2015 jylǵy 20 aqpan, Astana qalasy
Sharýashylyq júrgizý quqyǵyndaǵy memlekettik kásiporyndarda baıqaý keńesin qurý qaǵıdalaryn, baıqaý keńesiniń quramyna saılanatyn adamdarǵa qoıylatyn talaptardy, sondaı-aq Baıqaý keńesiniń múshelerin konkýrstyq irikteý jáne olardyń ókilettigin merziminen buryn toqtatý qaǵıdalaryn bekitý týraly
«Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń 148-babynyń 2-tarmaǵyna sáıkes buıyramyn:
1. Qosa berilip otyrǵan:
1) osy buıryqqa 1-qosymshaǵa sáıkes Sharýashylyq júrgizý quqyǵyndaǵy memlekettik kásiporyndarda baıqaý keńesin qurý qaǵıdalary;
2) osy buıryqqa 2-qosymshaǵa sáıkes Sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń quramyna saılanatyn adamdarǵa qoıylatyn talaptar;
3) osy buıryqqa 3-qosymshaǵa sáıkes Baıqaý keńesiniń múshelerin konkýrstyq irikteý jáne olardyń ókilettigin merziminen buryn toqtatý qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Memlekettik aktıvterdi basqarý saıasaty departamenti:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstri E.DOSAEV.
«KELISILDI»
Qazaqstan Respýblıkasynyń Bilim jáne ǵylym mınıstri
________ A. Sárinjipov
2015 jylǵy 20 aqpan
«KELISILDI»
Qazaqstan Respýblıkasynyń Densaýlyq saqtaý jáne áleýmettik damý mınıstri
________ T. Dúısenova
2015 jylǵy 20 aqpan
Qazaqstan Respýblıkasy Ulttyq ekonomıka mınıstriniń
2015 jylǵy 20 aqpandaǵy № 113 buıryǵyna 1-qosymsha
Sharýashylyq júrgizý quqyǵyndaǵy memlekettik kásiporyndarda baıqaý keńesin qurý qaǵıdalary
1. Osy Qaǵıdalar «Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń 148-babynyń 2-tarmaǵyna sáıkes ázirlendi jáne bilim berý jáne densaýlyq saqtaý salalarynda sharýashylyq júrgizý quqyǵyndaǵy memlekettik kásiporyndarda baıqaý keńesin qurý tártibin aıqyndaıdy.
2. Bilim berý jáne densaýlyq saqtaý salalaryndaǵy Normatıvtik quqyqtyq aktilerdi memlekettik tirkeý tiziliminde № 10507 tirkelgen Qazaqstan Respýblıkasy Ulttyq ekonomıka mınıstriniń 2015 jylǵy 20 aqpandaǵy № 114 buıryǵymen bekitilgen sharýashylyq júrgizý quqyǵyndaǵy memlekettik kásiporyndarǵa qoıylatyn krıterıılerge sáıkes keletin baıqaý keńesi bar sharýashylyq júrgizý quqyǵyndaǵy memlekettik kásiporyndy qurý, sondaı-aq bilim berý jáne densaýlyq saqtaý salalarynda jumys istep turǵan sharýashylyq júrgizý quqyǵyndaǵy memlekettik kásiporyndarda baıqaý keńesin engizý Qazaqstan Respýblıkasy Úkimetiniń nemese jergilikti atqarýshy organnyń sheshimi negizinde júzege asyrylady.
3. Sharýashylyq júrgizý quqyǵyndaǵy memlekettik kásiporynda baıqaý keńesin engizý nemese baıqaý keńesi bar sharýashylyq júrgizý quqyǵyndaǵy memlekettik kásiporyn qurý týraly Qazaqstan Respýblıkasy Úkimetiniń (jergilikti atqarýshy organnyń) tıisti sheshimi qabyldanǵannan keıin tıisti saladaǵy ýákiletti organ (jergilikti atqarýshy organ):
baıqaý keńesi týraly erejeni, baıqaý keńesin shaqyrý jáne otyrys ótkizý tártibin bekitedi;
osy buıryqpen bekitilgen Baıqaý keńesiniń múshelerin konkýrstyq irikteý jáne olardyń ókilettigin merziminen buryn toqtatý qaǵıdalaryna sáıkes baıqaý keńesiniń múshelerine úmitkerlerdi konkýrstyq irikteýdi júrgizedi;
baıqaý keńesiniń quramyn qalyptastyrady jáne bekitedi.
