Qazaqstan Respýblıkasynyń Zańy № 486-V QRZ

Turǵyn úı qurylysyna úlestik qatysý týraly Osy Zań jeke jáne (nemese) zańdy tulǵalardyń aqshasyn tartý esebinen turǵyn úılerdiń (turǵyn ǵımarattardyń) turǵyn úı qurylysyna úlestik qatysý jónindegi qyzmetke baılanysty qoǵamdyq qatynastardy retteıdi, sondaı-aq turǵyn úı qurylysyna úlestik qatysý týraly shart taraptarynyń quqyqtary men zańdy múddelerin qorǵaý kepildikterin belgileıdi. 1-taraý. JALPY EREJELER 1-bap. Osy Zańda paıdalanylatyn negizgi uǵymdar Osy Zańda mynadaı negizgi uǵymdar paıdalanylady: 1) kepildik – Turǵyn úı qurylysyna kepildik berý qorynyń kepildik berý jaǵdaıy týyndaǵan kezde turǵyn úıdiń (turǵyn ǵımarattyń) qurylysyn aıaqtaýdy uıymdastyrý jáne úleskerlerge turǵyn úı qurylysyna úlestik qatysý týraly sharttar boıynsha turǵyn úıdegi (turǵyn ǵımarattaǵy) úlesterin berý jónindegi mindettemesi; 2) kepildik berý jaǵdaıy – olar bastalǵan kezde Turǵyn úı qurylysyna kepildik berý qorynda turǵyn úıdiń (turǵyn ǵımarattyń) qurylysyn aıaqtaý jónindegi mindetteme jáne turǵyn úı qurylysyna úlestik qatysýǵa kepildik berý týraly shart boıynsha úleskerlerdiń aldynda jaýapkershilik týyndaıtyn, osy Zańda aıqyndalǵan jaǵdaı nemese jaǵdaılar jıyntyǵy; 3) kepildik jarna – ýákiletti kompanııanyń turǵyn úı qurylysyna úlestik qatysýǵa kepildik berý týraly shart bo­ıynsha Turǵyn úı qurylysyna kepildik berý qoryna tóleıtin aqsha somasy; 4) kepildik merzimi – turǵyn úı (turǵyn ǵımarat) qurylysy obektileriniń Qazaqstan Respýblıkasynyń Azamattyq kodeksine jáne Qazaqstan Respýblıkasynyń sáýlet, qala qurylysy jáne qurylys qyzmeti týraly zańnamasyna sáıkes belgilengen paıdalaný merzimi, osy merzim ishinde qurylys salýshy, ýákiletti kompanııa jáne merdiger (bas merdiger) jobalaý-smetalyq qujattamaǵa jáne turǵyn úı qurylysyna úlestik qatysý týraly shartqa sáıkes turǵyn úı (turǵyn ǵımarat) qurylysy obektisi kórsetkishteriniń sapasyn saqtaýǵa kepildik beredi; 5) kidirtý talaby – kepildik berý jaǵdaıy týyndaǵan kezde taraptarda talaptar qoıýdyń bastalýymen ýákiletti kompanııanyń daýys beretin aksııalaryn (jarǵylyq kapıtalǵa qatysý úlesterin) senimgerlik basqarý sharty boıynsha quqyqtar men mindetter týyndaıtyn talap nemese talaptar jıyntyǵy; 6) turǵyn úıdegi (turǵyn ǵımarattaǵy) úles – turǵyn úı qurylysyna úlestik qatysý týraly shartty oryndaý úshin salynǵan turǵyn úıdiń (turǵyn ǵımarattyń) quramyna kiretin, úleskerge beriletin turǵyn nemese turǵyn emes úı-jaı; 7) turǵyn úıdiń (turǵyn ǵımarattyń) jobalaý quny (budan ári – jobalaý quny) – qurylys-montajdaý jumystarynyń quny, jobany basqarýǵa, avtorlyq jáne tehnıkalyq qadaǵalaýǵa jumsalatyn shyǵyndar,  qaryzdar boıyn­sha syıaqy jáne osy Zańda kózdelgen ózge de shyǵystar; 8) turǵyn úıdiń (turǵyn ǵımarattyń) qańqasy – aýyrlyq pen áserdi kóterip turatyn, turǵyn úıdiń (turǵyn ǵımarattyń) beriktigin, qattylyǵyn jáne ornyqtylyǵyn qamtamasyz etetin, tirek konstrýksııalary, jabyn jáne tósem konstrýksııalary bar, tirek júıe (tireýish); 9) Turǵyn úı qurylysyna kepildik berý qory (budan ári – Kepildik berý qory) – jarǵylyq kapıtalyna memleket tikeleı nemese janama qatysatyn, aksıonerlik qoǵamnyń uıymdyq-quqyqtyq nysanyndaǵy, kepildik berý jaǵdaıy týyndaǵan kezde qurylysty aıaqtaýǵa jáne úleskerlerge turǵyn úıdegi (turǵyn ǵımarattaǵy) úlesterin berýge kepildik beretin kommersııalyq emes uıym; 10) turǵyn úı qurylysyna úlestik qatysý – taraptardyń turǵyn úı qurylysyna úlestik qatysý týraly shartqa negizdelgen qatynastary; 11) turǵyn úı qurylysyna úlestik qatysýǵa kepildik berý týraly shart (budan ári – kepildik berý týraly shart) – Kepildik berý qory, qurylys salýshy jáne ýákiletti kompanııa arasynda osy Zańda aıqyndalatyn tártippen jáne talaptarmen jasalatyn shart; 12) turǵyn úı qurylysyna úlestik qatysýǵa qatysýshylar – qurylys salýshy, ýákiletti kompanııa, merdiger (bas merdiger), ekinshi deńgeıdegi bank, ınjınırıngtik kompanııa, Kepildik berý qory jáne úlesker; 13) turǵyn úı qurylysyna úlestik qatysý salasyndaǵy  ınjınırıngtik kompanııa (budan ári – ınjınırıngtik kompanııa) – sáýlet, qala qurylysy jáne qurylys qyzmeti salasynda ınjınırıngtik kórsetiletin qyzmetterdi júzege asyratyn, Qazaqstan Respýblıkasynyń zańnamasynda belgilengen tártippen akkredıttelgen jáne osy Zańnyń talaptaryna sáıkes keletin zańdy tulǵa; 14) turǵyn úı qurylysyna úlestik qatysý salasyndaǵy ınjınırıngtik kórsetiletin qyzmetter – sáýlet, qala qurylysy jáne qurylys qyzmeti salasynda, onyń ishinde turǵyn úıdiń (turǵyn ǵımarattyń) qurylysy