Oblystyq jumyspen qamtýdy úılestirý jáne áleýmettik baǵdarlamalar basqarmasy ótken jyly «Jol kartasymen» tııanaǵy keltirilgen jumystardy bıyl da jalǵastyrýdy qarastyrýda.
О́ńirde 2011-2015 jyldarǵa arnalǵan damý baǵdarlamasy jasalyp, onyń sheńberinde halyqty jumyspen qamtý deńgeıin arttyrýǵa jáne jumyssyzdyqty azaıtýǵa baǵyttalǵan sharalar kesheni qolǵa alynbaq. Baǵdarlama boıynsha 20000-ǵa jýyq jańa jumys orny ashylmaq. Memlekettik údemeli ındýstrııalyq-ınnovasııalyq damý baǵdarlamasy sheńberinde 1327 jumys orny ashylady. Tekeli qalasynda «Grın Haýs-Zelenyı Dom» jylyjaıynda 60 jumys orny, Qapshaǵaı qalasyndaǵy «Ilno Grýpp» seriktestiginde kóp baǵdarly jáne ıilgen bolat profıl shyǵarý zaýyty 90, «Parenteral Dragz Qazaqstan» ınfýzıondy eritindiler úshin bir rettik júıeler jasaý zaýyty 300 jáne Raıymbek aýdanynyń Sharyn ózenindegi ǵasyr qurylysy – Moınaq sý elektr stansasynda qosymsha 527 jumys orny qurylady dep josparlanyp otyr.
Eńbek rynogyn retteý jáne halyqty jumyspen qamtýda 19579 adamdy jumysqa ornalastyrý, 9000 adamdy qoǵamdyq jumystarǵa tartý, 552 adamǵa áleýmettik jumys oryndaryn uıymdastyrý jónindegi bastama kezeń-kezeńimen bastalyp ketti. Sonymen birge 2840 adamdy kásibı jáne qaıta daıarlaý, biliktiligin arttyrý, 1125 oqý bitirgen jas túlekti tájirıbege qatystyrý josparlanǵany da máseleniń mánin asha túsedi. Osylaısha jastardy bolashaq mamandyqtaryna baýlý jaıy sheshimin tabýda.
Kúmisjan BAIJAN.
Almaty oblysy.