nemese zeınetker áıeldiń qýanyshy
Attaı 22 jyl. Osynsha ýaqyt otbasynan alysta ómir súrý kimge bolsa da ońaı emes. Taıaýda Qyzyljar óńiriniń polıseıleri úı ishinen jyraqtap qalǵan áıeldiń týǵan-týystaryn tabýyna kómektesti.
66 jastaǵy Symbat apa Petropavl qalalyq ishki ister basqarmasynyń kóshi-qon polısııasyna kelip, qujattaryn qalpyna keltirýge ótinishin jazǵan. Kóp jyl buryn esin joǵaltqan áıel ózi týraly naqty derekter aıta almaǵandyqtan, kómekke jergilikti polıseıler kelgen. Atap aıtqanda, polısııa kapıtany Dana Eleýsizova zeınetkerge týystaryn tabýǵa járdemdesken. Kezekti ret málimetter bazasyndaǵy fotosýretterdi kórsetý kezinde Jambyl oblysynda balalary men nemereleri turatynyn anyqtaǵan. Ol jaqqa Symbat apaıdyń fotosy joldanyp, uzamaı uly telefon soqqan. Sóıtip, kóp jylǵa sozylǵan sergeldeńge sońǵy núkte qoıylyp, beıbaq ana otbasymen tabysqan.
Onyń alty balasy osydan 22 jyl buryn iz-túzsiz ǵaıyp bolǵan analaryn qansha izdestirse de, tappaı, sharq urǵan. Tıisti oryndar ony aqyrynda «ólgender» sanatyna qosyp, esepten shyǵarǵan. 1990-jyldardyń ortasynda saýdamen aınalysqan áıel Qaraǵandyda qylmyskerlerdiń qurbanyna aınalǵan. Esin joǵaltyp, uzaq jyldar boıy qaıda bolsa sonda jumys istep, kún kórgen. Qaraǵandyda bir er adam oǵan pana bolyp, otbasyn qurǵan. Áıel esiminen basqa ózi týraly eshteńe aıta almaǵan.
Budan eki jyl buryn zeınetkerler Qaraǵandydan Petropavlǵa kóship kelgen. Talaı jyl sergeldeńge túsken oǵan jýyrda jeke kýálik tapsyrylyp, turaqty tirkeýge alyndy.
О́mir ESQALI,
«Egemen Qazaqstan»