ASTANA. 11 sáýir. «Egemen Qazaqstan» respýblıkalyq gazeti» aksıonerlik qoǵamyna jańa basshy taǵaıyndaldy. Elbasynyń uıǵarymymen, quryltaıshynyń sheshimimen «Egemen Qazaqstan» respýblıkalyq gazeti» aksıonerlik qoǵamynyń basqarma tóraǵasy bolyp Erkin Saǵyndyquly Qydyr bekitildi. Bul týraly egemen.kz tilshisi habarlady.
Osyǵan arnalǵan jıynda Investısııalar jáne damý vıse-mınıstri Sáken Sársenov sóz alyp, redaksııanyń jańa basshysyna qyzmette sáttilik tilep, jyly lebizin bildirdi. Ol sondaı-aq, osy ýaqytqa deıin redaksııaǵa basshylyq jasap kelgen, búginde Parlament Májilisiniń depýtaty bolyp saılanǵan Saýytbek Abdrahmanovqa gazetti uzaq jyldar tabysty basqarǵany úshin rahmet aıtty.
О́z kezeginde Saýytbek Abdrahmanov uzaq jyldar qyzmettes bolǵan ujym múshelerine alǵys sezimin bildirdi.
Erkin Qydyr 1962 jyly 1 tamyzda týǵan. 1984 jyly Ál-Farabı atyndaǵy Qazaq Ulttyq ýnıversıtetin – jýrnalıstıka, 2007 jyly Qazaq jol qatynastary ýnıversıtetin ekonomıka jáne basqarý mamandyǵy boıynsha bitirdi.
Eńbek jolyn 1984 jyly Shymkent qalasyndaǵy qorǵasyn zaýytynda slesar bolyp bastady. 1985-1990 jyldary sol kezdegi Shymkent oblystyq «Ońtústik Qazaqstan» gazetinde tilshi bolyp qyzmet atqardy. 1990-1996 jyldary «Sosıalıstik Qazaqstan» gazetiniń Ońtústik Qazaqstan oblysyndaǵy menshikti tilshisi boldy. 1996-2006 jyldary «Egemen Qazaqstan» respýblıkalyq gazeti bas redaktorynyń birinshi orynbasary, 1997-1998 jyldary Qazaqstan Respýblıkasynyń Prezıdenti janyndaǵy Joǵary tártiptik keńestiń múshesi, 2007-2008 jyldary «Egemen Qazaqstan» respýblıkalyq gazeti» aksıonerlik qoǵamynyń dırektory jáne 2008 jyldan 2009 jyldyń 7 mamyryna deıin «Egemen Qazaqstan» respýblıkalyq gazeti» aksıonerlik qoǵamynyń vıse-prezıdenti bolyp qyzmet etti. 2009 jyldyń 7 mamyrynan búginge deıin «Egemen Qazaqstan» respýblıkalyq gazeti» aksıonerlik qoǵamy basqarma tóraǵasynyń orynbasary (vıse-prezıdent) qyzmetin abyroımen atqaryp keldi.
Bul eńbekteri laıyqty baǵalanyp, 1999 jyly jýrnalıstıka salasy boıynsha Prezıdent syılyǵynyń laýreaty, 2010 jyly «Qazaqstannyń eńbek sińirgen qaıratkeri» ataǵyn aldy. Erkin Qydyrdyń qalamynan týǵan shyǵarmalar «Usaqtama, Úkimet» (2001 j.), «Otyrar» (2009 j.) kitaptary bolyp jaryqqa shyqty. Otbasyly. Úsh balasy bar.
Elaman Qońyr.
Derek: egemen.kz.
Foto: Orynbaı Balmurat, Erlan Omarov.