Oblysta 2013 jyly «Ortalyq – Shyǵys» avtobany aıasyndaǵy «Ertis ózeni arqyly ótetin kópir» jáne «Pavlodar qalasyn batys jaǵynan aınalyp ótý joly» jobalar boıynsha qurylys jumystary bastalǵan bolatyn.
Ertis ózeni arqyly ótetin kópirdiń uzyndyǵy 12,3 shaqyrymdy quraıdy. «Qazavtojol» AQ «Nurly Jol» baǵdarlamasy sheńberinde júzege asyrylyp jatqan alyp kópir kesheni bıylǵy jyldyń jeltoqsan aıynda paıdalanýǵa beriledi dep otyr.
Sóıtip, ótken aptada Ertis ózeniniń eki jaǵalaýynan qarama-qarsy baǵytta bir ýaqytta bastalǵan qurylys túıisip, sý ústindegi aspaly kópirdiń ortasy jalǵandy. Aqsý men Pavlodar aralyǵyndaǵy alyp kópir qurylysyn júrgizip jatqan qurylysshylar da bir-birlerimen qushaqtasyp, ózderiniń ǵasyr jobasyn salýǵa qatysqandaryn osyndaı qurmetpen erekshe este qaldyrdy. Ekinshiden, Elbasynyń tapsyrmasyna sáıkes, bul kúnderi «О́skemen – Pavlodar – Astana» avtojolynyń da qurylysy júrgizilýde. Joldyń basym bóligi bizdiń óńirmen ótedi.
«QazAvtoJol» AQ oblystyq fılıalynyń dırektory Ersin Sarıevtiń aıtýynsha, jalpy, kópir qurylysyndaǵy negizgi jumystar aıaqtalypty. Jobanyń jalpy quny – 53 mlrd 808 mıllıon teńge. Mamandardyń aıtýynsha, qurylys jumystaryna qoldanylyp jatqan materıaldar otandyq ónimder. Usaq tastar, bıtým, qum aralas qıyrshyq tastar barlyǵy da jergilikti kásiporyndardan jetkiziledi. Kópirdi tolyq túrde iske qosý úshin 10 myń tonna metall jáne 30 myń tekshe metr beton paıdalanylady.
– Eń bastysy, ózenniń eki jaǵalaýynan qurylysy bastalǵan kópirdiń túıisken kezine bárimiz kýá boldyq. Umytylmas sát. Qazir jańa tehnologııalarǵa negizdelgen kópir arkasynyń qurylysy júrgizilýde. Aspaly ıilgish materıaldar qoldanylady. Qurylysta №25 (Almaty qalasy), №11 jáne №12 (ekeýi de Túmen qalasynan, Reseı) brıgadalary tartyldy. Jalpy, 85 tehnıka jumyldyrylýda, 200-ge jýyq qurylysshy jumys jasaıdy. Kópir qurylysynda elimizdiń túkpir-túkpirinen kelgen mamandar eńbek etýde. Tıisti sharalar belgilengen kestege sáıkes atqarylýda, – deıdi Ersin Sarıev.
Elbasy «Bizde kólik, temirjol júıesi boldy. Biraq olardyń barlyǵy Reseıge baryp tireletin. Tek táýelsizdik alǵannan keıin ǵana ishki aımaqtardy Astana arqyly baılanystyryp, biriktiretin joldar sala bastadyq. Osylaısha táýelsiz elimizde talaı joldyń tusaýy kesildi», degen bolatyn.
Árıne, jańa kópirdiń iske qosylýy – el ekonomıkasynyń damýyna qosylǵan úles. Negizi, nysan qurylysy Eýrazııalyq ekonomıkalyq odaq sheńberinde Qazaqstan men Reseıdiń birlesken alǵashqy ınfraqurylymdyq jobasy sanalady. Nátıjesinde eki qala turǵyndary, óńir halqy oblys ortalyǵynan Aqsý qalasyna jyldam jete alady. Iаǵnı, Astanadan Reseıge jáne Qytaıǵa deıingi jol júrý ýaqyty azaıady, óıtkeni, qurylysy júrgizilip jatqan 4 jolaqty avtojol bolashaqta Ertis ózeni arqyly ótetin eski kópirdegi avtokólik qozǵalysynyń azaıýyna septigin tıgizedi. Tranzıttik baǵytta júretin kólikterdiń barlyǵy oblys ortalyǵyn syrtynan aınalyp ótedi.
Al, Pavlodar qalasy logıstıkalyq ortalyq bolady. Búkil kólikter Reseıge, Qytaıǵa bizdiń qalamyz arqyly ótedi degen sóz. «Ortalyq-Shyǵys» avtobany osy kópir arqyly ótetinin eskersek, joba óńirimizdegi qalalardyń damýyna serpin beredi. Bul alyp kópir jobasynyń júzege asyrylýy «Biryńǵaı «Pavlodar-Aqsý aglomerasııasyn» qurýǵa múmkindik beredi. Aqsý qalasynyń damýyna áser etedi. Al, ınfraqurylymdyq úshtaǵan – aglomerasııanyń, kóliktiń, energetıkanyń qarqyndy damýyn qamtamasyz etýi, aglomerasııalar elimizdiń ǵylymı qamtymdy ekonomıkasynyń ustyny ekeni, elimizdiń orasan zor aýmaǵyn, halyqtyń ornalasý tyǵyzdyǵynyń tómen ekenin eskersek, aglomerasııalar qalyptastyrý men damytý mańyzdy másele ekeni Elbasy Joldaýynda aıtyldy. Kópirdiń mańyzdylyǵy – ol bolashaqta «Astana-Pavlodar» jáne «Pavlodar-О́skemen» avtojoldaryn qosady.
О́mirge osylaısha jańa tehnologııalar, jańashyldyqtar, órkenıet talaptary kelýde. Joldar, kópirler salý árıne, bir kúnniń, bir jyldyń úlesinde turǵan joq, strategııalyq jobalar ıgiligin biz ǵana emes, bolashaq urpaqtar kóredi. Burynǵy tar joldar boıy keńeıip, tórt jolaqty keńistik ashylady.
Farıda BYQAI,
«Egemen Qazaqstan».
Pavlodar oblysy.