Qamdanǵan qapy qalmaıdy

Álemde tabıǵat tepe-teńdi­gi­niń bu­zylýy jıi baıqalýda. Osyndaı jaǵdaı elimizde de kezdesýde desek, keıde jeke adam­dardyń óz mindetterine salǵyrt qaraýy da oǵan negizgi sebep bolýda. Jetisý jurtshylyǵy ótken jyl­ǵy kóktemdegi Qyzylaǵash oqıǵa­sy­nan keıin sý qoımalary men sý sha­rýa­shy­ly­ǵyna qatysty máselelerge jiti nazar aýda­ryp, oblysta osy má­selege baıla­nysty baıypty kózqa­ras qalyp­tastyrý qolǵa alynǵan. Oblys ákimi Serik Úmbetov aýdan, qala ákimderimen osy máse­lege oraı jı­yn ótkizip, sý qoıma­la­ry­nyń, sý sha­rýa­shylyǵyna qa­tysty mekemelerge kók­temniń jaqyn qal­ǵandyǵyn eskertip, sý tasqynynyń aldyn alý jáne bol­dyrmaý máselesi taǵy bir sóz bol­dy. Áńgime sózben ǵana emes, óńir­degi asa qaýipti sý sharýashylyǵy nysanda­ryn jáne gıdromelıoratıvtik júıe­ler­di jóndeý­ge bıýdjetten 148 mln. teńge bólinip, jumys arqaýy shıratyldy. О́ńirdegi keıbir sý qoı­malary áli de ıesiz. Birqataryn kom­mý­nal­dyq menshikke qaıtarýǵa  qa­­tys­ty sot prosesteri júrýde. Son­dyq­tan bólingen qarjyny ázirge maqsatty jumsaýǵa múm­kin­dik bolmaı otyr­ǵa­nyn aıtqan jón. Osyndaı sý qoıma­laryn­daǵy sýdy aǵyzyp, basqalary­na jiberýdi qamtamasyz etetin elek­tr­li qu­rylǵylardy qal­py­na keltirý baǵytyn­daǵy jumystar jalǵasýda. Qolmen at­qarylatyn jáne shlıýzi jóndeýsiz birde-bir sý qoıma bol­maýyn basshy qatań eskertti. Tótenshe jaǵdaılardyń al­dyn alýǵa oblystyq bıýdjetten 1 mlrd. teńgege jýyq, al aýdan bıýdjetinen qosymsha 72 mln. teńge qarjy qarastyrylǵany da apattyń aldyn alýdaǵy naqty jumys deýge bolady. Uıǵyr aýdanyndaǵy Sharyn aýy­lyndaǵy jaǵdaıǵa baıla­nysty azamat­tyq qorǵanys jáne avarııalar men tabıǵı apattardyń aldyn alýdy jáne joıýdy uıym­dastyrý basqarmasynyń habar­laý­ynsha eldi mekende 1070 tur­ǵyn úı bar. Qyzyl sý 9 kóshege, jalpy sany 243 aýlaǵa jaıylyp, 16 úıdiń ishine kirgendigi sóz boldy. Sharyn­daǵy142 otbasyna 1 mln. 136 myń teńgeniń kómegi – azyq-túlik, jyly syrt kıim, aıaq kıim taýar túrinde kórsetilgen. Buǵan qosa kásipkerlerdiń jáne aýdan turǵyndarynyń kómegimen zattaı jáne qarjylaı 3 mln. teńgeniń ma­terıaldyq kómegi jınalǵan. Tur­ǵyn­­dar kómir, taǵy basqa da tur­mys­tyq qajettilik­termen qamtama­syz etilip, halyq­tyń densaýlyǵy, balalardyń oqýy qatań baqylanýda. Jalpy, aýylda tasqyn sal­daryn joıý jumystaryna 37 tehnıka men 3 myńǵa jýyq adam jumyldyrylyp, halyqty qıyn­dyqta qaldyrmaý maqsatyndaǵy jumys jalǵasýda. Kúmisjan BAIJAN. Almaty oblysy.