Azıada jarshysy

«Egemen Qazaqstannyń» VII Qysqy Azııa oıyndaryna arnalǵan sársenbilik beti Azıadaǵa 11 kún qaldy * * *

AZIADA ATRIBÝTTARY

Osy kúnderi Azıada alaýy elimizdegi saıahatyn jasaýda. 11 qańtar kúni tutanyp, Ál-Kýveıt qalasynan Alma­ty­ǵa jetkizilgen alaý Taraz, Shym­kent, Qyzylorda, Aq­taý, Atyraý, Oral qalalaryna baryp, búgin Aqtóbe, al erteń Qostanaı qala­syn­da saparyn jalǵastyrady. Jýyrda biz Qysqy Azııa oıyn­da­ry­nyń Alaý estafetasynyń dırek­sııa­sy basshy­sy­nyń orynbasary Sár­sen QURAN­BEK­TEN osy saltanatty sharanyń basty at­rıbýty sanalatyn alaý qutysy, ta­sy­mal­dan­baly otty­ǵy men jyljymaly qazandyǵy jaıynda málimet berýin ótingen edik. Sony nazarlaryńyzǵa usynyp otyrmyz. Alaý estafetasy atrıbý­tıka­synyń negizgi órnekteri, dızaınerlik sheshimderiniń bári qazaq­stan­dyq óner ókil­deriniń týyn­dysy. Osynyń ishinde bı­yl­ǵy Azıa­da alaý esta­fe­tasynyń eń basty atrıbýty – alaý qutysy. Jal­py, ot qazaqtar úshin ba­ǵzydan beri tazarý men tú­leýdiń, jańarý men jasa­rý­dyń rá­mizi bolyp sa­nalady. Osy­ǵan baılanysty rásimder men yrymdar kún­delikti tur­mys-tirshiliktiń ajy­ramas at­rıbýtyna aınal­ǵan. My­sa­ly, jańa týǵan ná­resteni besikke bólemes bu­ryn ony otpen alastaǵan. «Úı», «sha­ńy­raq» uǵym­da­ry­men sabaq­tas «ot basy», «oshaq qasy», «otaý», «ota­ǵa­sy» degen sózder ózgeshe qa­dir-qurmetke ıe. Qyz uzatyp, kúıeý keltirgende, «Ot Ana, Umaı Ana, jarylqa» dep janyp tur­ǵan otqa maı quıǵan. Uly dalanyń turǵyndary saparǵa shyq­qan kóshti, sondaı-aq ant bergen kisini eki ottyń ortasynan ótkizgen. Otqa qatys­ty tyıymdar da óz al­dyna: otqa túsir­meıdi, ottan at­tamaıdy, otqa sý quı­yp óshirmeıdi, ottyń sho­ǵyn bas­paı­dy, kú­lin shashpaıdy sııaqty yrym­­­dardy aı­týǵa bo­lady. Iаǵnı, otty óshir­meý shyraqty són­dir­meý – qazaqtardyń mıf­­tik-túsi­nigi boı­ynsha onyń kıeli kúsh, qa­sıetti qubylys eken­digin meń­zeı­di. Son­dyqtan belgilengen baǵ­darǵa sáıkes Qazaqstannyń túk­pir-túkpirin aralap shyǵatyn Azıa­da alaýy tazarý, túleý, jańarý, jasarý sekildi sım­voldyq mán-mazmundy halyqtyń sanasynda qaıta bir jańǵyrtty. Alaý qutynyń bitim-bolmysy da baıyrǵy ulttyń nyshan­da­rymen úndestirilip, qos qymbat metall al­tyn men kúmistiń úı­le­siminen jasalǵan. Onyń tula boıy kúmis­pen kúptelgen. Qazaq zer­gerleri kúmisti aıryqsha ás­pet­tep, ol adam­dy til-kózden saq­taıdy jáne ta­zartady dep sengen. Astrologııa­lyq tanym boı­yn­sha kúmis aıdyń nuryna teńes­ti­rilip, oǵan magııa­lyq sıpat telingen. Mysaly, shildehana kezinde sábıdi kúmis teńge salynǵan ydysqa shomyldyryp, «Balanyń kúshi kúmisteı jaryq bolsyn!» dep tilek aıtqan. Alaý qutysy­nyń aýzyndaǵy jasandy jalyny men alaýdy ustap júrý­shiler u­s­taıtyn saby altynmen aptalǵan. «Altyn» sóziniń «alaý» sózimen túbirles ekendigi jáne ot pen kúndi ısharalaıtyny