4. Sharýashylyq júrgizý quqyǵyndaǵy memlekettik kásiporynnyń baıqaý keńesi músheleriniń sany taq bolady jáne bir-birimen jáne sharýashylyq júrgizý quqyǵyndaǵy memlekettik kásiporynnyń basshysymen jaqyn týystyq jáne jekjattyq qatynastarda bolmaıtyn keminde bes adamnan quralýǵa tıis.
Memlekettik kásiporynnyń basshysyn qospaǵanda, baıqaý keńesiniń músheleri sharýashylyq júrgizý quqyǵyndaǵy memlekettik kásiporyn jumyskerleriniń shtatyna kirmeıdi.
Baıqaý keńesiniń tóraǵasy baıqaý keńesi músheleriniń kópshilik daýysymen baıqaý keńesi músheleriniń qatarynan saılanady.
Memlekettik kásiporyn basshysy baıqaý keńesiniń tóraǵasy saılaný úshin úmitker bolyp tabylmaıdy.
5. Baıqaý keńesiniń quramyna tıisti saladaǵy ýákiletti organnyń (jergilikti atqarýshy organnyń) ókilderi, sharýashylyq júrgizý quqyǵyndaǵy memlekettik kásiporyn basshysy jáne osy buıryqpen bekitilgen Sharýashylyq júrgizý quqyǵyndaǵy memlekettik kásiporyndaǵy baıqaý keńesiniń múshelerin konkýrstyq irikteý qaǵıdalaryna sáıkes konkýrstyq negizinde saılanatyn ózge de tulǵalar kiredi.
6. «Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń 148-baby 3-tarmaǵyna sáıkes, Sharýashylyq júrgizý quqyǵyndaǵy memlekettik kásiporynnyń baıqaý keńesi músheleriniń ókilettik merzimi úsh jyldy quraıdy.
Qazaqstan Respýblıkasy Ulttyq ekonomıka mınıstriniń
2015 jylǵy 20 aqpandaǵy № 113 buıryǵyna 2-qosymsha
Sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń quramyna
saılanatyn adamdarǵa qoıylatyn talaptar
1. Bilim berý jáne densaýlyq saqtaý salalaryndaǵy sharýashylyq júrgizý quqyǵyndaǵy memlekettik kásiporyndardaǵy baıqaý keńesterine saılanatyn adamdarǵa qoıylatyn talaptar joǵary bilimniń, sondaı-aq mynadaı talaptardyń biriniń:
1) bilim berý nemese densaýlyq saqtaý salalaryndaǵy keminde on jyl jumys tájirıbesiniń;
2) bilim berý nemese densaýlyq saqtaý salalaryndaǵy basshylyq qyzmette (zańdy tulǵa basshysy nemese onyń orynbasarlary) keminde bes jyl tájirıbesiniń;
3) bilim berý nemese densaýlyq saqtaý salalaryndaǵy qoǵamdyq birlestikterdiń múshesi bolýyn qamtıdy.
2. Mynadaı:
1) sottylyǵy ótelmegen nemese alynbaǵan;
2) zańdy tulǵany bankrot dep taný týraly sheshim qabyldanǵanǵa deıin bir jyldan astam osy zańdy tulǵanyń basshysy bolǵan;
3) buryn sybaılas jemqorlyq quqyq buzýshylyq jasaǵan;
4) baıqaý keńesiniń basqa múshesimen nemese memlekettik kásiporyn basshysymen jaqyn týystyq jáne týystyq qatynastaǵy adamdy baıqaý keńesiniń múshesi retinde saılaýǵa bolmaıdy.
Qazaqstan Respýblıkasy Ulttyq ekonomıka mınıstriniń
2015 jylǵy 20 aqpandaǵy № 113 buıryǵyna 3-qosymsha
Baıqaý keńesiniń múshelerin konkýrstyq irikteý jáne
olardyń ókilettigin merziminen buryn toqtatý qaǵıdalary
1. Jalpy erejeler
1. Osy Qaǵıdalar «Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń 148-baby 2-tarmaǵyna sáıkes ázirlendi jáne bilim berý jáne densaýlyq saqtaý salalaryndaǵy sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń múshelerin (budan ári - baıqaý keńesiniń músheleri) konkýrstyq negizde irikteý jáne olardyń ókilettigin merziminen buryn toqtatý tártibin aıqyndaıdy.