barysyna monıtorıng boıynsha jáne turǵyn úıdiń (turǵyn ǵımarattyń)  qurylysyna baǵyttalǵan aqshanyń nysanaly jumsalýyna baqylaý jasaý boıynsha ınjınırıngtik kórsetiletin qyzmetter kesheni; 15) turǵyn úı qurylysyna úlestik qatysý salasyndaǵy qurylys salýshy (budan ári – qurylys salýshy) – ýákiletti kompanııanyń jarǵylyq kapıtalyna qatysý arqyly, turǵyn úıdiń (turǵyn ǵımarattyń) turǵyn úı qurylysyna  úlestik qatysýdy uıymdastyrý jónindegi qyzmetti óziniń menshikti jáne (nemese) tartylǵan aqshasy esebinen júzege asyratyn zańdy tulǵa; 16) turǵyn úı qurylysyna úlestik qatysý salasyndaǵy ýákiletti organ (budan ári – ýákiletti organ) – turǵyn úı qurylysyndaǵy úlestik qatysý salasynda basqarýdy, sondaı-aq óz quzyreti sheginde salaaralyq úılestirýdi júzege asyratyn ortalyq atqarýshy organ; 17) turǵyn úı qurylysyna úlestik qatysý týraly shart – ýákiletti kompanııa men úlesker arasynda jasalatyn, bir tarap turǵyn úıdiń (turǵyn ǵımarattyń) qurylysyn qamtamasyz etýge jáne qurylys aıaqtalǵan soń ekinshi tarapqa turǵyn úıdegi (turǵyn ǵımarattaǵy) úlesin berýge mindettenetin, al ekinshi tarap tólem júrgizýge jáne turǵyn úıdegi (turǵyn ǵımarattaǵy) úlesin qabyldaýǵa mindettenetin, taraptardyń turǵyn úı qurylysyna úlestik qatysýmen baılanysty quqyqtyq qatynastaryn retteıtin shart; 18) ýákiletti kompanııa – daýys beretin aksııalarynyń (jarǵylyq kapıtalǵa qatysý úlesteriniń) júz paıyzy qurylys salýshyǵa tıesili,  turǵyn úıdiń (turǵyn ǵımarattyń) úlestik qurylysyn jáne turǵyn úıdegi (turǵyn ǵımarattaǵy) úlesterdi ótkizýdi qamtamasyz etý jónindegi qyzmetti júzege asyratyn, arnaıy ekonomıkalyq aımaqtardaǵy qyzmetti qospaǵanda, qandaı da bir ózge kommersııalyq qyzmetpen aınalysýǵa quqyǵy joq zańdy tulǵa; 19) úlesker – turǵyn úıdegi (turǵyn ǵımarattaǵy) úlesti alý maqsatynda turǵyn úı qurylysyna úlestik qatysý týraly shartty jasasqan jeke tulǵa (ýaqytsha bolatyn sheteldikterdi qospaǵanda) nemese zańdy tulǵa; 20) shaǵyn qabatty qurylys – jer ústindegi bıiktigi úsh qabattan aspaıtyn (mansardty eseptemegende) shaǵyn qabatty turǵyn úıler (turǵyn ǵımarattar), onyń ishinde árqaısysynyń páter mańyndaǵy ýchaskege shyǵý joly bar oqshaýlanǵan turǵyn úıler (turǵyn ǵımarattar). 2-bap. Qazaqstan Respýblıkasynyń turǵyn úı qury­lysyna úlestik qatysý týraly zańnamasy 1. Qazaqstan Respýblıkasynyń turǵyn úı qurylysyna úlestik qatysý týraly zańnamasy Qazaqstan Respýblıkasynyń Konstıtýsııasyna negizdeledi jáne Qazaqstan Respýblıkasy­nyń Azamattyq kodeksinen, osy Zańnan jáne Qazaqstan Res­pýblıkasynyń ózge de normatıvtik quqyqtyq aktilerinen turady. 2. Qazaqstan Respýblıkasynyń turǵyn úı qatynastary týraly jáne sáýlet, qala qurylysy jáne qurylys qyzmeti týraly zańnamasy osy Zańda rettelmegen bóliginde turǵyn úı qurylysyna úlestik qatysý qatynastaryna qoldanylady. 3. Eger Qazaqstan Respýblıkasy ratıfıkasııalaǵan halyqaralyq shartta osy Zańda qamtylǵannan ózgeshe qaǵıdalar belgilense, onda halyqaralyq sharttyń qaǵıdalary qoldanylady. 3-bap. Osy Zańnyń qoldanylý aıasy 1. Osy Zań  bir tarap turǵyn úıdiń (turǵyn ǵımarattyń) qurylysyn qamtamasyz etýdi jáne qurylys aıaqtalǵan soń ekinshi tarapqa turǵyn úıdegi (turǵyn ǵımarattaǵy) turǵyn nemese turǵyn emes úı-jaılaryn berýge mindettenetin, al ekinshi tarap tólem júrgizýge jáne turǵyn úıdegi (turǵyn ǵımarattaǵy) turǵyn nemese turǵyn emes úı-jaılaryn qabyldaýǵa mindettenetin qatynastarǵa qoldanylady. 2. Turǵyn úılerdi (turǵyn ǵımarattardy) salý úshin jeke jáne zańdy tulǵalardyń aqshasyn osy Zańda belgilengen talaptardy buza otyryp tartýǵa tyıym salynady. Osy Zańnyń talaptaryn buza otyryp qurylys úshin jeke jáne zańdy tulǵalardyń aqshasyn tartý jóninde júrgizilgen mámile jaramsyz dep tanylady. 3. Osy Zańnyń erejeleri turǵyn úı qurylysyna úlestik qatysý týraly sharttardy jasasý bóliginde qury­lys salýshynyń jáne (nemese) ýákiletti kompanııanyń kontr­agentterine, olarmen turǵyn úıdegi (turǵyn ǵımarattaǵy) úlestermen esep aıyrysqan jaǵdaıda qoldanylady. 4. Osy Zańnyń kúshi: 1) memlekettik satyp alýlarǵa; 2) Kepildik berý qoryn qospaǵanda, aksııalarynyń baqylaý paketine tikeleı nemese janama túrde memleket ıelik etetin zańdy tulǵalardyń turǵyn úı qurylysyna nemese qurylys uıymdaryna obektini paıdalanýǵa bergenge deıin qurylys obektisindegi turǵyn jáne (nemese) turǵyn emes úı-jaılardy ótkizý quqyǵynsyz ınvestısııalaýǵa; 3) salynyp jatqan turǵyn úıdegi (turǵyn ǵımarattaǵy) turǵyn jáne (nemese) turǵyn emes úı-jaılardy ol paıdalanýǵa berilgenge deıin jeke jáne (nemese) zańdy tulǵalarǵa satý (talap etý quqyqtaryn basqaǵa berý) quqyǵynsyz salynyp jatqan turǵyn úıdegi (turǵyn ǵımarattaǵy) turǵyn jáne (nemese) turǵyn emes úı-jaılardy zańdy tulǵalardyń ǵana satyp alýyna; 4) shaǵyn qabatty qurylysqa baılanysty qatynastarǵa qoldanylmaıdy. 