belgili. Esik qor­ǵa­nynan tabylǵan «Altyn Adam­nyń» osy metaldan toqylǵan kıimi ejelgi dástúrden habardar etedi. Sóıtip, alaý qutydan Jer – Aı – Kún jarasymynyń, ıaǵnı ǵalamdyq kelisiminiń tuspaly tanylady. Alaý qutyǵa, elimizdiń memlekettik Týy men El­tańbasyndaǵy sekildi qazaqtyń oıý óne­riniń aı­ty­lý aıshy­ǵy – «Qoshqar múıiz» stılindegi órnek sa­lyn­ǵan. «Qoshqar múı­iz» – bılik pen bere­keniń, irilik pen iz­giliktiń kórkem beı­nesi. Sondaı-aq máń­gi­liktiń metaforasy. Onyń semantı­ka­sy­nan «Citius, Altius, Fortius» – «Jyl­da­my­­­raq! Bıigirek! Kúsh­­­ti­rek!» degen olımpııa­lyq uran­dy aıtýǵa bo­lady. Jal­py aıt­qanda, ózi de múıiz pishindes alaý qutydaǵy «qosh­qar múıiz» ór­ne­gi ar­qyly Azıadany qa­byl­dap otyrǵan el­diń dúnıetanymdyq ereksheligi kórinis tabady. Azıadanyń alaý qutysyn olı­mpııalyq oıyndardyń atrıbýt­tary­men aınalysatyn qytaılyq kompanııa ázirledi. Qazirgi tańda mundaı atrıbýttardy jasaıtyn tórt kompanııa bar. Olardyń ekeýi Italııa men AQSh-ta bolsa, taǵy ekeýi Qytaıda. Endi alaý quty­sy­nyń pishinine kelsek, onyń uzyn­dy­ǵy 65-66 sm. Alaý qutysynyń syrtqy kelbeti kóne­liktiń rýhyn kórsetse, ishi zamanaýı tehnolo­gııalyq qurylymdardan tu­rady. Alaýdy qaq ortasynan burap ashýǵa da bolady, onyń joǵarǵy jaǵynan shaǵyn, janý uzaqtyǵy 1 saǵatqa deıin jetetin gaz ballony bekitilgen. Bul alǵashqy Azıada alaýy bol­ǵan­dyqtan, onyń Beıjiń Olım­pıadasy alaýyna uqsas jerleri kóp boldy. Onyń ústine alaýdy qy­taılyq kompanııa ózderine uqsatyp jasaǵany da kózge birden urady. Biraq, qytaı­lyq alaýdyń Azıada alaýynan bir ereksheligi, onyń salmaǵy 985 gramm bol­dy. Al Azıada alaýynyń sal­maǵy alǵashqyda 2 kg.-nan asyp ketken edi. Ol keıin 1,850 gramǵa tú­sirildi. Odan keıin alaýdyń sal­maǵyn barynsha azaıtý kerek bolǵan soń, gaz bal­lonynyń uzyndyǵy da qysqartyldy. Sóıtip, alaý qutysy­nyń salmaǵy 1, 700 gramm boldy. Qazaq alaýy salmaǵy jaǵy­nan utpasa da, tabıǵattyń túrli to­syn minezine tótep berý jaǵynan eshkimge des bermeıdi. О́ıtkeni, onyń úzdiksiz janýyna 40 gradýstyq aıazdar, nóserli jańbyrlar men kúshti jelder de kedergi keltire almaıdy. Qoryta aıtqanda, bıylǵy Azıada úshin barlyǵy 100 alaý ázirlendi. Onyń árqaısysynyń baǵasy 1000 AQSh dollarǵa jýyq.  Ár­bir alaýger bir-bir alaýdy ózine estelikke qal­dyra almaıdy. Tek estafeta ótetin ár óńirde onyń bir danasy qal­dy­ry­lady. Qal­ǵandary Azııa olım­pııa­lyq keńesiniń mú­she­­­leri men basqa da qur­metti qonaqtarǵa syıǵa tar­tylady. Tasymaldanbaly ottyq – alaý estafetasy bastalar aldynda tutatý úshin, bir gaz ballonynyń janý ýaqyty bitip, ony basqasyna aýystyryp, qaıta tutatý úshin qajet bolǵan jaǵ­daıda jáne jaman aıtpaı jaqsy joq, alaýymyz túrli sebeptermen óship qalǵan jaǵdaıda ony dereý qaıta tutatý úshin jasa­lynǵan ottyq. Onyń tutqasyn