Búginde barlyq menshik nysandaryndaǵy kásiporyn qyzmetkerlerine eńbekaqynyń ýaqtyly berilýin qamtamasyz etý jónindegi sharalar kesheni júrgizilýde. Bul baǵytta ýákiletti memlekettik organdarmen, jumys berýshiler qaýymdastyǵymen jáne kásipodaqtarmen tıisti is-áreket jasaý júıesi ornatylǵan. Oǵan qosa, eńbekaqy boıynsha merzimi ótken qaryzdardy jabý maqsatynda turaqty monıtorıng júrgizilýde.
Mine, osylaısha, jyl basynan beri qadaǵalaý aktilerimen 2 mlrd. teńge kólemindegi 30 myńǵa jýyq azamattyń eńbekaqysy boıynsha qaryzyn qaıtarý qamtamasyz etilgen. Mysaly, osy jyldyń sáýir aıynda Aqtóbe oblystyq prokýratýrasynyń aralasýy arqasynda «OılTehnoGrýpp» JShS, «LAD» JShS jáne «Akkol» JShS-niń jalpy sommasy 28,2 mln. teńgeni quraıtyn qaryzy qyzmetkerlerge berildi.
Al Aqmola oblysynyń prokýratýrasy quzyretti organdarmen birlese otyryp «Jeke batyr» JShS-niń 15 qyzmetkerine 148,7 mln. teńge qaryzdy óteý jónindegi sharalardy qabyldady. Sonymen qatar, azamattardyń eńbek quqyqtarynyń buzylýyna kináli tulǵalardy jaýapkershilikke tartý jónindegi másele de prokýrorlardyń erekshe baqylaýynda tur. Máselen, jyl basynan beri prokýrorlyq qadaǵalaý aktileri boıynsha 245 jumys berýshi ákimshilik jaýapkershilikke tartyldy, dep habarlady Bas prokýratýranyń baspasóz qyzmeti.