ASTANA. 11 sáýir. Býrýndıdiń batysyndaǵy Býjýmbýra-Rýral provınsııasynda jolaýshylar avtobýsy apatqa ushyrap,18 adam qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Apatqa ushyraǵan avtobýs Býrýndıdiń OTRACO kompanııasyna tıesili ekeni belgili boldy. Oqıǵa memleket astanasynan shyǵysqa qaraı 18 shaqyrym qashyqtyqta bolǵan.
«Avtobýsta qansha adamnyń bolǵanyn dóp basyp aıtý qıyn bolyp tur. Biraq tún ortasynda 18 adamnyń mert bolyp, 55 jolaýshynyń túrli deńgeıde jaraqat alǵany anyqtaldy. Qazirgi kezde olar aýrýhanalarǵa jetkizildi», – deıdi Isar aımaǵynyń ókili Gılbert Nıýokýrý.
Zardap shekkenderdiń aıtýynsha, júrgizýshi jyldamdyqty shamadan tys arttyrǵan. Osynyń saldarynan avtobýs birneshe ret aýdarylyp ketti. Oqıǵa ornynda polısııa qyzmetkerleri tergeý amaldaryn júrgizýde.
Aıan Ábdýálı.
Derek: RIA «Novostı».
Foto: 24.kz.