ASTANA. 14 sáýir. Qytaıdyń Gýandýn provınsııasynda qurylys krany qulap, 18 adam mert boldy. Bul týraly «Interfaks» aqparat agenttigine silteme jasaǵan egemen.kz tilshisi habarlady.
Resmı málimetter boıynsha, oqıǵa ornynda taǵy 14 adam túrli deńgeıde jaraqat aldy. Olar der kezinde aýrýhanaǵa jetkizildi. Dárigerler naýqastardyń jaǵdaıy týraly resmı málimdemedi. Qırandy astynda taǵy birneshe adamnyń qalǵany anyqtaldy. Oqys oqıǵa kezinde 139 adam jumys istep jatqan.
Aldyn ala málimet boıynsha, bul aımaqta daýyl soqqan. Joıqyn jelge shydas bermegen salmaǵy 100 tonnalyq qurylys krany jumysshylar turyp jatqan ýaqytsha úıge qulaǵan. Málimetterge sáıkes, qıraǵan nysannyń kólemi 200 sharshy metrdi qurady.
Qazirgi kezde tergeý amaldary júrip jatyr.
Aıan Ábdýálı.
Derek: «Interfaks».
Foto: metronews.ua.