2-taraý. TURǴYN ÚI QURYLYSYNA ÚLESTIK QATYSÝ SALASYNDAǴY MEMLEKETTIK RETTEÝ 4-bap. Qazaqstan Respýblıkasy Úkimetiniń turǵyn úı qurylysyna úlestik qatysý salasyndaǵy quzyreti Qazaqstan Respýblıkasy Úkimetiniń turǵyn úı quryly­syna úlestik qatysý salasyndaǵy quzyretine: 1) turǵyn úı qurylysyna úlestik qatysý salasyndaǵy memlekettik saıasattyń negizgi baǵyttaryn ázirleý jáne olardy júzege asyrýdy uıymdastyrý; 2) Kepildik berý qoryn qurý (aıqyndaý); 3) ózine Qazaqstan Respýblıkasynyń Konstıtýsııasynda, Qazaqstan Respýblıkasynyń ózge de zańdarynda jáne Qazaqstan Respýblıkasy Prezıdentiniń aktilerinde júktelgen ózge de fýnksııalardy oryndaý jatady. 5-bap. Ýákiletti organnyń quzyreti Ýákiletti organ: 1) turǵyn úı qurylysyna úlestik qatysý salasyndaǵy memlekettik saıasatty iske asyrady; 2) turǵyn úı qurylysyna úlestik qatysý týraly sharttyń úlgilik nysanyn ázirleıdi jáne bekitedi; 3) kepildik berý týraly sharttyń úlgilik nysanyn ázirleıdi jáne bekitedi; 4) jergilikti atqarýshy organdardyń turǵyn úı qurylysyna úlestik qatysý týraly sharttardy, sondaı-aq olar boıynsha talap etý quqyqtaryn  basqaǵa berý týraly sharttardy esepke alýdy júrgizý qaǵıdalaryn ázirleıdi jáne bekitedi; 5) qurylysy aıaqtalmaǵan obektimen birge jer ýchaskesin kepilge qoıý shartynyń úlgilik nysanyn ázirleıdi jáne bekitedi; 6) ýákiletti kompanııanyń daýys beretin aksııalarynyń (jarǵylyq kapıtalǵa qatysý úlesteri­niń) kepil shartynyń úlgilik nysanyn ázirleıdi jáne bekitedi; 7) ýákiletti kompanııanyń daýys beretin aksııalaryn (jarǵylyq kapıtalǵa  qatysý úlesterin) cenimgerlik basqarý shartynyń úlgilik nysanyn ázirleıdi jáne bekitedi; 8) kepildik jarnanyń mólsherin aıqyndaý ádistemesin ázirleıdi jáne bekitedi; 9) kapıtaldyń jetkiliktilik normatıvin aıqyndaý ádistemesin ázirleıdi jáne bekitedi; 10) kepildik berý jaǵdaılaryn retteýge arnalǵan rezervti esepteý jáne qalyptastyrý ádistemesin ázirleıdi jáne bekitedi; 11) úleskerlerdiń aqshasyn tartýǵa ruqsat berý qaǵıda­laryn ázirleıdi jáne bekitedi; 12) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 6-bap. Oblystardyń, respýblıkalyq mańyzy bar qalalardyń,  astananyń, aýdandardyń, oblystyq mańyzy bar qalalardyń jergilikti atqarýshy organdarynyń quzyreti Oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jergilikti atqarýshy organdary turǵyn úı qurylysyna úlestik qatysý salasynda: 1) Qazaqstan Respýblıkasynyń sáýlet, qala qurylysy jáne qurylys qyzmeti týraly zańnamasyna sáıkes turǵyn úı qurylysyna úlestik qatysý obektileriniń qurylysyna qatysýshylardyń qyzmetin memlekettik retteýdi júzege asyrady; 2) úleskerlerdiń aqshasyn tartýǵa ruqsattar beredi; 3) úleskerlerdiń aqshasyn tartýǵa berilgen ruqsattardyń esebin júrgizedi; 4) toqsan saıyn, esepti kezeńnen keıingi aıdyń 15-inen keshiktirmeı ýákiletti organǵa úleskerlerdiń aqshasyn tartýǵa berilgen ruqsattar týraly aqparat beredi; 5) turǵyn úı qurylysyndaǵy úlestik qatysý obektileri­niń qurylysy barysyna monıtorıngti júzege asyrý úshin qurylys salýshylardan, ýákiletti kompanııalardan, ınjınırıngtik kompanııalardan jáne Kepildik berý qorynan qajetti materıaldar men qujattardy suratady; 6) turǵyn úı qurylysyna úlestik qatysý salasynda memlekettik baqylaýdy jáne qadaǵalaýdy júzege asyrady; 7) ózderiniń quzyretine jatatyn máseleler boıynsha memlekettik organdarmen ózara is-qımyldy jáne yntymaqtastyqty júzege asyrady; 8) turǵyn úı qurylysyna úlestik qatysýdyń qatysý­shylarymen ózara is-qımyldy júzege asyrady; 9) turǵyn úı qurylysyna úlestik qatysý týraly sharttardy, sondaı-aq olar boıynsha talap etý quqyqtaryn basqaǵa berý týraly sharttardy esepke alýdy júrgizedi; 10) jergilikti memlekettik basqarý múddelerinde jergilikti atqarýshy organdarǵa Qazaqstan Respýblıkasynyń zańna­masymen júkteletin ózge de ókilettikterdi júzege asyrady. 3-taraý. TURǴYN ÚI QURYLYSYNA ÚLESTIK QATYSÝDY UIYMDASTYRÝ 7-bap. Turǵyn úı qurylysyna úlestik qatysýdy uıymdastyrý  tásilderi 1. Turǵyn úı qurylysyna úlestik qatysý: 1) Kepildik berý qorynan kepildik alý; 2) ekinshi deńgeıdegi banktiń jobaǵa qatysýy; 3) turǵyn úıdiń (turǵyn ǵımarattyń) qańqasy tur­ǵyzylǵannan keıin úleskerlerdiń aqshasyn tartý tásilderiniń biri arqyly uıymdastyrylady. 