2. Konkýrs osy buıryqta aıqyndalǵan talaptarǵa (budan ári – Talaptar) sáıkes tıisti saladaǵy ýákiletti organnyń (jergilikti atqarýshy organnyń) ókilderi bolyp tabylatyn memlekettik kásiporyn basshysy men baıqaý keńesiniń múshelerin qospaǵanda, baıqaý keńesiniń múshelerin irikteý maqsatynda júrgiziledi.
2. Sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń múshelerin konkýrstyq irikteýdi uıymdastyrý jáne júrgizý tártibi
3. Tıisti saladaǵy ýákiletti organ (jergilikti atqarýshy organ):
1) konkýrs ótkizý týraly sheshim qabyldaıdy;
2) konkýrsty ótkizý sharttaryn, kúni men ornyn anyqtaıdy;
3) konkýrstyq komıssııany (budan ári - Komıssııa) qalyptastyrady jáne tıisti saladaǵy ýákiletti organnyń (jergilikti atqarýshy organnyń) ókilderi arasynan Komıssııa tóraǵasyn taǵaıyndaıdy.
4. Konkýrsty uıymdastyrýdy jáne ótkizýdi Komıssııa júzege asyrady.
Komıssııa músheleriniń sany keminde bes adamnan quraýy tıis.
Komıssııa tóraǵasy laýazymy boıynsha tıisti saladaǵy ýákiletti organnyń (jergilikti atqarýshy organnyń) birinshi basshysynyń orynbasarynan tómen emes tulǵa bolyp tabylady.
Hatshy Komıssııanyń múshesi bolyp tabylmaıdy.
5. Komıssııa mynadaı fýnksııalardy júzege asyrady:
1) konkýrstyq qujattamany daıyndaıdy;
2) tıisti kásiporynnyń qarajaty esebinen konkýrs ótkizý týraly habarlandyrýdy jarııalaýdy qamtamasyz etedi;
3) konkýrsqa qatysý úshin usynylǵan qujattardy qabyldaýdy, tirkeýdi jáne saqtaýdy júrgizedi;
4) konkýrstyń qorytyndylary boıynsha tıisti saladaǵy ýákiletti organǵa (jergilikti atqarýshy organǵa) konkýrs jeńimpazyn memlekettik kásiporynnyń baıqaý keńesi múshesiniń laýazymyna taǵaıyndaý týraly usynys engizedi.
6. Baıqaý keńesi múshesiniń laýazymyn atqarýǵa konkýrs ótkizý týraly habarlandyrý merzimdi baspasóz basylymdarynda (ákimshilik-aýmaqtyq birliktiń tıisti aýmaǵynda jarııalanatyn) jarııalanady, sondaı-aq tıisti saladaǵy ýákiletti organnyń (jergilikti atqarýshy organnyń) ınternet-resýrsynda memlekettik jáne orys tilderinde konkýrs ótkizý týraly sheshim qabyldanǵan kúnnen bastap bes jumys kúni ishinde ornalastyrady.
7. Konkýrs ótkizý týraly habarlandyrý mynadaı málimetterdi:
1) konkýrs ótkizý kúni men ornyn;
2) ornalasqan ornyn, poshtalyq mekenjaıyn, telefonyn kórsete otyryp, memlekettik kásiporynnyń ataýyn, onyń negizgi qyzmetiniń qysqasha sıpattamasyn;
3) konkýrsqa qatysýshylarǵa qoıylatyn talaptardy;
4) konkýrsqa qatysý týraly ótinishterdi berý merzimin;
5) konkýrsqa qatysý týraly ótinishke qosa beriletin qujattardyń tizbesin;
6) qujattardy qabyldaý bastalatyn kúnin qamtıdy.
Konkýrsqa qatysýǵa nıet bildirgen tulǵalardyń qujattaryn qabyldaý bastalatyn kún merzimdi baspasóz basylymdaryna konkýrs ótkizý habarlandyrýy ornalastyrylǵan kúnnen bastap aıqyndalady.