eseptemegende, uzyn­dyǵy – 33-35 sm. Alaý ottyqtyń tómengi jaǵyna janý kúshi 5 saǵatqa deıin jetetin spırt quıylady da, ol pilte arqyly jaǵylady. Sóıtip, ol estafeta aıaqtalǵanǵa deıin janyp turady. Jyljymaly qazandyq tý­raly aıtatyn bolsaq, jalpy qazaq halqynyń dástúrli dinı-mıfolo­gııa­lyq jáne ǵuryptyq ta­nym-túsi­niginde qazannyń ala­tyn orny erekshe. Qazan – otqa taby­nýdyń bólinbes bólshegi, halyqtyń baılyǵy men bir­liginiń, qýaty men qajyrynyń ólshemi. Ol eldiń mezgildik jańarýy men jasa­rýy­nyń belgisi ekendigin «Elý jyl­da – el jańa, júz jylda – qazan» deıtin máteli rastaıdy. Tarıhtyń atasy Gerodot­tyń jazýynsha, saq patshasy Arrıant jaýyngerleriniń búkil jebesin bir jerge jınap balqyt­qyzyp, úl­ken qazan quı­dyrǵan da, ony elden erek qyzmet­keriniń quzy­ryna qa­ratqan. Qazaqtar óz osh­aǵynyń qa­zanyn kóshken jurtqa qal­dyrmaǵan, bas­qa bireýge tartý etpegen, óıtkeni bulaı jasasa – baq pen bereke birge ketip qalady dep eseptegen. Tóń­kerilgen qazan – jamanshy­lyqtyń, joq­shy­­lyq­tyń nyshany sa­nalǵan. Aýyl arasynan shyqqan tentekti «qazan­buzar» dep ataǵan, onysy «elbuzar» degenge parapar. Qasıetti ǵıbadat orny – Qoja Ahmet Iаsaýı kese­ne­siniń tórinde taızqazannyń turýy teginnen-tegin emes. Osy jerde Azıa­danyń jyl­jymaly kishi qazan­dy­ǵyna bizdiń birligimizdiń, tutasty­ǵy­myzdyń sımvoly bolǵan taıqa­zan­nyń beınesi alynǵanyn aıtýymyz kerek. Jalpy, ejelgi jartas sýretterinde (petroglıfterde) qazannyń beınesi jıi kezdesedi. Arheolo­gııa­lyq qaz­balardan tabyl­ǵan úsh aıaqty qazandar, baıyrǵy kóshpelilerdiń uǵymyna sáıkes, ǵalamnyń úsh qabatyn – ústińgi, ortańǵy jáne as­tyńǵy dúnıelerdi, sondaı-aq úsh áleýmettik jikten – sarbazdardan, baq­tashylardan jáne abyzdardan turatyn qoǵamdy bildirgen. Olaı bolsa, Azıada qazandyǵy – sport ar­qyly jarasym tapqan túrli halyq­tar arasyndaǵy yrys pen ynty­maq­tastyqtyń rámizi bolyp tabylady. Bıylǵy Azıadada ár estafeta­nyń sońynda kishi qazandyqtar jaǵylyp otyrady. Qazandyqtyń salmaǵy shamamen 60-65 kg. bolsa, bıiktigi 60 sm., joǵarǵy jaǵynyń dıametri (aýzy) 90 sm. * * *

ShAŃǴY JOLY – JEŃIS JOLY

Bul kúnderi shańǵydan erler jáne áıelder quramasy Qysqy Azııa oıyndaryna daıyndyq retinde Eýropa elderinde ótip jatqan ja­rys­tarǵa qatysýda. Odan keıin shańǵyshy qyz-jigitterimizdiń Qazaqstan ký­bogy jolyndaǵy syndarǵa qatysýy josparlanýda. Osy jarystardan keıin shańǵydan ulttyq quramanyń tolyq quramy jasaqtalady.  