2. Turǵyn úılerdiń (turǵyn ǵımarattardyń) qurylysy  úshin osy bapta kózdelmegen ózge de tásildermen jeke jáne zańdy tulǵalardyń aqshasyn tartýǵa tyıym salynady. 8-bap. Kepildik berý qorynyń kepildigin alý tásilimen turǵyn úı  qurylysyna úlestik qatysýdy uıymdastyrý 1. Kepildik berý qorynyń kepildigin alý tásilimen turǵyn úı qurylysyna úlestik qatysýdy uıymdastyrý boıynsha qyzmetti júzege asyrý úshin qurylys salýshy mynadaı: 1) respýblıkalyq mańyzy bar qalalardaǵy, astanadaǵy qurylysta jalpy alańy keminde on segiz myń sharshy metr jáne basqa da ákimshilik-aýmaqtyq birlikterdegi qurylysta keminde toǵyz myń sharshy metr  turǵyn úıler (turǵyn ǵımarattar) qurylysynyń obektilerin ótkizý, onyń ishinde tapsyrys berýshi, merdiger (bas merdiger) retinde jıyntyǵynda keminde úsh jyl tájirıbesiniń bolýy; 2) óziniń qarjylyq eseptiligine sáıkes sońǵy eki qarjy jylynda aýdıtorlyq qorytyndymen rastalǵan shyǵynsyz qyzmetiniń bolýy; 3) qaryz jáne menshikti kapıtalynyń araqatynasy arqyly eseptelgen koeffısıent shamasy turǵyn úı­diń (turǵyn ǵımarattyń) qurylysyn salýdyń ony paı­da­lanýǵa qabyldaǵanǵa deıingi búkil merzimi ishinde jetiden aspaýy talaptaryna saı bolýǵa mindetti. 2. Kepildik berý qorynyń kepildigin alý tásilimen turǵyn úı qurylysyna úlestik qatysýdy uıymdastyrý jónindegi qyzmetti júzege asyrý úshin qurylys salýshy bir mezgilde bir qurylys jobasynan kóp emes qyzmetti júzege asyratyn ýákiletti kompanııa qurady. Turǵyn úı (turǵyn ǵımarat) qurylysynyń jobasy bir jer ýchaskesinde (bólip berýde) birneshe qurylys obektilerin kózdeýi múmkin. Qurylys salýshy osy Zańnyń 15-babyna sáıkes úles­kerlerge turǵyn úıdegi (turǵyn ǵımarattaǵy) olardyń úlesterin berý jónindegi óz mindettemelerin oryndaǵan ýáki­letti kompanııany tartýǵa quqyly. 3. Kepildik berý qorynyń kepildigin alý tásilimen turǵyn úı qurylysyna úlestik qatysýdy uıymdastyrý úshin ýákiletti kompanııanyń: 1) memleket bergen ýaqytsha óteýli jer paıdalaný (jaldaý) quqyǵymen nemese menshik quqyǵymen tıesili jer ýchaskesi; 2) keshendi vedomstvodan tys saraptamanyń oń qory­tyndysymen turǵyn úı (turǵyn ǵımarat) qurylysy jo­basynyń jobalaý-smetalyq qujattamasy; 3) osy Zańnyń 20-babyna sáıkes jumsaý úshin jospar­lanǵan aqshasy jáne (nemese) eger jer ýchaskesi menshik quqyǵymen tıesili bolsa, jobalyq qunynyń keminde on paıyzy kóleminde nemese eger jer ýchaskesi memleket bergen ýaqytsha óteýli jer paıdalaný (jaldaý) quqyǵymen tıesili bolsa, jobalyq qunynyń keminde on bes paıyzy kóleminde oryndalǵan jumystar aktilerimen rastalǵan aıaqtalmaǵan qurylysy; 4) qujattardy qaraǵany úshin komıssııany, kepildik berý týraly shart boıynsha kepildik jarnany tóleýge arnalǵan aqshasy; 5) turǵyn úı (turǵyn ǵımarat) qurylysynyń merdigerlik sharty bolýy mindetti. 4. Osy baptyń 3-tarmaǵynda aıqyndalǵan múlik qandaı da bir aýyrtpalyqtardan, quqyqtardan jáne úshinshi tulǵalardyń talaptarynan erkin bolýǵa tıis. 5. Qurylys salýshy men ýákiletti kompanııa osy bapta belgilengen talaptarǵa saı bolǵan kezde Kepildik berý qory turǵyn úıdiń (turǵyn ǵımarattyń) qurylys jobasy boıynsha qujattardy ýákiletti organ bekitken tártippen tekserýdi júrgizedi jáne kepildik berý týraly shart jasasady. 6. Kepildik berý týraly jasalǵan shart úleskerlerdiń aqshasyn tartý úshin negiz bolyp tabylady jáne qurylys salýshynyń jáne ýákiletti kompanııanyń úleskerlerdiń aqshasyn tartýǵa jergilikti atqarýshy organnan ruqsat alýyn qajet etpeıdi. 7. Osy Zańnyń talaptaryn oryndaý maqsatynda qurylys salýshy Kepildik berý qoryna aýdıtorlyq qorytyndymen rastalǵan jyldyq qarjylyq eseptilikti jáne ýákiletti kompanııa Qazaqstan Respýblıkasynyń býhgalterlik esep jáne qarjylyq eseptilik týraly zańnama­syna sáıkes toqsan saıynǵy qarjylyq eseptilikti kepildik berý týraly sharttyń qoldanylýy ishinde usynady. 9-bap. Ekinshi deńgeıdegi banktiń jobaǵa qatysýy tásilimen turǵyn úı qurylysyna úlestik qatysýdy uıymdastyrý 1. Ekinshi deńgeıdegi banktiń jobaǵa qatysýy tásilimen turǵyn úı qurylysyna úlestik qatysýdy uıymdastyrý boıynsha qyzmetti júzege asyrý úshin qurylys salýshynyń respýblıkalyq mańyzy bar qalalardaǵy, astanadaǵy qurylysta jalpy alańy keminde on segiz myń sharshy metr jáne basqa da ákimshilik-aýmaqtyq birlikterdegi qurylysta keminde toǵyz myń sharshy metr turǵyn úıler (turǵyn ǵımarattar) qurylysynyń obektilerin ótkizý, onyń ishinde tapsyrys berýshi, merdiger (bas merdiger) retinde jıyntyǵynda keminde úsh jyl tájirıbesi bolýy tıis. 2. Ekinshi deńgeıdegi banktiń jobaǵa qatysýy tásilimen turǵyn úı qurylysyna úlestik qatysýdy uıymdastyrý úshin qurylys salýshy bir mezgilde bir qurylys jobasynan kóp emes qyzmetti júzege asyratyn ýákiletti kompanııa qurady. Turǵyn úı (turǵyn ǵımarat) qurylysynyń jobasy bir jer ýchaskesinde (bólip berýde) birneshe qurylys obektilerin kózdeýi múmkin. Qurylys salýshy osy Zańnyń 15-babyna sáıkes úleskerlerge turǵyn úıdegi (turǵyn ǵımarattaǵy) olardyń úlesterin berý jónindegi óz mindettemelerin oryndaǵan ýákiletti kompanııany tartýǵa quqyly. 