Yntymaqty zeınetaqy eselep ulǵaıdy

17 jylda qazaqstandyqtardyń yntymaqty zeınetaqysynyń ortasha kólemi 9,4 esege ulǵaıdy, dep habarlady Densaýlyq saqtaý jáne áleýmettik damý mınıstrliginiń baspasóz qyzmeti. 1999-2015 jyldar araly­ǵynda Qazaqstanda yntymaqty zeınet­aqynyń ortasha kólemi 9,4 esege ulǵaıdy. 1999 jyly yntymaqty zeınetaqynyń ortasha kólemi 4 myń 179 teńge boldy, 2015 jyly atalǵan kórsetkish 39 myń 379 teńgeni qurady. Kórsetilgen kezeńde zeınet­aqy shyǵyndary 1999 jyly 99,1 mlrd.teńgeden 2015 jyly 918,4 mlrd. teńgege deıin 9,3 esege jýyq ósti. Esterińizge sala keteıik, Qa­zaq­­standaǵy yntymaqty zeı­­net­­­aqynyń kólemi jyl saıyn ınflıasııa deń­geıinen 2% basym kór­setkishpen ın­deksteledi. 2016 jylǵy 1 qań­tardan bas­tap ynty­maqty zeınetaqy tólem­deri 9%-ǵa ósti. Bıylǵy jylǵy 1 naý­ryzdaǵy málimetterge sáıkes, qazir Qazaq­standa 1,9 mln. zeınetker bar eken.