Qazaq tilin ana tilinen kem kórmeıdi

Osy aptada Qazaq memlekettik qyzdar pedagogıkalyq ýnıversıtetinde Qazaqstan  Respýblıkasy Táýelsizdiginiń 25 jyldyǵyna oraı, qazaq tilin ana tilinen artyq biletin, ózge ulttardan quralǵan komandalardyń qyzyqty jarysy ótti. Qyzdar ýnıversıtetinde ótki­zilip júrgen Olımpıadanyń dás­túri boıynsha ótken jylǵy olımpıadanyń jeńimpazdary qatysýshylarǵa sáttilik tiledi. Memlekettik tildi meńgergen ózge tildi jastardy anyqtaý, yn­­talandyrý, memlekettik tilge qurmetpen qaraýdy qalyptastyrý maqsatynda ótken bilim saıysyna Almaty qalasy JOO-dan 6 komanda qatysty. О́zge demeseńiz, jan-dúnıesi men tili qazaqsha saıraıtyn, qa­zaq tiliniń maıyn tamyzyp sóılegende, qazaqtan kem tús­­peıtin jastar tórt kezeń boıynsha baqtaryn synady. Aldyn ala jerebe tartý bo­ıynsha anyqtalǵan koman­da­­lar «Bilimdiden shyqqan sóz» atty I aı­­­nalymda «Qazaq eli, qazaq tili – máńgilik!», «Memlekettik tildi bilý – azamattyq paryzyń!», «El er­teńi – bilimdi jastar», «Til, qoǵam, mádenıet», «Beıbit eldiń urpaǵymyz» jáne t.b. el, tilge baılanysty taqyryptar boıynsha slaıd túrinde úıden daıyndap kelgen tapsyrmalaryn qorǵap, qazaq tilin qanshalyqty deńgeıde meńgergenderin kórsetti. Bul synda sonymen qatar, taza sóıleý máneri de eskerildi. Ekinshi «San suraq» týrynda qatysýshylar ár uıashyqta ja­syrylǵan leksıkalyq, gram­ma­tıkalyq suraqtarǵa jaýap berip, praktıkalyq tapsyrmalardy oryndap, bilimderin synady. Úshinshi «Kórkemsóz» kezeńinde óleń, qarasóz, aqparattyq-ta­nym­dyq  mátindermen qatar, pro­za­dan úzindilerdi  mánerlep oqý, berilgen mátinniń ıdeıasyn túsindirý boıynsha synǵa tústi. IV «Ushqyr qalam» týrynda qa­tysýshylardyń qazaq tilinde esse jaza bilý, qazaqsha taza ja­zý saýattylyǵy baǵalandy. Ár kezeńde tórt komanda birinen-biri oza shyǵyp, memlekettik tildi jo­ǵary deńgeıde biletindikterin tanytty. Saıys qorytyndysy boıynsha I oryndy Qazaq memlekettik qyzdar pedagogıkalyq ýnıver­sıtetiniń «Zerde»  toby, II oryndy Abaı atyndaǵy qazaq ulttyq pedagogıkalyq ýnıversıtetiniń «Jalyn» toby men Shetel til­deri jáne iskerlik karera ýnı­versıtetiniń «Ulan» toby ıelendi. III oryndy Q.Sátbaev atyndaǵy qazaq ulttyq tehnı­kalyq ýnıversıtetiniń  «Qyran» toby, Almaty menedjment ýnı­versıtetiniń «О́rleý» toby, Qazaq bas sáýlet-qurylys akade­mııasynyń  «Sáýlet» toby ózara bólisti. Aınash ESALI, «Egemen Qazaqstan» ALMATY