3. Ekinshi deńgeıdegi banktiń jobaǵa qatysýy tásilimen turǵyn úı  qurylysyna úlestik qatysýdy uıymdastyrý úshin ýákiletti kompanııanyń: 1) memleket bergen ýaqytsha óteýli jer paıdalaný (jaldaý) quqyǵymen nemese menshik quqyǵymen tıesili jer ýchaskesi; 2) keshendi vedomstvodan tys saraptamanyń oń qorytyndysymen turǵyn úı (turǵyn ǵımarat) qurylysy jobasynyń jobalaý-smetalyq qujattamasy bolýy mindetti. 4. Osy baptyń 3-tarmaǵynda aıqyndalǵan múlik, bir jer ýchaskesinde (bólip berýde) qurylysty qarjylandyratyn ekinshi deńgeıdegi bankte kepilde bolýy múmkin jer ýchaskesin qospaǵanda, qandaı da bir aýyrtpalyqtardan, quqyqtardan jáne úshinshi tulǵalardyń talaptarynan erkin bolýǵa tıis. 5. Qurylys salýshy jáne ýákiletti kompanııa osy bapta belgilengen talaptarǵa saı bolǵan kezde qurylys salýshy jáne (nemese) ýákiletti kompanııa  qurylysty aıaqtaý úshin jetkilikti somaǵa turǵyn úı (turǵyn ǵımarat) qurylysyn qarjylandyrýǵa ázirligi týraly ekinshi deńgeıdegi banktiń sheshimin alý úshin ekinshi deńgeıdegi bankke ótinish jasaıdy. Ekinshi deńgeıdegi bank turǵyn úıdi (turǵyn ǵımaratty) qarjylandyrýǵa ázir bolǵan jaǵdaıda ınjınırıngtik kompanııamen shart jasasady. 6. Qurylys salýshy jáne ýákiletti kompanııa osy bapta belgilengen talaptarǵa saı bolǵan jaǵdaıda, qurylys salýshy men ýákiletti kompanııa oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jergilikti atqarýshy organyna osy Zańnyń 18-babynda belgilengen tártippen úleskerlerdiń aqshasyn tartýǵa ruqsat alý úshin ótinish jasaıdy. 7. Ekinshi deńgeıdegi bank ınjınırıngtik kompanııa rastaǵan, turǵyn úıdiń (turǵyn ǵımarattyń) qańqasy turǵyzylǵannan keıin ǵana osy Zańnyń 20-babynda belgi­lengen talaptardy eskere otyryp, ýákiletti kompanııanyń banktik shotyndaǵy úleskerlerdiń aqshasyn paıdalaný týraly sheshim qabyldaýǵa quqyly. 8. Osy baptyń 3-tarmaǵynyń 1) jáne 2) tarmaqshalarynda kórsetilgen múlik turǵyn úı qurylysyna úlestik qatysý týraly shart jergilikti atqarýshy organda tirkelgen kezden bastap úleskerlerdiń kepildiginde dep esepteledi. 9. Ekinshi deńgeıdegi bank osy baptyń 3-tarmaǵynyń 1) jáne 2) tarmaqshalarynda kórsetilgen kepilge qoıylǵan múlikti ótkizý týraly sheshim qabyldaǵan kezde kepilge qoıylǵan múlikti ótkizýden túsken aqsha aqshany qaıtarý týraly talap qoıǵan úleskerlerdiń jáne ekinshi deńgeıdegi banktiń talaptaryn qanaǵattandyrýǵa baǵyttalady. Kepilge qoıylǵan múlikti ótkizýden túsken aqsha jetkiliksiz bolǵan kezde osy múlikke óndirip alýdy qoldanýǵa jáne ony ótkizýge baılanysty shyǵystardy jabý úshin qajetti somalardy ustap qalǵannan keıingi aıyrma úleskerler men ekinshi deńgeıdegi bank arasynda osy talaptardy qanaǵattandyrý kezindegi olardyń talaptarynyń mólsherlerine proporsıonaldy túrde bólinedi. 10. Kepilge qoıylǵan múlik ótkizilgen jarııa saýda-sattyq ótkizý kúnine deıin óz talaptaryn málimdemegen úleskerlerge berilýge tıisti aqsha turǵyn úı qurylysyna úlestik qatysý týraly sharttyń talaptaryna sáıkes banktik salym shotyna baǵyttalady. Kepilge qoıylǵan múlikke óndirip alýdy qoldanǵan jáne ony ótkizgen kezde ekinshi deńgeıdegi bank turǵyn úı qurylysyna úlestik qatysý týraly shart jasalǵan kezden bastap úleskerlerdiń senim bildirilgen tulǵasy dep tanylady. 11. Ýákiletti kompanııa osy Zańnyń 17-babynda bel­gilengen tártippen úleskerge turǵyn úıdegi (turǵyn ǵımarat­taǵy) úlesin bergen kezden bastap kepil quqyǵy toqtatylady. 10-bap. Turǵyn úıdiń (turǵyn ǵımarattyń) qańqasy turǵyzylǵannan keıin úleskerlerdiń aqshasyn tartý tásilimen turǵyn úı qurylysyna úlestik qatysýdy uıymdastyrý 1. Turǵyn úıdiń (turǵyn ǵımarattyń) qańqasy tur­ǵyzylǵannan keıin   úleskerlerdiń aqshasyn tartý tásilimen turǵyn úı qurylysyna úlestik qatysýdy uıymdastyrý boıynsha qyzmetti júzege asyrý úshin qurylys salýshy sońǵy bes jyl boıy, onyń ishinde tapsyrys berýshi, merdiger (bas merdiger) retinde respýblıkalyq mańyzy bar qalalardaǵy, astanadaǵy qurylys kezinde jıyntyǵynda jalpy alańy keminde alpys myń sharshy metr jáne basqa da ákimshilik-aýmaqtyq birlikterdegi qurylys kezinde keminde otyz myń sharshy metr turǵyn úılerdi (turǵyn ǵımarattardy) Qazaqstan Respýblıkasynyń aýmaǵynda salýǵa jáne paıdalanýǵa berýge mindetti. Bul rette qurylys salýshynyń enshiles mekemeleriniń jıyntyq tájirıbesi eskeriledi. 