Qujattardy qabyldaý merzimdi baspasóz basylymdaryna konkýrs ótkizý jarııalanǵan kúninen bastap kúntizbelik otyz kún ótken soń aıaqtalady.
8. Konkýrs mynadaı:
1) konkýrstyq ótinimderi bar konvertterdi ashý;
2) konkýrsqa óziniń qatysýyn rastaǵan úmitkerlerdiń biliktiligin baǵalaý;
3) úmitkerlermen áńgimelesý júrgizý jáne baıqaý keńesi múshelerin irikteý;
4) konkýrstyń qorytyndysyn shyǵarý kezeńderinen turady.
9. Konkýrsqa qatysýǵa qajetti qujattar:
1) konkýrsqa qatysý týraly ótinish (erkin nysanda jazylǵan);
2) memlekettik jáne orys tilderinde túıindeme;
3) ómirbaıan (erkin nysanda jazylǵan);
4) úmitkerdiń jeke basyn kýálandyratyn qujattyń notarıaldy rastalǵan kóshirmesi;
5) joǵary bilimi týraly qujattyń notarıaldy rastalǵan kóshirmesi;
6) eńbek kitapshasynyń (ol bolǵan kezde) nemese eńbek shartynyń notarıaldy rastalǵan kóshirmesi ne sońǵy jumys ornyna qabyldanǵany jáne eńbek shartynyń toqtatylǵany týraly buıryqtardyń úzindi kóshirmesi;
7) Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý komıtetiniń aýmaqtyq bólimsheleri bergen sottylyǵy jáne sybaılas jemqorlyq quqyq buzýshylyqtary joq ekendigin rastaıtyn qujattar.
Konkýrsqa qatysýshy óziniń bilimine, jumys tájirıbesine, kásibı deńgeıine qatysty qosymsha aqparatty (biliktiligin arttyrý, ǵylymı dárejeler men ataqtar berý, ǵylymı jarııalanymdar, osynyń aldyndaǵy jumys ornynyń basshylyǵynan usynym) berýine bolady.
10. Qatysýshy konkýrstyq ótinimniń túpnusqasyn «Túpnusqa» dep belgilengen konvertke salyp mórleıdi. Bul konvertte qatysýshynyń tegi, aty, ákesiniń aty (ol bolǵan kezde) jáne mekenjaıy kórsetilýi tıis. Sodan keıin konvert syrtqy konvertke salynyp mórlenedi.
Ishki jáne syrtqy konvertter:
1) shaqyrýda nemese merzimdik basylymdaǵy aqparatta kórsetilgen mekenjaı boıynsha tıisti saladaǵy ýákiletti organǵa (jergilikti atqarýshy organǵa) baǵyttalýy;
2) «Baıqaý keńesi músheleriniń - memlekettik kásiporynnyń baıqaý keńesi músheleriniń konkýrsy» jáne «____________ deıin ashýǵa bolmaıdy» (shaqyrýda nemese merzimdik basylymda kórsetilgen konvertti ashý kúni men ýaqyty) degen sózderdi qamtýy tıis.
11. Konkýrstyq ótinim memlekettik jáne orys tilderinde bir-bir danadan jiberiledi.
12. Konkýrstyq komıssııa shaqyrýlarda nemese merzimdik basylymdaǵy aqparatqa sáıkes kórsetilgen jerde jáne ýaqytta usynylǵan konkýrstyq ótinimder berilgen konvertterdiń túpnusqasyn ashady.
13. Konkýrstyq ótinimderi bar konvertterdi ashý rásiminen keıin konkýrstyq komıssııanyń hatshysy konkýrstyq komıssııa músheleri men hatshy qol qoıatyn ashý hattamasyn jasaıdy.
14. Eger konkýrsqa qatysýǵa Talaptarǵa sáıkes keletin altaýdan az úmitker konkýrstyq ótinim berse ne konkýrstyq ótinimder túspese nemese qaıtarylyp alynsa, onda Konkýrstyq komıssııa konkýrsty ótkizilmedi dep sanaıdy jáne qaıta konkýrs ótkizý týraly sheshim qabyldaıdy.
15. Konkýrstyq komıssııa konkýrstyq ótinimderi bar konvertterdi ashqan kúninen bastap bes jumys kúni ishinde osy Qaǵıdalardyń 9-tarmaǵyna sáıkes úmitker usynǵan qujattardy qaraıdy jáne úmitkerdiń Talaptarǵa sáıkestigin baǵalaý júrgizedi.
