Qazaqstandyq shekarashylar quqyq qorǵaý organdarymen birlese otyryp júrgizgen is-shara nátıjesinde 23 kg-nan astam esirtki zattaryn tárkiledi.
Qazaq-qyrǵyz shekarasynda ornalasqan «Merke» baqylaý-ótkizý beketiniń shekarashylary ishki ister organdarynyń qyzmetkerlerimen birlese otyryp júrgizgen arnaıy is-shara barysynda qyzmettik ıttiń kómegimen Merke aýylyndaǵy bir turǵynnyń qorajaıynan skotchpen oralǵan eki paket tapty.
Saraptama qorytyndysy onyń esirtki zattary «gashısh» pen «marıhýana» ekendigin kórsetti. Tarazyǵa salyp ólshegende «gashısh» 990 gramm, al «marıhýana» 21kg 720 gramm bolyp shyqty. Osy kúni taǵy bir úıdiń aýlasyndaǵy kirpishtiń astynan polıetılendi túıinshek tabylyp, onyń ishinen 1 kılogrammǵa jýyq esirtki zaty «gashısh» alyndy.
Atalǵan derek boıynsha qylmystyq ister qozǵaldy, dep habarlady UQK ShQ baspasóz qyzmeti.