Yntymaqtastyqqa yqylas zor

Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Aýyl sharýashylyǵy jáne aýyldyq óńirlerdi damytý jónindegi eýropalyq komıssar Fıl Hoganmen kezdesti, dep habarlady Premer-Mınıstrdiń baspasóz qyzmeti. Taraptar Qazaqstan Respýb­lıkasy-Eýropalyq odaq jelisi boıynsha ózara is-qımyldardyń jaǵdaıy men perspektıvalaryna, sonyń ishinde, 2015 jyldyń 21 jel­toqsanynda qol qoıylǵan Ke­ńeı­tilgen áriptestik jáne yn­ty­maqtastyq týraly kelisimge qa­tys­ty máseleler aýqymyn talqylady. Premer-Mınıstrdiń birinshi orynbasary Eý­ro­palyq odaqtyń Qazaqstannyń syrtqy saıasa­ty­nyń mańyzdy vektorlarynyń biri jáne saýda-ekono­mıkalyq ózara is-qımyldardyń basym baǵyty bolyp tabylatynyn atap kórsetti. Baqytjan Saǵyntaev Keńeı­tilgen áriptestik jáne yntymaq­tastyq týraly qol qoıylǵan keli­simniń Qazaqstan men Eýroodaq arasyndaǵy saıası, ekono­mı­kalyq jáne mádenı baılanystardy jan-jaqty damytý úshin berik negiz qalaýdy maqsat etetinin atap ótti. Qujat ekijaqty ózara is-qımyldar úshin, sonyń ishinde agrarlyq azyq-túlik salasynda, aýyl sharýa­shylyǵyn damytýda, azyq-túlik qaýipsizdigi salasyn­daǵy ózekti syn-táýekelderdi sheshýde jańa múmkin­dikter ashady. О́z kezeginde Fıl Hogan aýyl sharýashylyǵy sa­lasynda ynty­maq­tastyqtyń keń aýqymdy pers­pek­tıvalary bar ekenin atap óte otyryp, Qazaqstan men Eýroodaq arasyn­daǵy únqatysýdyń damý dınamıkasyna oń baǵa berdi. Sondaı-aq, Eýropalyq komıs­sar Keńeıtilgen áriptestik jáne yntymaqtastyq týraly keli­sim­niń saýda-ınvestısııalyq baǵyt­tardaǵy ózara is-qımyldardy burynǵydan beter nyǵaıta túseti­nine senim bildirdi. Kezdesý qorytyndysy bo­ıynsha taraptar aýyl sharýa­shylyǵy salasyndaǵy, agro­ónerkásip keshenindegi birlesken jobalardy júzege asyrýdyń keshendi máselelerin syndarly talqylaýdy odan ári jalǵastyra berýge nıetti ekendikterin rastady.