Ja­qynda bizge Astanada sportshylardyń oqý-jattyǵý jıyndaryn ótkizý úshin Eýropa elderine barar aldynda Shańǵy federasııasynyń prezıdenti О́mirzaq Shókeevpen ótken kezdesýinde ulttyq quramanyń bas bapkeri Vladımır Fılımonovpen áńgimelesýdiń sáti túsken edi. Osy jerde otandyq sporttyń kózkórgen mamany komandanyń Azıadaǵa daıyndyǵy jóninde aıtyp berýdi jón kórdi. – Azııa oıyndary jaqyndap keledi. Bizdiń shańǵyshylardyń al­dy­na qandaı mindet qoıylyp otyr? – Azıada baǵ­dar­lamasyna shańǵy jarysynyń 12-i túri kirip otyr. Sonyń kem degende 10 tú­ri­nen biz jeńiske jetýimiz kerek. Muny men sizderdiń áriptesterińizge de, bárine de aıtyp júrmin. – Sóıtip, Azıadada birinshi oryn bizdiki bolýy kerek deısiz ǵoı. Biraq, qytaı, japon shańǵyshylary bar emes pe. Olardy qaıda qoıamyz? – Bas júldeni jeńip alý – bizdiń mindet. Iá, Azıadada bizden basqa myq­ty quramalar da bolady. Olardy da umyt­paǵan jón. Vankýverde ótken Olımpıadada japondar sprınterlik jarysta eshkimge des  bermeıtinin kórsetti. Madoka Natsýmıdi aıtamyn. Al klassıkalyq jarysta olarda Masako Ishıda bar. Sondyqtan bizge psıhologııalyq jaǵynan syr bermeı, olarmen ıyq teńestirip, básekelese alaty­ny­myzdy kórsetýimiz kerek. – Komandanyń qazirgi daıyndyǵy qalaı? – Azıadaǵa daıyndyq aldyn-ala jasalǵan kestege sáıkes júrip jatyr. Medısına jáne ońaltý ortalyǵynda tereńdetilgen tekseris pen Sporttyń ǵy­lymı-zertteý ınstıtýtynda testileýden óttik. Shańǵyshylardyń densaýlyǵy jaqsy. Endi alda bir­neshe halyqaralyq jarystarǵa, odan keıin Qa­zaq­stan kýbogyna qatysyp, kúshimizdi taǵy synap kóremiz. – Azıadaǵa neshe adam daıyndalyp jatyr? – Segiz adamdy daıyndap jatyrmyz. Olardyń arasynda Svetlana Malahova, Oksana Iаskaıa, Elena Kolomına, Tatıana Roshına, Elena Sahnova, Marına Matrosova, Anastasııa Slonova men Ekaterına Semenovyh bar. Alǵashqy úsheýi eresekter arasyndaǵy jarystarǵa qatysyp júr. Al Matrosova men Roshınany olardyń izbasary deýge bola­dy. Olar Vankýver Olımpıadasyna qatysyp, biraz tá­ji­rı­be jınap keldi. – Siz áıelder quramasymen ju­mys isteısiz ǵoı. Aıtyńyzshy, ná­zik jandylarmen jumys isteý qıyn emes pe? – Qınalatyndaı eshteńe kórip júrgen joqpyn. Áıelderge kóbirek kóńil bólý kerek. Eger bireýine kóńil bólseń, ekinshisi renjip qalatyn sııaqty. Biraq, qyzdaryma tapsyrma berseń, bárin der kezinde oryndaıdy. Erler jaǵy olaı emes. Bul bizge kerek pe, kerek emes pe dep oılanyp júredi. – Azıada oıyndarynda áıelder quramasy qandaı dıssıplınada óner kórsetedi? – 1,4 km. sprıntte, ıaǵnı klassıkalyq júrýde, 1,4 km. erkin júrýde, ony komandalyq sprınt deıdi. Taǵy 5 shaqyrymǵa klassıkalyq júrý, 10 shaqyrymǵa erkin júrý, 15 shaqyrymǵa klas­sı­ka­lyq júrý men 4h5 km. estafeta jarysyna qa­tysady. Ár dıssıplına boıynsha ár komandadan eki sportshynyń qatysýyna ruqsat beriledi. – Nege eki sportshy? Buryn shańǵy ja­rys­taryna tórt sportshy qatysa alatyn edi ǵoı. – Qazir eki sportshyǵa kemitip tastady. Eki sportshy bolsa da bizge jaqsy. Bizde úsh jaqsy shańǵyshymyz bar. Olar – Malahova, Iаskaıa men Kolomına. Jarysqa ekeýi shyqsa, bireýi jáne bir jas sportshy rezervte bolady. Tórt sportshydan eki sportshyǵa kemitý básekelestikti arttyrý úshin jasalǵan. 