2016 jylǵy 24 naýryz, Astana qalasy
2016 jylǵy 2-toqsanǵa arnalǵan kedeılik sheginiń mólsherin aıqyndaý týraly
«Memlekettik ataýly áleýmettik kómek týraly» 2001 jylǵy 17 shildedegi Qazaqstan Respýblıkasy Zańynyń 2-baby 1-1-tarmaǵyna sáıkes buıyramyn:
1. Qazaqstan Respýblıkasy boıynsha 2016 jylǵy 2-toqsanǵa arnalǵan kedeılik shegi Qazaqstan Respýblıkasy Ulttyq ekonomıka mınıstrligi ótken toqsanǵa eseptegen eń tómengi kúnkóris deńgeıiniń 40 paıyzy mólsherinde aıqyndalsyn.
2. «2016 jylǵy 1-toqsanǵa arnalǵan kedeılik sheginiń mólsherin aıqyndaý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 10 jeltoqsandaǵy № 953 buıryǵynyń (Normatıvtik quqyqtyq aktilerdi memlekettik tirkeý tiziliminde № 12461 bolyp tirkelgen jáne 2015 jylǵy 31 jeltoqsanda «Ádilet» aqparattyq-quqyqtyq júıesinde jarııalanǵan) kúshi joıyldy dep tanylsyn.
3. Qazaqstan Respýblıkasy Densaýlyq saqtaý jáne áleýmettik damý mınıstrliginiń Áleýmettik kómek departamenti:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) tirkelgen osy buıryqty alǵan kúnnen bastap bes jumys kúni ishinde onyń kóshirmesiniń memlekettik jáne orys tilderindegi bir danasyn baspa jáne elektrondyq túrde Qazaqstan Respýblıkasynyń normatıvtik quqyqtyq aktileriniń etalondyq baqylaý bankine qosý úshin «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
4) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
5) osy buıryqty oblystardyń, Astana jáne Almaty qalalarynyń jumyspen qamtýdy úılestirý jáne áleýmettik baǵdarlamalar basqarmalarynyń nazaryna jetkizýdi qamtamasyz etsin.
6) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine usynýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri S.Q.Jaqypovaǵa júktelsin.
5. Osy buıryq 2016 jylǵy 1 sáýirden bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA.
Buıryq Qazaqstan Respýblıkasynyń Ádilet mınıstrliginde 2016 jylǵy 29 naýryzdaǵy Normatıvtik quqyqtyq kesimderdi memlekettik tirkeýdiń tizilimine №13548 bolyp engizildi.