«Nur Otan» partııasynyń Ortalyq apparatynda partııa Tóraǵasynyń birinshi orynbasary Asqar Myrzahmetovtiń qatysýymen partııanyń Parlament Májilisindegi fraksııasynyń jetekshisi men músheleri, óńirlik fılıaldar men barlyq deńgeıdegi máslıhattardyń partııa fraksııalary basshylarymen otyrys bolyp ótti.
Beıne-konferensııalyq baılanys rejiminde partııanyń óńirlik fılıaldarynyń ókilderi de qatysqan shara barysynda Elbasynyń 24 naýryzda ótken Saıası keńes bıýrosynda barlyq deńgeıdegi fraksııalar men jalpy partııanyń aldyna qoıǵan 6 naqty qadamdy iske asyrý máseleleri talqylandy.
A.Myrzahmetov partııa Saıası keńesi bıýrosynyń jáne Parlament Májilisindegi partııa fraksııasynyń alǵashqy otyrysynda partııa Tóraǵasy alǵa qoıǵan mindetterdi júıeli túrde júzege asyrýdyń mańyzdy ekenin alǵa tartty. Bes ınstıtýttyq reforma men «100 naqty qadam» Ult Josparyn oryndaýda partııanyń alatyn orny erekshe. Sol sebepti partııa Májilis pen barlyq deńgeıdegi máslıhattardaǵy partııalyq fraksııalardyń jumysyn jetildirip, olardyń ózara baılanysyn nyǵaıtý máselesine basymdyq berýi tıis.
Parlament Májilisindegi partııa fraksııasynyń jetekshisi Gúlmıra Isimbaeva atap ótkendeı, fraksııa jumysy Memleket basshysy belgilegen mindetterdi iske asyrýdyń sheńberinde qurylady. Onyń aıtýynsha, bes ınstıtýttyq reformany iske asyrý jónindegi Ult Jospary aıasynda qabyldanǵan 59 zańnyń júzege asýyna júıeli túrde partııalyq monıtorıng júrgizilip, olardy halyqqa jetkizý, túsindirý jumystary iske asady. Fraksııa jumysyn tıimdi uıymdastyrý maqsatynda onyń qurylymy bekitilip úlgergen.
Sonymen qatar, «Nurly Jol» baǵdarlamasy men memleketten bólingen qarjynyń tıimdi jumsalýy aıryqsha baqylaýda. Bul úshin túıtkildi máseleler men bólingen qarajattyń jumsalý tıimdiligin arttyrý boıynsha fraksııa otyrystary turaqty túrde ótkizilip turady.
Sondaı-aq, Saılaýaldy baǵdarlamany ýaqtyly ári sapaly iske asyrý maqsatynda baǵdarlama baǵyttary boıynsha partııalyq tálimgerler jumysy uıymdastyrylady. Oǵan qosa, partııa hatshysy N.Godýnovanyń aıtýynsha, partııa janyndaǵy sarapshylyq toptardyń jumysy jalǵasatyn bolady. Olardyń quramy da Parlament Májilisindegi partııa fraksııasy quramynyń ózgerýine baılanysty birshama jańardy.
Partııa turǵyndardyń ózekti máselelerin anyqtaý men sheshý baǵytyndaǵy jumysyn, onyń ishinde partııalyq jobalardy iske asyrýdy jandandyrmaq. Demokratııalyq kúshterdiń jalpyulttyq koalısııasy, jemqorlyqqa qarsy keńester men kásipkerlikti qoldaý baǵyttaryndaǵy jumystar da belsendi júrgiziledi.
Partııa hatshysy F.Qýanǵanov óz sózinde partııa úshin asa mańyzdy baǵyttyń biri Qazaqstan halqy Assambleıasymen ózara baılanysty ortalyq jáne óńirlik deńgeıde qamtamasyz etý ekendigin atap kórsetti.
Partııa apparatynyń basshysy J.Qojahmetovtiń aıtýynsha, búgingi tańda fraksııanyń ortalyq pen jergilikti jerlerdegi jumysy halyqtyń aǵymdaǵy máselelerin sheshýge arnalýy kerek. Iаǵnı, bul úshin de fraksııa músheleriniń qoǵamdyq keńesterge qatysýy jáne eki jaqty «keri baılanys» nyǵaıyp, qoǵamdyq qabyldaýlarda qabyldaýlar sany artyp, jurtshylyqpen turaqty kezdesýler ótkizilýi kerek.
Osy taqyrypty partııa hatshysy Q.Jumashev jalǵastyryp, jergilikti máslıhattarǵa jańadan saılanǵan depýtattardyń aldynda aýqymdy mindetter turǵanyn aıtty. Sondaı-aq, ol fraksııa músheleriniń jumysy reglament boıynsha baǵalanyp, reıtıngisi shyǵarylatynyn jetkizdi.
Al «Jas Otan» JQ tóraǵasy Sh.Baımanov partııanyń jastar saıasatyn júzege asyrý jónindegi jumystaryna toqtaldy. Ásirese, osy baǵyttaǵy memlekettik baǵdarlamalarǵa tereń taldaý jasalatynyn atap ótti.
Sonymen birge, shara barysynda Pavlodar oblystyq máslıhatyndaǵy partııa fraksııasynyń jetekshisi A.Ospanova men partııanyń Batys Qazaqstan oblystyq fılıaly tóraǵasynyń birinshi orynbasary S.Súleımen sóz alyp, partııanyń jergilikti qurylymdaryndaǵy jańa jumys baǵyttary jaıly baıandady.
Kezdesý qorytyndysy boıynsha partııa Tóraǵasynyń birinshi orynbasary partııanyń aldynda turǵan maqsat-mindetterdi oıdaǵydaı júzege asyrýǵa barlyq múmkinshilikteri bar ekenin aıtyp, áriptesterine sáttilik tiledi.
Sáýlebek BIRJAN