2007 jyly Chanchýnde ózińiz kórdińiz ǵoı, júldeli oryndardyń bárin bizdiń qyzdar jeńip aldy. Sondyqtan AOK bir eldiń ókilderine júldelerdiń bárin taratpaı, basqa elderdiń de kó­ńilderine qarap osyndaı sheshimge kelgen sııaqty. Malahova, Iаskaıa, Kolomına úsheýi de otandyq sport­qa kóp eńbek sińirdi. Svetlana men Oksana­nyń balalary bar. Olar da jaralaryn emdep, balalaryna qaraǵysy keledi. Sondyqtan ja­rysqa eki sportshynyń qatysýy bir jaǵynan olarǵa da jaqsy boldy. Ýaqyttary kóbirek bo­lady. Al Elenaǵa kelsem, ol Sochı Olım­pıadasyna da qatysýy múmkin. – Azıadada olar qandaı jarys túrine qatysady? – Klassıkalyq stıldegi qashyqtyqqa jú­gi­rý­ge Iаskaıa, Malahova, Kolomına qatysady. Jekeleı sprıntte Iаskaıa men Kolomına, 15 sha­qy­rymǵa júgirýde Malahova kúsh synasady. Ko­man­dalyq sprıntte osy úsheýiniń ekeýi jaryssa, es­tafetada olarǵa Matrosova men Roshına bo­lady. Biz osy ekeýin rezerv retinde ustap otyrmyz. – Elimizde shańǵy sportyn damytýda ja­sa­lyp jatqan jumystarǵa kóńilińiz tola ma? – Qazir federasııaǵa jańa basshy keldi. Birinshi vıse-premer О́mirzaq Shókeev. Endi jaǵdaıymyz túzeledi dep oılaımyn. О́mirzaq Estaıulynyń kelýimen demeýshiler tabylyp, shańǵy sportyna kóp kóńil bóline bastady. Osy jerde men bas demeýshimiz «Qazagrofınans» AQ, demeýshilerimiz – «Ivolga holdıng», «Qazaq­stannyń Astyq odaǵy» men «Bi Group» JShS-na alǵysymdy bildirgim keledi. – Jarys ótetin jerlermen tanystyńyz ba? Qalaı eken? – Jaqsy, maǵan unady. Azıadada basqa komandalar qalada turyp, jarys jolyna deıin óz­deri jetetin bolsa, bizdiń qurama Soldat shat­qalynda ornalasady. Jarys teńiz deńgeıinen 1 500 metr bıiktikte ótkiziledi. Sondyqtan ol bizdiń sportshylardyń beıimdelýine septigin tıgizedi dep oılaımyn. Áńgimelesken Dastan KENJALIN. _______________________________ ARMYSYŃ, AZIADA! Tórlet, bıik Azıada, armysyń, Saryarqa men Alataýym, qarly shyń! Qoldan bermes Qazaqstan jastary, El qorǵaǵan babalardyń namysyn! Juldyz bop jan, naızaǵaıdaı jarqylda, Qurysh bilek órenderim, nar tulǵa. Jelbiresin qazaǵymnyń kóginde, Kók baıraǵym baqyt syılap halqyma, halqyma! Astana men Almatyǵa jol salǵan, Azıada – jańa tarıh, jańa arman. Týystyq pen tatýlyqtyń ordasy – Qazaq elin kórgen jandar tań qalǵan! Búkil   álem kózin salyp alystan, San júırikter baǵyn synap jarysqan. Sport – dostyq , densaýlyq pen izgilik, Jarys kóshin alǵa basta, Qazaqstan! Baıan JANBIROVA, ustaz. Ońtústik Qazaqstan oblysy, Qazyǵurt aýdany. * * *

Azıada aıshyqtary

