Keneler shabýylǵa shyqty

Olar Qyzylorda oblysynda 146 adamdy shaǵyp alǵan Qazirgi kezde Syr boıynda osy jándikterge qar­sy jumystar jasalyp jatyr. Oblystyq tuty­ný­shylardyń quqyqtaryn qorǵaý departamenti bas­shysynyń orynbasary Ulbosyn Ahanaevanyń aıtýynsha, oblys ákiminiń ókimimen Kongo-Qyrym gemorragııalyq bez­gegi aý­rýynyń aldyn alýdy úıles­tirý jónindegi ju­mysshy toby bekitilgen. Naýryz aıynan bastap óńirde keneden zalalsyzdandyrý jumystary júrgizilýde. Sonyń nátı­­jesinde Shıeli, Ja­ńa­qorǵan aýdandarynda jaǵ­daı turaqtalǵan. О́tken jylǵy epıdemıologııalyq kezeńmen salystyrǵanda, keneniń shaǵýy azaıǵan. Desek te, zalaldy ján­diktiń to­­pyraqta, orman tóseminde, ár­túrli uıa­larda, inderde, ósimdik­terde, tu­shy sýlarda, teńizderde tirshilik etetinin eskersek, qaýip­tiń áli saqtalyp tur­­ǵanyn aı­týǵa bolady. Keneler – órmekshi tárizdi usaq jándikter. Olardyń  20 myńnan astam túri bar dep esepteledi. Kópshilik kenelerdiń medısınalyq jáne jaıylym kenesi, sý kenesi, astyq kenesi, qam­ba kenesi, órmek kene, berish kene, mamyq kene, shash kene degen san alýan toptary bar. Sondyqtan, oblysta qolaısyz eldi mekenderde kóktem men kúzde eki ret kenege qar­sy óńdeý sharalaryn júr­gizýge  qyrýar aqsha bólinip jatyr. Ob­lystyq tutynýshylardyń qu­qyq­taryn qorǵaý departa­men­tiniń málimetine qaraǵanda, 166 mln. 315 myń teńge, sol jerlerde 300 metr radıýs­ta sanıtarlyq-qor­ǵanys aımaqtaryn qurý, dala tysh­qandarynyń inderin tereń dýs­tandyrýǵa res­pýb­lıkalyq bıýd­jet­ten 26 mln.-nan astam teńge bólin­di. Ǵanı ISLAMBEK