ASTANA. 19 sáýir. Aýǵanstannyń astanasy Kabýl qalasynda jankeshtiniń ózin ózi jaryp jiberýinen 20 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Resmı málimetter boıynsha jankeshti mingen kólikte jarylǵysh zat ornatylǵan. Memlekettiń ortalyǵynda ornalasqan ulttyq qaýipsizdik basqarmasynyń shtab-páterine jaqyndaǵanda bomba iske qosylǵan.
AP agenttigi bul isti jergilikti aýǵan talıbteriniń óz moınyna alǵanyn habarlady. Qazir oqıǵa ornynda tergeý amaldary júrip jatyr. Sondaı-aq, zardap shekkenderge jedel járdem qyzmetkerleri kómek kórsetýde. Dárigerlerdiń aıtýynsha, mert bolǵandardyń sany áli de artýy múmkin.
Aıan Ábdýálı.
Derek, foto: TASS.