2. Turǵyn úıdiń (turǵyn ǵımarattyń) qańqasy turǵy­zylǵannan keıin   úleskerlerdiń aqshasyn tartý tásilimen turǵyn úı  qurylysyna úlestik qatysýdy uıymdastyrý úshin qurylys salýshy bir mezgilde bir qurylys jobasynan kóp emes qyzmetti júzege asyratyn ýákiletti kompanııany qurady. Turǵyn úı (turǵyn ǵımarat) qurylysynyń jobasy bir jer ýchaskesinde (bólip berýde) birneshe qurylys obektilerin kózdeýi múmkin. Qurylys salýshy osy Zańnyń 15-babyna sáıkes úles­kerlerge turǵyn úıdegi (turǵyn ǵımarattaǵy) olardyń úlesterin berý jónindegi óz mindettemelerin oryndaǵan ýákiletti kompanııany tartýǵa quqyly. 3. Turǵyn úıdiń (turǵyn ǵımarattyń) qańqasy turǵy­zylǵannan keıin úleskerlerdiń aqshasyn tartý tásilimen turǵyn úı  qurylysyna úlestik qatysýdy uıymdastyrý úshin ýákiletti kompanııanyń: 1) memleket bergen ýaqytsha óteýli jer paıdalaný (jaldaý) quqyǵymen nemese menshik quqyǵymen tıesili jer ýchaskesi; 2) keshendi vedomstvodan tys saraptamanyń oń qorytyn­dysymen turǵyn úı (turǵyn ǵımarat) qurylysy jobasynyń jobalaý-smetalyq qujattamasy; 3) ınjınırıngtik kompanııanyń esebimen rastalǵan turǵyn úıdiń (turǵyn ǵımarattyń) qańqasynyń aıaqtalǵan qurylysynyń bolýy; 4) ınjınırıngtik kompanııamen sharty bolýy mindetti. 4. Osy baptyń 3-tarmaǵynda aıqyndalǵan múlik qandaı da bir aýyrtpalyqtardan, quqyqtardan jáne úshinshi tulǵalardyń talaptarynan erkin bolýǵa tıis. 5. Qurylys salýshy jáne ýákiletti kompanııa osy bapta belgilengen talaptarǵa saı bolǵan jaǵ­daı­da, qurylys salýshy men ýákiletti kompanııa oblys­tyń, res­pýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jergilikti atqarýshy organyna osy Zańnyń 18-babynda belgilengen tártippen úleskerlerdiń aqshasyn tartýǵa ruqsat alý úshin ótinish jasaıdy. 6. Ýákiletti kompanııa úleskerlerdiń aqshasyn tartýǵa ruqsat alǵannan keıin turǵyn úı­diń (tur­ǵyn ǵımarattyń) qurylysyn osy Zańnyń 20-babynyń talaptaryna sáıkes úleskerlerdiń aqshasyn tartý tásilimen uıymdastyrady. 7. Osy baptyń 3-tarmaǵynyń 1), 2) jáne 3)tarmaq­shalarynda kórsetilgen múlik turǵyn úı qurylysyna úlestik qatysý týraly shart jergilikti atqarýshy organda tirkelgen kezden bastap úleskerlerdiń kepildiginde dep esepteledi. 8. Osy baptyń 3-tarmaǵynyń 1), 2) jáne 3) tarmaq­shalarynda kórsetilgen múlikti kepilge berýge jol berilmeıdi. 9. Ýákiletti kompanııa turǵyn úı (turǵyn ǵımarat) qurylysyn aıaqtaý jónindegi mindettemelerdi oryndamaǵan nemese tıisinshe oryndamaǵan jaǵdaıda úleskerler Qazaqstan Respýblıkasynyń ońaltý jáne bankrottyq týraly zańnamasyna sáıkes ýákiletti kompanııanyń bankrottyq rásimine bastamashylyq jasaýǵa quqyly. 10. Ýákiletti kompanııa bankrot bolǵan jaǵdaıda úleskerler turǵyn úı (turǵyn ǵımarat) qurylysyn aıaqtaý úshin Qazaqstan Respýblıkasynyń turǵyn úı zańnamasyna sáıkes turǵyn úı qurylysy kooperatıvin qurýǵa quqyly. 11. Ýákiletti kompanııa osy Zańnyń 17-babynda belgilengen tártippen úleskerge turǵyn úıdegi (turǵyn ǵımarattaǵy)  úlesin bergen kezden bastap kepil quqyǵy toqtatylady. 4-taraý. TURǴYN ÚI QURYLYSYNA ÚLESTIK QATYSÝ TÝRALY ShART 11-bap. Turǵyn úı qurylysyna úlestik qatysý týraly shart 1. Turǵyn úı qurylysyna úlestik qatysý týraly shart jazbasha nysanda jasalady jáne osy Zańnyń 12-babynda kózdelgen tártippen turǵyn úıdiń (turǵyn ǵımarattyń) ornalasqan jerindegi jergilikti atqarýshy organda ony esepke qoıǵan kezden bastap jasalǵan bolyp esepteledi. 2. Turǵyn úı qurylysyna úlestik qatysý týraly sharttyń taraptary is júzindegi mekenjaıynyń jáne (nemese) basqa jeke derekteriniń ózgerýi týraly kúntizbelik otyz kún ishinde bir-birine jazbasha habarlaýǵa tıis. 12-bap. Turǵyn úı qurylysyna úlestik qatysý týraly sharttardy esepke alý Turǵyn úı qurylysyna úlestik qatysý týraly shart, oǵan engiziletin  ózgerister jáne (nemese) tolyqtyrýlar, sondaı-aq talap etý quqyǵyn basqaǵa berý týraly shart ýákiletti kompanııanyń usynysy boıynsha turǵyn úıdiń (turǵyn ǵımarattyń) ornalasqan jerindegi jergilikti atqarýshy organda esepke alýǵa jatady. 2. Turǵyn úı qurylysyna úlestik qatysý týraly shartty esepke alý ýákiletti organ bekitken turǵyn úı qurylysyna úlestik qatysý týraly sharttardy, sondaı-aq olar boıynsha talap etý quqyǵyn basqaǵa berý týraly sharttardy esepke alýdy júrgizý qaǵıdalaryna sáıkes júzege asyrylady. 