Qytaıdyń Shyńjań ólkesi, Altaı aımaǵy, Qaba aýdanynan batysqa qaraı júz shaqyrym qashyqtyqta qum arasynda Qaratoqty degen kól bar. О́ziniń sulýlyǵymen, kórkemdigimen talaıdy tamsandyrǵan Qaratoqty kóli – tabıǵattyń ǵajaıyp kórinisi.
Kórkem kól Qazaqstan men Qytaıdyń shekarasynda jatyr. Ol Qazaqstannyń Kúrshim, Zaısan aýdandarymen shektesetin shekaraǵa jaqyn jerde. Osy kólge baryp, onyń sýyna aıaǵyn salǵan adamdardyń aıtýynsha, bul – álemdegi eń kórkem jerlerdiń biri. Ony bir ǵana ret kórgen adam qaıta kelip, aınadaı kóldiń aıdynyn, tereńinen taraıtyn ǵajaıyp sáýlesin kórmese tura almaıdy. Kól jaǵasyndaǵy aǵash japyraǵy men shópter kúz mezgilinde alýan túrge boıalyp, qulpyryp shyǵa keledi. Osy kezde aǵash japyraqtary men shópter qum ortasyndaǵy keremet kóldi túrli boıaýmen boıap, adamnyń kózin tartyp turady.
Bul jerde kógildir taý da bar. Osy taý qum alqabymen keremet jarasyp, kóldiń sánine sán qosyp turǵanyn kórýge bolady.
Dastan JUMABEKULY
ASTANA