ASTANA. 14 sáýir. Meksıkanyń batysyndaǵy Mıchoakan shtatynda qylmyskerlerge qarsy arnaıy operasııalar júrip jatyr. Bul týraly TASS aqparat agenttigine silteme jasaǵan egemen.kz tilshisi habarlady.
Aımaqtyń gýbernatory Sılvano Aýreolestiń aıtýynsha, zańǵa qaıshy áreket etken 30 qylmysker ustalǵan. Arnaıy operasııa jumystaryna 1 myńnan asa polısııa qyzmetkerleri jáne birneshe tikushaq jumyldyryldy.
«Bastaǵan isimiz nátıjeli aıaqtalyp jatyr. Búginge deıin 31 adam ustaldy. Aldaǵy ýaqytta Mıchoakanda qylmystyq toptar bolmaıdy. Barlyq jaǵdaıdy óz nazarymyzda baqylaımyz. Endigi kezekte qylmyskerler jazasyz qalmaıdy», – dedi Sılvano Aýreoles
Aıta keteıik, Meksıka zorlyq-zombylyq jıi bolyp turatyn memleketterdiń biri. Atalǵan shtatta «Halısko – jańa býyn», «Kabaleros templarıos» sııaqty iri esirtki tasymaldaıtyn uıymdar bar.
Aıan Ábdýálı.
Derek: TASS.
Foto: vz.ru.