2015 jylǵy 25 aqpan, Astana qalasy
«Taýarlyq jáne suıytylǵan munaı gazyn bólshek saýdada ótkizý jáne paıdalaný qaǵıdalaryn bekitý týraly» Qazaqstan Respýblıkasynyń Energetıka Mınıstriniń 2014 jylǵy 3 qarashadaǵy №96 buıryǵyna ózgeris engizý týraly
Buıyramyn:
1. «Taýarlyq jáne suıytylǵan munaı gazyn bólshek saýdada ótkizý jáne paıdalaný qaǵıdalaryn bekitý turaly» Qazaqstan Respýblıkasynyń Energetıka Mınıstriniń 2014 jylǵy 3 qarashadaǵy №96 buıryǵyna (Normatıvtik quqyqtyq aktilerdi memlekettik tirkeý tiziliminde №9936 tirkelgen, «Ádilet» aqparattyq quqyqtyq júıesinde 2014 jylǵy 15 jeltoqsanda jarııalanǵan), mynadaı ózgeris engizilsin:
atalǵan buıryqpen bekitilgen Taýarlyq jáne suıytylǵan munaı gazyn bólshek saýdada etkizý jáne paıdalaný qaǵıdalarynda:
2-tarmaqtyń 1) tarmaqshasy alynyp tastalsyn.
2. Qazaqstan Respýblıkasy Energetıka mınıstrliginiń Gaz ónerkásibin damytý departamenti Qazaqstan Respýblıkasynyń zańnamasynda belgilengen tártippen:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde onyń kóshirmesin merzimdi baspasóz basylymdarynda jáne «Ádilet» aqparattyq quqyqtyq júıesinde resmı jarııalaýdy;
3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin.
4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Mınıstr V.ShKOLNIK