Almatyda qala ákimi Ahmetjan Esimovtiń qatysýymen qalany energııamen jabdyqtaý máselesine arnalǵan jıyn ótti. Qalany jaryqpen jáne jy­lýmen qamtamasyz etetin «Alataý Jaryq kompanııasy», «Al ES» AQ, «KazTransGaz – Almaty» AQ, «Almaty Jylý» MKK, «Al­maty Energosbyt» JShS syndy  kompanııa basshylary qatysqan jıynda qala halqy men sport keshenderin, qonaq úılerdi jáne Azıada aıasynda mádenı sharalar ótetin nysandardy gaz, elektr qýa­tymen jylytýdy úzdiksiz qam­tamasyz etý máselesi qa­raldy. Jıynda Azıadany laıyqty ótkizý úshin barlyq jumystar júrgizilgeni 2015 jylǵa deıingi Almatynyń energetıkalyq ny­san­daryn qaıta jabdyqtaý men damytý baǵdarlamasy aıasynda «Alataý Jaryq kompanııasy» AQ «QazUÝ», «Medeý», «Shymbulaq» jáne «Ermensaı» syndy jańa jabdyqtalǵan stansalardy paı­da­lanýǵa bergendigi belgili boldy. Bul stansalar qala ákiminiń aı­tý­yn­sha, Azıada nysandaryn qýat kózimen turaqty qamtamasyz etip qoımaı, qalanyń ońtústigindegi tutynýshylardy sapaly ener­gııa­men de jabdyqtaıtyn bolady. *  *  * Jýyrda Kólik jáne kommýnıkasııalar mınıstrliginde ót­ken alqa májilisinde Azıadaǵa av­­to­joldardy daıyndaý ju­mys­­ta­ry júrgizilip jatqany habar­landy. «Qazaqavtojol» RMK bas dı­rektory Mereke Pishembaevtyń aıtýynsha, osy másele boıynsha kásiporynnyń buıryǵymen arnaıy is-sharalar jospary bekitildi. Soǵan sáıkes, Almaty oblysynda Azıada jarystary ótetin jerler arnaıy kólikpen qamtamasyz etiledi. Olardyń kúshimen joldardyń sapasy baqylanady. Qazir «Astana – Almaty» jáne «Astana qalasy aınalma joly» avtojoldary baqy­laýǵa alyndy. Sonymen birge, Azıada kezinde Ońtústik Qazaqstan, Jam­byl, Qaraǵandy oblystaryn­daǵy fılıaldardan qosymsha tehnı­ka tartý josparlanýda. Olar kó­bine joldaǵy kóktaıǵaqty bol­dyrmaýǵa arnalyp otyr. *  *  * Osy kúnderi Almatyda VII Qysqy Azııa oıyndary alaýy­nyń basty quty-qumyrasy «Qa­zaqstan Halyq Banki» AQ Bas keńsesinde saqtaýly. Azıada alaýyn saqtaýshy ata­ný­ǵa úmitkerler arasynan neǵurlym senimdi bank retinde Halyq bankiniń tańdalýy kezdeısoq emes: halyqtyń da, memlekettik mekemeler men iskerler tobynyń da bankke degen senimdiligi joǵary, elimiz boıynsha onyń fılıaldar jelisi barynsha keń ta­ral­ǵan. Kútpegen jerden tosyn jaǵdaılar oryn alýy múmkin bolsa, uıymdastyrýshylar dál osy quty-qumyrany paıdalaný arqyly Azıada alaýynyń otyn qaıta tutata alady. Ony kúzetý Halyq bankiniń jáne Alaý estafetasy dırek­sııa­sy­nyń qaýipsizdik qyzmetiniń kúshimen jáne tehnıkalyq qu­raldarymen iske asyrylýda. Alaý oty ornatylǵan quty-qumyrany jurtshylyq Azıada kezinde kún saıyn saǵat 9-dan 20-ǵa deıin tamashalaı alady. Tilek bildirýshilerdiń alaýdyń janynda sýretke túsý múmkindigi de bolady. Internet jelisin paıda­lanýshylar alaýdyń qutysyn Halyq bankiniń korporatıvtik saıtyndaǵy arnaýly bólimnen kóre alady: www.halykbank.kz. Alaýdyń taǵy bir negizgi qu­tysy charterlik reıspen Qa­zaqstannyń oblys ortalyq­ta­ry boıynsha tasymaldanyp júredi. Al alaýdyń estafe­ta­lyq baǵda­ry júrip ótetin qalalarda negizgi quty-qumyra banktiń oblys­tyq jáne óńirlik fılıal­da­rynda saqtalatyn bolady jáne alaýdy ustap júrýshilerdiń qolyna berilip otyrady.