13-bap. Turǵyn úı qurylysyna úlestik qatysý týraly shartty ózgertý jáne buzý Turǵyn úı qurylysyna úlestik qatysý týraly shartqa ol jasalǵannan keıin taraptardyń kelisýi boıynsha Qazaqstan Respýblıkasynyń azamattyq zańnamasynda kózdelgen tártippen ózgerister jáne (nemese) tolyqtyrýlar engizilýi múmkin. Mundaı jaǵdaılarda turǵyn úı qurylysyna úlestik qatysý týraly shartqa qosymsha kelisimder de jergilikti atqarýshy organdarda esepke alýǵa jatady. Úleskerdiń turǵyn úı qurylysyna úlestik qatysý týraly shart boıynsha talap etý quqyǵyn basqaǵa berýine ol sharttyń baǵasyn tólegennen keıin nemese bir mezgilde, ýákiletti kompanııa kelisken jaǵdaıda, Qazaqstan Respýblıkasynyń azamattyq zańnamasyna sáıkes boryshyn qolma-qol emes tártippen jańa úleskerge aýdarǵannan keıin ǵana jol beriledi. 3. Úleskerdiń turǵyn úı qurylysyna úlestik qatysý týraly shart boıynsha talap etý quqyǵyn basqaǵa berýine turǵyn úı qurylysyna úlestik qatysý týraly shart turǵyn úıdiń (turǵyn ǵımarattyń) ornalasqan jerindegi jergilikti atqarýshy organda esepke alynǵan kezden bastap taraptar salynǵan turǵyn úıdegi (turǵyn ǵımarattaǵy) úlesti berý týraly tapsyrý aktisine qol qoıǵan kezge deıin jol beriledi. 4. Úlesker – jeke tulǵa qaıtys bolǵan nemese ol qaı­tys boldy dep jarııalanǵan jaǵdaıda, onyń turǵyn úı qurylysyna úlestik qatysý týraly shart boıynsha quqyqtary men mindetteri Qazaqstan Respýblıkasynyń azamattyq zańnamasyna sáıkes muragerlerine aýysady. 14-bap. Úleskerdiń quqyqtary men mindetteri 1. Úlesker: 1) osy Zańnyń 22-babynda aıqyndalǵan aqparatty alýǵa; 2) Qazaqstan Respýblıkasynyń azamattyq zańnamasynda aıqyndalǵan tártippen turǵyn úı qurylysyna úlestik qatysý týraly shart boıynsha talap etý quqyǵyn basqaǵa berýge; 3) turǵyn úı qurylysyna úlestik qatysý týraly sharttyń talaptaryn ýákiletti kompanııanyń tıisinshe oryndaýyn talap etýge quqyly. 2. Úlesker: 1) turǵyn úı qurylysyna úlestik qatysý týraly shartqa sáıkes ýákiletti kompanııanyń banktik shotyna qolma-qol emes tártippen aqsha salýǵa; 2) turǵyn úı qurylysyna úlestik qatysý týraly sharttyń talaptaryn ýaqtyly oryndaýǵa; 3) turǵyn úıdi (turǵyn ǵımaratty) tirkelgen paıdalanýǵa qabyldaý aktisi bolǵan kezde úlesker ýákiletti kompanııadan habarlama alǵan kezden bastap kúntizbelik otyz kún ishinde úlesin berý týraly shartqa qol qoıa otyryp, turǵyn úıdegi (turǵyn ǵımarattaǵy) úlesin qabyldaýǵa; 4) is júzindegi mekenjaıy jáne (nemese) basqa da derbes derekteri ózgergen jaǵdaıda bul týraly ýákiletti kompanııany kúntizbelik otyz kún ishinde jazbasha habardar etýge mindetti. 15-bap. Turǵyn úı qurylysyna úlestik qatysý týraly shart boıynsha mindettemelerdi oryndaý 1. Úleskerdiń turǵyn úı qurylysyna úlestik qatysý týraly shartta kózdelgen úlestiń qunyn tóleýi tólemderdi shartta belgilengen merzimde ýákiletti kompanııanyń bank shotyna salý arqyly júrgiziledi. 2. Úleskerdiń mindettemeleri ol úlestiń qunyn tolyq kólemde tólegen jáne ony turǵyn úıden (turǵyn ǵımarattan) turǵyn úı qurylysyna úlestik qatysý týraly shartqa sáıkes qabyldap alǵan kezden bastap oryndalǵan bolyp esepteledi. 3. Qurylys salýshynyń jáne (nemese) ýákiletti kompanııanyń  turǵyn úıdegi (turǵyn ǵımarattaǵy) úlesti berý jónindegi mindettemeleri turǵyn úı (turǵyn ǵımarat) paıdalanýǵa qabyldap alynǵan jáne turǵyn úıdegi (turǵyn ǵımarattaǵy) úlesin berý týraly shartqa taraptar qol qoıǵan kezden bastap oryndalǵan bolyp esepteledi. 4. Merdigerdiń (bas merdigerdiń) kepildikti merzim boıynsha mindettemeleri ol kepildikti merzim kezeńinde týyndaǵan, jobalaý-smetalyq qujattamada jáne turǵyn úı qurylysyna úlestik qatysý týraly shartta kórsetilgen turǵyn úı (turǵyn ǵımarat) qurylysy kórsetkishteri sáıkestiginiń buzýshylyqtaryn joıý jónindegi mindettemelerin oryn­daǵannan keıin oryndalǵan bolyp esepteledi. 5. Turǵyzylǵan turǵyn úıdegi (turǵyn ǵımarattaǵy) úles úleskerge is júzinde berilgenge deıin onyń kezdeısoq joıylý nemese kezdeısoq búliný táýekelin ýákiletti kompanııa kóteredi. Turǵyn úıdegi (turǵyn ǵımarattaǵy) úles is júzinde berilgennen keıin kezdeısoq joıylý nemese kezdeısoq búliný táýekeli úleskerge ótedi. 16-bap. Turǵyn úı qurylysyna úlestik qatysý týraly shart  boıynsha taraptardyń jaýapkershiligi 1. Ýákiletti kompanııa qurylystyń barysy men sapasyna baqylaýdy qamtamasyz etý boıynsha jaýapty bolady. 