PAVLODAR. 11 sáýir. Pavlodar oblysyndaǵy «Ortalyq-Shyǵys» avtobanyna kiretin «Ertis ózeni arqyly ótetin kópir» jáne «Pavlodar qalasyn batys aınalyp ótý joly» jobasy boıynsha jańa kópirdiń qurylys jumystary júrgizilýde. Bul týraly egemen.kz tilshisi habarlady.
Kópirdiń uzyndyǵy 12,3 shaqyrym. «Qazavtojol» aksıonerlik qoǵamy «Nurly jol» baǵdarlamasy sheńberinde júzege asyrylyp jatqan kópir bıyl jeltoqsana paıdalanýǵa berilmek.
Ertis ózeniniń eki jaǵalaýynan qarama-qarsy baǵytta bir ýaqytta bastalǵan qurylys túıisip, sý ústindegi kópirdiń ortasy jalǵandy. Qurylysshylar da bir-birlerimen qushaqtasyp, kópir salýǵa qatysqandaryn osylaı esterinde qaldyrdy. Joba quny – 53 mlrd. 808 mıllıon teńge. Qurylysta №25 (Almaty qalasy), №11 jáne №12 (ekeýi de Túmen qalasynan, Reseı) brıgadalary tartyldy. 85 tehnıka jumyldyrylýda, 200- qurylysshy jumys jasaıdy. Elimizdiń túkpir-túkpirinen kelgen mamandar eńbek etýde. Kópirdiń mańyzdylyǵy «Astana-Pavlodar» jáne «Pavlodar-О́skemen» jol avtobandaryn qosady. О́kinishke oraı, kópirdiń salynýy barysynda turǵyndar qalanyń keıbir jerlerin kóktem mezgilinde sý basyp qalmaý úshin sý ótkizý qurylǵylaryn salýdy da talap etti. Jobada bul qarastyrylmaǵan kórinedi. Qubyrlar ornatylsa, tótenshe jaǵdaı oryn almaıdy. Byltyr sáýirde sondaı jaǵdaı oryn aldy. Oblys, qala ákimdigi, «Qaz avtojol» aksıonerlik qoǵamy – kópir paıdalanýǵa berilmeı turyp, olqylyqty keshiktermeı qolǵa alsa.
Farıda Byqaı.
Derek: egemen.kz.
Foto: Valerıı Býgaev.