bilim grantyna ıe bolmaıdy
Ata-ananyń úkilegen uly men qyzynan kúter úmiti – ulttyq biryńǵaı testileýde jaqsy nátıjege qol jetkizip, bilim grantyn jeńip alý. Bıylǵy jyly testileý 2-15 maýsym aralyǵynda ótedi. Súringen jaǵdaıda qaıta tapsyrýǵa múmkindik bar. Alaıda, synaqtan ekinshi márte ótkender bilim grantyna ıe bola almaıdy.
– Testini qaıta tapsyrý 25 tamyzdan bastalady. Erejesi talapkerlerdiń keshendi testileý emtıhanyna tolyq sáıkes keledi, – deıdi Bilim jáne ǵylym mınıstrligi Ulttyq testileý ortalyǵynyń dırektory Qalı Ábdıev.
Ulttyq biryńǵaı testileýge baılanysty psıholog mamandar da óz oılaryn aıtyp jatyr. Olardyń pikirinshe, mektep túleginiń testileýde jaqsy nátıjege qol jetkizýi tikeleı ata-anaǵa da baılanysty.
– Testileýge daıyndyq barysynda barlyq ata-ana balamen dostyq qarym-qatynasta bolýy tıis. Senimsizdik tanytý balanyń boıynda úreıdiń paıda bolýyna ákeledi, – deıdi psıholog Nazym Úısenbekqyzy.
Aıta keteıik, alǵashqy testileýden óte almaı qalǵandar ekinshi márte tapsyrý úshin memleket belgilegen qarjyny tóleýi tıis. Ol shamamen 2000 teńge kóleminde.
Tórebek TURMANOV.