16. Konkýrstyq komıssııa júrgizilgen baǵalaýdyń nátıjeleri boıynsha áńgimelesý kúnin, ýaqytyn jáne ol ótkiziletin jerdi kórsete otyryp, shaqyrý jiberiletin, Talaptarǵa sáıkes keletin úmitkerlerdi irikteýdi júrgizedi.
17. Komıssııa konkýrsqa qatysýshylarmen áńgimelesý júrgizý kezinde «Sybaılas jemqorlyqqa qarsy kúres týraly» 1998 jylǵy 2 shildedegi Qazaqstan Respýblıkasy Zańyn bilýi, memlekettik kásiporyn qyzmeti salasyndaǵy qatynastardy retteıtin Qazaqstan Respýblıkasynyń normatıvtik quqyqtyq aktilerin jáne densaýlyq saqtaý nemese bilim berý uıymdarynyń qyzmet erekshelikterin bilýi tekseriledi.
18. Komıssııanyń sheshimderi Komıssııa músheleriniń jalpy sanynyń qarapaıym kópshilik daýysymen qabyldanady. Daýystar teń bolǵan kezde Komıssııa tóraǵasynyń daýysy sheshýshi bolyp tabylady.
Komıssııa qabyldaǵan sheshim Komıssııanyń barlyq músheleri, sondaı-aq hattama júrgizýdi júzege asyratyn hatshy qol qoıatyn hattama túrinde resimdeledi.
19. Konkýrstyq komıssııanyń sheshimimen kelispegen jaǵdaıda, úmitkerler mundaı sheshimge sot tártibimen shaǵymdanady.
20. Konkýrs ótkizýdiń jalpy merzimi konkýrs ótkizý týraly sheshim qabyldaǵan kúnnen bastap eki aıdan aspaıtyn ýaqytty quraıdy.
21. Konkýrstan oń nátıjemen ótken qatysýshymen tıisti saladaǵy ýákiletti organnyń (jergilikti atqarýshy organnyń) basshysy tıisti shart jasasady.
3. Baıqaý keńesi músheleriniń ókilettikterin merziminen buryn toqtatý
22. Sharýashylyq júrgizý quqyǵyndaǵy memlekettik kásiporynnyń baıqaý keńesi múshesiniń ókilettigi onyń jazbasha ótinishiniń negizinde merziminen buryn toqtatylýy múmkin.
Baıqaý keńesi múshesiniń jazbasha ótinishinde budan ári óziniń mindetterin oryndaı almaýynyń sebebi kórsetiledi.
23. Baıqaý keńesi baıqaý keńesi múshesiniń óz ókilettigin merziminen buryn toqtatý týraly ótinishin qaraıdy jáne osy ótinish tıisti salanyń ýákiletti organyna (jergilikti atqarýshy organǵa) kelip túsken kúnnen bastap on jumys kún ishinde sheshim shyǵarady.
24. Baıqaý keńesiniń múshesi qyzmetke baǵalaý ótkizý qorytyndylary boıynsha 0-den 4 balǵa deıin alǵan jaǵdaıda, oǵan júktelgen mindetterge adal qaramaǵanynyń jáne Sharýashylyq júrgizý quqyǵyndaǵy memlekettik kásiporynnyń baıqaý keńesi músheleriniń qyzmetin baǵalaý jónindegi komıssııa usynystary negizinde tıisti salanyń ýákiletti organy (jergilikti ýákiletti organ) onyń ókilettiliginiń merziminen buryn toqtatylýy týraly sheshim qabyldaıdy.
25. Memlekettik kásiporyndy qaıta uıymdastyrý júzege asyrylǵan jaǵdaıda baıqaý keńesi qaıta uıymdastyrý aıaqtalǵanǵa deıin kúntizbelik jıyrma bes kún buryn óz ókilettiligin merziminen buryn toqtatý týraly sheshim qabyldaıdy.
Buıryq Qazaqstan Respýblıkasynyń Ádilet mınıstrliginde 2015 jylǵy 19 naýryzda Normatıvtik quqyqtyq kesimderdi memlekettik tirkeýdiń tizilimine №10503 bolyp engizildi.