Keshe Astanadaǵy Ulttyq akademııalyq kitaphanada Qazaqstan halqy Assambleıasy Tóraǵasynyń orynbasary – Hatshylyq meńgerýshisi Eraly Toǵjanov Fransııanyń Ekonomıka, qoǵam, qorshaǵan orta máseleleri jónindegi keńesi eýropalyq jáne sheteldik ister boıynsha seksııasynyń tóraǵasy Jan-Marı Kambaserespen kezdesti.
Kezdesý barysynda Eraly Toǵjanov sheteldik qonaqty qoǵamdyq kelisim men ultaralyq birliktiń qazaqstandyq modelimen tanystyra kelip, Qazaqstan halqy Assambleıasynyń qurylý tarıhy, konstıtýsııalyq mártebesi, mindetteri jáne elimizdegi etnosaralyq kelisimdi nyǵaıtý boıynsha júrgizilip jatqan jumystar týraly habardar etti.
«Memleket basshysy Nursultan Nazarbaev Qazaqstan halqy Assambleıasyn qurý ıdeıasyn alǵash ret 1992 jyly aıtty. Al 1995 jylǵy 1 naýryzda Elbasynyń Qazaqstan halqy Assambleıasyn qurý týraly Jarlyǵy shyqty. О́z tarıhynda Assambleıa Prezıdent janyndaǵy konsýltatıvti-keńesshi organnan myqty quqyqtyq negizge jáne qoǵamdyq-saıası mártebege ıe konstıtýsııalyq organǵa deıin ósti», – dedi E.Toǵjanov.
Odan ári E.Toǵjanov Qazaqstan halqy Assambleıasy Parlament Májilisine 9 depýtat saılaý quqyǵyna ıe bolǵanyn, osy arqyly Assambleıanyń qoǵamdyq-saıası róli arta túskenin, «Qazaqstan halqy Assambleıasy týraly» Zań qabyldanǵanyn, osylaısha bul uıym elimizdiń saıası júıesiniń tolyqqandy bóligine aınalǵanyn ári onyń qyzmetiniń normatıvtik-quqyqtyq negizderi aıqyndalǵanyn atap kórsetti.
Sonymen qatar, ol Assambleıanyń negizgi maqsat-mindetin egjeı-tegjeıli túsindirip berdi.
«Assambleıanyń basty maqsaty – qazaq halqynyń toptastyrýshylyq rólin arqaý ete otyryp, qazaqstandyq biregeılikti jáne básekege qabiletti ultty qalyptastyrý úderisinde respýblıkadaǵy etnosaralyq kelisimdi qamtamasyz etý. Al uıymnyń negizgi mindeti – etnosaralyq qatynastar salasynda memlekettik organdarmen jáne azamattyq qoǵam ınstıtýttarymen tıimdi ózara is-qımyldy qamtamasyz etý, qoǵamda etnosaralyq kelisimdi jáne toleranttylyqty odan ári nyǵaıtý úshin qolaıly jaǵdaılar jasaý, el birligin nyǵaıtý, Qazaqstan qoǵamynyń negiz qalaýshy qundylyqtary boıynsha qoǵamdyq kelisimdi qoldaý jáne damytý», – dedi Qazaqstan halqy Assambleıasy Tóraǵasynyń orynbasary.
Budan bólek, E.Toǵjanov Qazaqstan halqy Assambleıasy memlekettik organdarǵa ekstremızm men radıkalızm kórinisterine qarsy áreket etýge, azamattardyń demokratııa normalaryna negizdelgen saıası-quqyqtyq mádenıetin qalyptastyrýǵa kómek kórsetetinin, etnomádenı birlestikterdiń kúsh biriktirýin qamtamasyz etetinin atap ótti.
Sondaı-aq, E.Toǵjanov Assambleıaǵa Qazaqstan Prezıdenti basshylyq etetinin, uıym qurylymdyq jaǵynan Assambleıa sessııalarynan, Assambleıa Keńesi men Hatshylyǵynan, oblystardyń, respýblıkalyq mańyzy bar qalalardyń jáne Astananyń assambleıalarynan turatynyn jetkizdi.
Kezdesýge qatysqan Májilis depýtaty Narıne Mıkaelıan óz kezeginde elimizde barlyq etnostardyń mádenıetin, tilin, dástúrin damytý úshin qajetti jaǵdaılardyń barlyǵy jasalyp otyrǵanyn kóldeneń tartty. Onyń sózine qaraǵanda, Assambleıanyń elimizdiń halyqaralyq bedelin arttyrýdaǵy yqpaly óte zor.
Jan-Marı Kambaseres óz kezeginde elimizde turyp jatqan túrli etnostyq toptarǵa teń quqyqtar men múmkindikter berýdegi Qazaqstannyń oń tájirıbesin úırenýdiń artyqshylyqtary bar ekenin atap kórsetti. Sonymen birge, ol bizdiń elimizde júrgizilip otyrǵan beıbitshilik pen kelisim saıasatyn Fransııa tarapy joǵary baǵalaıtynyn jetkizdi.
Buǵan qosa, Jan-Marı Kambaseres Qazaqstan halqy Assambleıasynyń halyqtyq dıplomatııa ınstıtýty úlgisine beıimdele otyryp, elimizdegi 100-den asa etnostyń basyn biriktiretin biregeı qurylymǵa aınalǵanyna qyzyǵýshylyǵyn bildirdi.
Joldybaı BAZAR,
«Egemen Qazaqstan»