2. Ýákiletti kompanııa úleskerlermen jasalǵan, turǵyn úı qurylysyna úlestik qatysý týraly shartta aıqyndalǵan talaptarda turǵyn úıdiń (turǵyn ǵımarattyń) qurylysy úshin engizilgen aqshaǵa bılik etedi jáne mynalar: 1) úleskerler aqshasynyń nysanaly jáne ýaqtyly paıdalanylýy; 2) obektini salý kezinde normatıvtik-tehnıkalyq qujattardyń talaptaryn saqtaý; 3) paıdalanylatyn qurylys materıaldarynyń, kons­trýksııalardyń, jabdyqtardyń sapasy jáne qurylys-montajdaý jumystaryn júrgizý; 4) obektini paıdalanýǵa tapsyrý merzimderi; 5) úleskerge onyń úlesin berý úshin Qazaqstan Respýb­lıkasynyń zańnamasynda nemese turǵyn úı qurylysyna úles­tik qatysý týraly shartta kózdelgen jaýaptylyqta bolady. 3. Ýákiletti kompanııa qoıylǵan biliktilik talaptary arqyly merdigerdi (bas merdigerdi) tańdaý úshin jaýapty bolady. 4. Ýákiletti kompanııa úleskerdi kezekti tólemdi tólemegeni týraly poshta arqyly habardar etýge mindetti. Mundaı habarlama salym tizimdemesimen tapsyrys hatpen júzege asyrylýy nemese úleskerge qolhatpen jeke ózine tapsyrylýy tıis. Úleskerdiń sharttyq mindettemelerdi oryndaýdan bas tartý faktisin taný úshin tólemdi (tólemderdi) keshiktirýdiń jalpy merzimi keminde úsh aı bolatyn tólemdi (tólemderdi) tólemegeni týraly keminde úsh habarlamanyń bolǵany belgilenýi qajet. 5. Úlesker kezekti tólemdi tólemegen jáne turǵyn úı qurylysyna úlestik qatysý týraly shart talaptaryna sáıkes osy baptyń 4-tarmaǵynda aıqyndalǵan merzim ishinde jazbasha ótinish bermegen jaǵdaıda, ýákiletti kompanııa mynadaı sheshimderdiń birin qabyldaýǵa: 1) keıinnen talap etý quqyǵyn basqaǵa berýdi resimdeýde járdem kórsete otyryp (burynǵy úleskerge engizilgen aqshalaryn qaıtara otyryp), úshinshi tulǵadan osyndaı úlesti tóleýge arnalǵan qarjylandyrýdy (aqshalardy) qabyldap alýǵa; 2) shartty buzýǵa jáne úlesti úshinshi tulǵaǵa ótkizýge jáne satýdan túsken aqshany turǵyn úıdi (turǵyn ǵımaratty) paıdalanýǵa qabyldap alǵan kúnnen bastap úsh aı ishinde úleskerge qaıtaryp berýge ne burynǵy úlesker osy aqsha úshin júgingenge deıin onyń banktik shotta saqtalýyn qamtamasyz etýge quqyly. 17-bap. Turǵyn úıdegi (turǵyn ǵımarattaǵy) úlesti berý 1. Ýákiletti kompanııa úleskerdiń salynǵan turǵyn úıdegi (turǵyn ǵımarattaǵy) úlesin oǵan turǵyn úı qurylysyna úlestik qatysý týraly shartta kózdelgen merzimnen keshik­tirmeı berýge mindetti. 2. Ýákiletti kompanııa úleskerge onyń turǵyn úıdegi (turǵyn ǵımarattaǵy) úlesin berýdi salynǵan turǵyn úıdi (turǵyn ǵımaratty) paıdalanýǵa qabyldaý aktisine qol qoıylǵannan keıin júzege asyrady. 3. Salynǵan turǵyn úıdi (turǵyn ǵımaratty) paıdalanýǵa qabyldaý aktisine qol qoıylǵannan keıin ýákiletti kompanııa úleskerlerge turǵyn úıdegi (turǵyn ǵımarattaǵy) úlesterin berý jónindegi mindettemelerdi merziminen buryn oryndaýǵa quqyly. 4. Ýákiletti kompanııa turǵyn úı qurylysyna úlestik qatysý týraly shartqa sáıkes turǵyn úı (turǵyn ǵımarat) qurylysynyń aıaqtalǵany týraly jáne úlestiń berýge daıyn ekendigi týraly úleskerge hat jiberýge, sondaı-aq úleskerdi úlesti qabyldap alý qajettigi týraly jáne úleskerdiń turǵyn úı qurylysyna úlestik qatysý týraly shartta kózdelgen áreketsizdiginiń saldarlary týraly aldyn ala eskertýge mindetti. Hat tapsyrys hatpen  jáne poshta jóneltilimin adresattyń alǵany týraly habarlamamen  poshta arqyly jiberilýge nemese úleskerge qolhatpen jeke ózine tabys etilýge tıis. 5. Ýákiletti kompanııanyń turǵyn úı (turǵyn ǵımarat) qurylysynyń aıaqtalǵany týraly jáne turǵyn úıdegi (turǵyn ǵımarattaǵy) úlestiń berýge daıyn ekendigi týraly jazbasha habarlamasyn alǵan úlesker turǵyn úı qurylysyna úlestik qatysý týraly shartta kózdelgen merzimde nemese, eger mundaı merzim belgilenbegen bolsa, kórsetilgen habarlamany alǵan kúnnen bastap on jumys kúni ishinde ony qabyldaýǵa kirisýge mindetti. 6. Jumys nátıjelerin qabyldaý ýaqytynda ondaǵy jobalaý-smetalyq qujattamadan jáne turǵyn úı qurylysyna úlestik qatysý týraly sharttan keri sheginýlerdi anyqtaǵan úlesker ýákiletti kompanııadan taraptarmen kelisilgen merzimde anyqtalǵan kemshilikterdi joıýdy talap etýge quqyly. 5-taraý. TURǴYN ÚI QURYLYSYNA ÚLESTIK QATYSÝ TÁRTIBI JÁNE EREKShELIKTERI 18-bap. Úlestik turǵyn úı qurylysyn uıymdastyrý kezinde ekinshi deńgeıdegi banktiń  jobaǵa qatysýy tásilimen nemese turǵyn úıdiń (turǵyn  ǵımarattyń) qańqasy turǵyzylǵannan keıin úleskerlerdiń aqshasyn tartýǵa ruqsat berý tártibi 1. Ýákiletti kompanııa úleskerlerdiń aqshasyn tartýdy oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jergilikti atqarýshy organynyń úleskerlerdiń aqshasyn tartýǵa ruqsatynyń negizinde júzege asyrady. 2. Úleskerlerdiń aqshasyn tartýǵa ruqsat berý «Ruqsattar jáne habarlamalar týraly» Qazaqstan Respýblıkasynyń Zańyna sáıkes júzege asyrylady. 3. Úleskerlerdiń aqshasyn tartýǵa r