ASTANA. 13 sáýir. Pákistannyń Pendjab provınsııasyna qarasty Feısalabad qalasynda jolaýshylar avtobýsy men júk kóligi soqtyǵysyp, 18 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Avtobýs ishinde barlyǵy 50 adam bolǵan. «Sınhýa» agenttiginiń habarlaýynsha, apattyń saldarynan 14 adam túrli deńgeıde dene jaraqatyn aldy. Qazirgi kezde olardyń bári aýrýhanalarǵa jetkizildi. Dárigerler olardyń jaǵdaıy jaqsarǵanyn málimdedi.
Aldyn ala boljam boıynsha, avtobýs aldyndaǵy kólikti basyp ozamyn dep joldyń qarsy betine shyǵyp ketken. Dál osy kezde júk kóligine soqtyǵysqan. Avtobýs júrgizýshisi oqıǵa ornynda mert boldy.
Aıan Ábdýálı.
Derek: TASS.
Foto: rian.com.ua.