joıý týraly sheshim kúshin joıý sebebi kór­se­tile otyryp, keden isi salasyndaǵy ýáki­let­ti organ basshysynyń (ony almasty­ratyn tulǵanyń) buıryǵymen resimdeledi. Biliktilik attestatyn qaıta berý týraly ótinishti keden isi salasyndaǵy ýákiletti organ kúshin joıý týraly buıryq qabyl­dan­ǵan kúnnen bastap bir jyl ótken soń qaraıdy.